काठमाडौँ । सिद्धार्थ प्रिमियर इन्स्योरेन्सले नगद लाभांश घोषणा गरेको छ । इन्स्योरेन्सले गत वर्षको मुनाफाबाट आफ्ना सेयरधनीलाई ३० प्रतिशत नगद लाभांश घोषणा गरेको हो ।
कम्पनीको माघ २१ गते बसेको सञ्चालक समिति बैठकले ३० प्रतिशत नगद लाभांश (कर सहित) दिने निर्णय गरेको हो ।
उक्त प्रस्तावित लाभांश नेपाल बिमा प्राधिकरण र कम्पनीको आगामी साधारणसभाले स्वीकृत गरेपछि सेयरधनीलाई वितरण हुनेछ ।
यसअघि इन्स्योरेन्सले आर्थिक वर्ष २०७९/८० को नाफाबाट ११ प्रतिशत नगद लाभांश दिएको थियो ।
काठमाडौँ । त्रिभुवन अन्तराष्ट्रिय विमानस्थलबाट अवैध सुनसहित एक महिला पक्राउ परेकी छिन् ।
पक्राउ पर्नेमा काठमाडौँ महानगरपालिका-१५ कि ५८ वर्षीया मैयाँ तामाङ गुरुङ रहेकी छिन् । उनलाई विमानस्थल प्रहरीले सोमबार दिउँसो पक्राउ गरेको हो ।
उनको साथबाट १६ थान सुनको रिङ, ५ थान टुक्रा, १ थान सिक्री, १ थान औँठी र १ थान बाला गरी करिब ९८ ग्राम सुन बरामद गरिएको प्रहरीले जनाएको छ ।
प्रहरीका अनुसार उनी थाई एयरको उडानमार्फत बैंककबाट काठमाडौँ आएकी थिइन् । गुरुङ थप अनुसन्धान तथा कारवाहीका लागि प्रहरी वृत्त गौशाला पठाइएको प्रहरीले जनाएको छ ।
काठमाडौँ । अमेरिकी सरकारले २३ लाख सरकारी कर्मचारीलाई जागिरबाट हटाउने भएको छ । अमेरिकाको ‘सरकारी दक्षता विभाग’ का निर्देशक एलन मस्कले यस्तो घोषणासँगै तयारी गरेका हुन् ।
अन्तराष्ट्रिय सञ्चार माध्यमहरुका अनुसार मस्कले सरकारी कर्मचारीलाई इमेलमार्फत राजिनामा दिन दबाब दिँदै आएका छन् ।
उनले ‘सरकारको लागि धेरै काम गर्यौ, अब सपनाको गन्तव्यमा गएर छुट्टी मनाउ’ भन्दै कर्मचारीहरुलाई इमेल पठाइरहेको छन् । सोही इमेलमार्फत मस्कले स्वेच्छाले जागिर छोड्नेलाई नगद प्रोत्साहनसहित बिदाई गर्ने प्रस्ताव गरेका छन् ।
हाल राजिनामा दिन नमानेका कतिपय सरकारी कर्मचारीलाई जिम्मेवारविहीन गरिएको अन्तराष्ट्रिय सञ्चारमाध्यमहरुले जनाएका छन् । अमेरिकाको सरकारी सेवामा रहेका २३ लाख कर्मचारी हटाएपछि केही महत्वपूर्ण पदहरुमा मस्कले आफ्नो कम्पनीका कर्मचारीहरुलाई नियुक्त गर्ने तयारी गरेको खबरसमेत अमेरिकाकै सञ्चारमाध्यमहरुले जनाएका छन् ।
यसो त मस्कले केही दिनअघि अमेरिकी अन्तराष्ट्रिय विकास नियोग (यूएसएआईडी) बन्द गर्न लागेको घोषणा गरेका थिए । यूएसएआईडी बन्द भए नेपालमा हजारौँ एनजिओकर्मीहरुको उठिबास लाग्ने पक्का छ । उनको यस्तो काममा अमेरिकी राष्ट्रपछि डोनाल्ड ट्रम्पले पनि सहमति जनाएका छन् ।
काठमाडौँ । साताको कारोबारको तेश्रो दिन मंगलबार सेयर बजार मापक नेप्से परिसूचक घटेको छ । आज नेप्से परिसूचक १४.०८ अंकले घटेर २७१५.९१ बिन्दुमा पुगेको हो ।
नेप्सेमा कुल ३ सय १५ कम्पनीको एक करोड ६९ लाख १७ हजार ८ सय ३५ रुपैयाँ सेयर खरिद बिक्री हुँदा ८ अर्ब ९१ करोडमाथिको सेयर कारोबार भएको छ । आज सबैभन्दा धेरै कारोबार एनआरएन इन्फ्रास्ट्रकचरको भएको छ । यस कम्पनीको ३० करोड ८७ लाख १३ हजार ७ सय ९२.३० रुपैयाँ बराबरको भएको छ ।
त्यस्तै, मंगलबारको बजारमा जोशी हाइड्रोपावर डेभलपमेन्ट कम्पनीका सेयरधनीले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।
यता, कर्पोरेट डेभलपमेन्ट बैंकका लगानीकर्ताले भने सबैभन्दा धेरै घुमाएका छन् । यस कम्पनीको सेयर मूल्यमा नेगेटिभ सर्किट लागेको छ ।
काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछानेसहित १५ जनाविरुद्ध चितवनमा मुद्दा दर्ता भएको छ ।
चितवनको साहारा चितवन सहकारी ठगी प्रकरणमा लामिछानेसहित १५ जना व्यक्ति र ६ वटा संस्थाविरुद्ध चितवन जिल्ला अदालतमा मुद्दा दर्ता भएको हो ।
यसअघि जिल्ला सरकारी वकिल कार्यालय चितवनले ढाँचा र तथ्यांक नमिलेको भन्दै प्रहरी प्रतिवेदनको फाइल फिर्ता पठाएको थियो । त्यसप्रश्चात प्रहरीले पुनः अनुसन्धानपछि उक्त फाइल सरकारी वकिल कार्यालयमा बुझाएको थियो ।
मुद्दा सोमबार नै दर्ता भनिएको भए पनि सरकारी वकिलहरुको व्यस्तताका कारण आज (मंगलबार) दर्ता गरिएको हो । उक्त मुद्दामा रवि लामिछाने रामबहादुर खनाल, रबिना रिमाल, विशाल तामाङ, नवीन अछामी, कविता तामाङ, दिपक लामा, असरफ अलि सिद्दिकी भगवती बम्जन, लक्ष्मीप्रसाद पौडेल, विज्ञान राई, नेत्रपाणि बास्तोला, शिवबहादुर गुरुङ र प्रगति श्रेष्ठलाई प्रतिवादी बनाइको छ ।
उक्त मुद्दामा रवि लामिछानेलाई सहकारी ठगीमा मात्रै मुद्दा दर्ता गरिएको छ भने अन्यलाई भने संगठित अपराध कसुरमा पनि मुद्दा दर्ता गरिएको छ । सरकारी वकिल कार्यालयले दर्ता गराएको मुद्दामा सहकारीको ३८ करोड ९ लाख ७९ हजार रुपैयाँ हिनामिना भएको उल्लेख छ । त्यसबाहेक विभिन्न कम्पनीमा गएको रकमसमेत गर्दा ५६ करोड २२ लाख ५० हजार हाराहारीमा रकम बिगो कायम हुनुपर्ने राय प्रहरी प्रतिवेदनमा उल्लेख छ ।
काठमाडौँ । अभियान लघुवित्त वित्तीय संस्था लिमिटेडले चालु आर्थिक वर्षको दोश्रो त्रैमाससम्मको अपरिस्कृत वित्तीय विवरण सार्वजनिक गरेको छ । लघुवित्तले सार्वजनिक गरेको वित्तीय विवरण अनुसार लघुवित्तले ३७ करोड ८६ लाख रुपैयाँ खुद नाफा कमाएको छ । गत वर्षको सोहि अवधिमा कम्पनी ६ करोड २४ लाख ६८ हजार रुपैयाँ नोक्सानमा थियो ।
समिक्षा अवधिमा कम्पनीको खुद ब्याज आम्दानी र सञ्चालन नाफा बढेसँगै लघुवित्तको खुद नाफा पनि बढेको हो । यसअवधिमा कम्पनीले ६ करोड ३१ लख ५८ हजार रुपैयाँ खुद ब्याज आम्दानी कमाएको छ । अघिल्लो वर्षको यसैअवधिमा यस कम्पनीको खुद ब्याज आम्दानी १२ लाख ५७ हजार रुपैयाँ ऋणात्मक थियो ।
दोश्रो त्रैमाससम्ममा कम्पनीले ४६ लाख ५३ हजार रुपैयाँ सञ्चालन आम्दानी गरेको छ । पुस मसान्तसम्म आइपुग्दा यसको चुक्ता पुँजी २५ करोड रुपैयाँ छ । प्रतिसेयर आम्दानी ३ रुपैयाँ ०३ पैसा छ । प्रतिसेयर नेटवर्थ १०८ रुपैयाँ ८१ पैसा छ ।
काठमाडौँ । बेलायती राजकुमार एडवार्ड काठमाडौँ आइपुगेका छन् । एडवार्ड ६ दिने भ्रमणका लागि नेपाल आएका हुन् ।
मंगलबार काठमाडौं उत्रिएका बेलायती रानी एलिजाबेथ द्वितीयाका कान्छा सन्तान अर्थात् वर्तमान राजा चाल्र्स तृतीयाका कान्छा भाइ राजकुमार एडवार्ड र राजकुमारी सोफिया राष्ट्रपति रामचन्द्र पौडेलसँग विशेष भेट गर्ने कार्यक्रम रहेको छ ।
बेलायती राजकुमार दम्पती त्रिभुवन अन्तर्राष्ट्रिय विमानस्थलबाट सिधैं लैनचौरस्थित बेलायती दूतावास गएका थिए ।
६ दिनको नेपाल बसाइका क्रममा उनीहरु पोखराको ब्रिटिश गोर्खा क्याम्पमा आयोजना हुने एक विशेष समारोहमा सहभागी हुने तर अन्य स्थानको भ्रमणबारे टुंगो लागिनसकेको दूताबासले जनाएको छ । बाँकि तस्विरमा हर्नुहोस्:
काठमाडौँ । नेपाल प्रहरीको केन्द्रीय अनुसन्धान ब्यूरो (सीआईबी) को नक्कली इमेल बनाएर ठगी गर्ने दुईजना पक्राउ परेका छन् ।
पक्राउ पर्नेमा सुनसरी देवानगंज गाउँपालिका-७ स्थायी ठेगाना भएका अन्दाजी २० वर्षीय मनिष कुमार मेहता र सोही गाउँपालिका वडा नम्बर १ का अन्दाजी २१ वर्षीय ईन्द्रजित यादव रहेका छन् ।
उनीहरुलाई सुनसरी प्रहरीको सहयोगमा पक्राउ गरिएको हो । प्रहरीका अनुसार उनीहरुले प्रहरीका विशिष्ट व्यक्तिको नाम, दर्जा र कार्यालयको लोगोसमेत दुरुपयोग गरेर ठगी गरेको पाइएको छ ।
हाल उनीहरुविरुद्ध जिल्ला अदालतबाट सात दिनको म्याद थप गरेर अनुसन्धान भइरहेको प्रहरीले जनाएको छ ।
काठमाडौँ । मन्त्रीको गाडीलाई साइड नदिएको भन्दै तीन ट्रक कारवाहीमा परेका छन् । लुम्बिनी प्रदेशको कुपिलवस्तुमा प्रदेशका आर्थिक मामिला तथा योजनामन्त्री धनेन्द्र कार्कीको लु १ झ ७३८ नम्बरको गाडीलाई साइड नदिएको भन्दै तीनवटा मालवाहक ट्रक कारवाहीमा परेका हुन् ।
कारवाहीमा पर्नेमा प्र १०२००१ ख ८४७३, ३३५१ र ९२०७ नम्बरका मालवाहक ट्रक रहेका छन् । उनीहरुलाई पाँच सयका दरले चिट कटाएर कारवाही गरिएको ट्रक चालकले बताएका छन् ।
ट्रक चालकका अनुसार मन्त्रीको गाडी कपिलवस्तु नगरपालिका सडकखण्डमा पश्चिमबाट तीव्र गतिमा पूर्वतर्फ जाँदै थियो । गाडी पछाडी भएकाले उनीहरुले गाडीमा को छ ? भन्ने चिनेनन् र आफ्नै गतिमा ट्रक हाँकीरहे । तर, केहीबेरमा उक्त गाडीले आफूहरुलाई ओभरटेक गरेर अगाडी तेर्साएको ट्रक चालकको भनाई छ ।
त्यसपछि मन्त्रीको गाडीबाट ओर्लिएर मन्त्रीका पिएसओ हवल्दार कृष्णबहादुर खत्रीले ट्राफिक बोलाएर जबरजस्ती ५ सयको चिट काट्न लगाएको ट्रक चालकले बताएका छन् । यतिसम्मकी गाडी भित्रैबाट मन्त्रीले ‘त्यसलाई समातेर भित्र थुन’ भन्दै आदेश दिएकोसमेत ट्रक चालकले बताएका छन् । तर, प्रहरीले भने सामान्य कारवाही मात्रै गरेर छोडेको ती ट्रक चालकको भनाई छ ।
प्रहरीका अनुसार मन्त्री कार्की मंगलबार बिहान ९ बजे भालुवाङबाट भैरहवामा आयोजित जनस्वास्थ्यको कार्यक्रममा सहभागी हुँन जाँदै थिए ।
काठमाडौँ । नेपाल टेलिकमको खुद नाफा ६ अर्ब नाघेको छ । आर्थिक वर्ष २०८०/८१ मा कम्पनीको खुद नाफा ६ अर्ब २३ करोड रुपैयाँ पुगेको हो ।
२१औँ वार्षिकोत्सवमा पछिल्लो आर्थिक वर्षको आयव्ययसहितको विवरण सार्वजनिक गर्दै कम्पनीले गत आर्थिक वर्षमा ६ अर्ब २३ करोड खुद नाफा भएको जानकारी गराएको हो ।
कम्पनीले गत आर्थिक वर्षमा कमाएको खुद नाफा अघिल्लो आर्थिक वर्षको तुलनामा कम हो । यद्यपि कम्पनीले अर्थतन्त्रका सूचकहरु नकारात्मक भएको अवस्थामा कम्पनीले नाफा आर्जन गर्नु नै ठूलो कुरा भएको भनेको छ ।
कम्पनीका अनुसार चालु आर्थिक वर्षको ६ महिना (साउनदेखि पुषसम्म) करिब २० अर्ब १२ करोड रुपैयाँ आय आर्जन गरिसकेको छ । हालसम्म टेलिकमको ग्राहक संख्या २ करोड १२ लाख ४२ हजार बढी पुगेको कम्पनीले जनाएको छ ।
Source : नेपाली पैसा
काठमाडौं : सेयर बजार बढ्नेक्रमले सोमबार पनि निरन्तरता पाएको छ । यस दिन नेप्से सूचक २.४१ विन्दुले बढेर २७३० अंकमा आइपुगेको छ । ११ अर्ब ८७ करोड रुपैयाँभन्दा बढीको सेयर कारोबार भएको छ । ७ वटा समूहका सूचक बढेका छन् । २ कम्पनीमा सकारात्मक सर्किट लागेको छ । अघिल्लो दिन भारी अंकले वृद्धि भएको नेप्से सोमबार भने सामान्य बढेको हो ।
समग्रमा हेर्दा २७ सयको लेबलमा आएको नेप्सेले अझै अघि बढ्ने प्रयास गरिरहेको देखिन्छ । सूचकसँगै कारोबार रकममा निरन्तर तेजी आउन सक्यो भने बजारको माथिल्लो यात्रा सहज हुने जानकारहरु बताउँछन् । यसअघि पटकपटक प्रयास गर्दा पनि सफल हुन नसकेको २७८० को तहलाई पार गर्न कारोबार रकममा तेजी आउनुपर्ने हुन्छ । साथै, फराकिलो अंकसहित सूचकको वृद्धि पनि आवश्यक देखिन्छ ।
पछिल्ला दिनहरुमा कारोबार रकममा तेजी आइरहेको छ । लार्ज क्यापका कम्पनीहरु पनि चलिरहेका छन् । आम लगानीकर्ताको मनोबलसमेत वृद्धि हुँदै गएको देखिन्छ । बजारमा सहभागीहरुको संख्या बढेको नेप्सेको तथ्यांकले देखाएको छ । यता, सेयर धितो कर्जा लिएर लगानी गर्नेहरु पनि बढिरहेका छन् ।
यी तथ्यहरुका आधारमा केही करेक्सनहरुका बाबजुत पनि नेप्सेले २७ सयको लेबललाई पार गरेर २८ सयतर्फ अघि बढ्न सक्ने पर्याप्त सम्भावना रहेको जानकारहरु बताउँछन् । बजार अघि बढ्नका लागि नेप्से प्रत्येक दिन बढ्नैपर्छ भन्ने हुँदैन । तर कारोबार रकमले साथ दिंदै गयो भने केही करेक्सनहरु हुँदै समग्रमा बजारले माथिल्लो विन्दुहरु तय गर्न पनि सक्नेछ । कतिपय बजार वृद्धिलाई गभर्नरको बर्हिगमन हुन लागेको विषयसँग पनि जोडेर हेरेको पाइन्छ ।
यसअघि बजार लामो समयसम्म घटेकाले अब माथि जानका लागि आधारहरु तय भएको देखिन्छ । लामो समयसम्म करेक्सन हुँदा भाउ सस्तो भएको छ । समयका हिसाबले पनि करेक्सन र साइडवेज अवधि पूरा भएको अनुमान गर्न सकिन्छ ।
यस्तै, बजारले करेक्सन र साइडवेज हुँदै करिब ६ महिना समय व्यतीत गरिसकेको छ । यसबीचमा ३ हजारको तहमा पुगेको नेप्से घटेर २४ सयकै लेबलमा आयो । पछिल्लो समय नेप्से २७८० को तहसम्म आए पनि त्यसभन्दा माथि जान सकेन ।
अब नेप्सेले पुनः २७८० को लेबललाई पार गर्छ कि गर्दैन, त्यो महत्वपूर्ण हुने देखिन्छ । त्यसो त समग्रमा हेर्दा सेयर बजारले करिब साढे ३ वर्षको वियरिस चक्र पूरा गरिसकेको छ । यसअघिको बुल रनमा ३२ सय पुगेको नेप्से यसबीचमा घटेर १८ सयको तहसम्म पनि आयो । निकै लामो समय बजार वियरिस ट्रेन्डमा रहेकाले अब यसले क्रमशः बुलिस बाटो समाउने विश्लेषणहरु भइरहेका छन् ।
यतिबेला अधिकांश कम्पनीको दोस्रो त्रैमासको रिपोर्ट पनि आइसकेको छ । धेरैजसो सूचीकृत कम्पनीहरुले लाभांश घोषणा गरी साधारण सभासमेत सम्पन्न गरिसकेका छन् । सेयरधनीको खातामा धमाधम लाभांश पठाउनेक्रम चलिरहेको छ । कम्पनीहरुको दोस्रो त्रैमासको रिपोर्टहरु आइरहेका छन् ।
बैंकिङ प्रणालीमा अधिक तरलता र निकै सस्तो ब्याजदर रहेको अवस्था छ । यी सबै कुराहरुले सेयर बजारमा अब सकारात्मक माहोल आउन सक्ने विश्लेषणहरु भइरहेका छन् । नेप्से सूचकसँगै कारोबार रकमसमेत बढ्दा बजार बलियो हुँदै गएको अर्थमा बुझ्न सकिन्छ ।
कारोबार रकम क्रमशः बढ्दा क्रेताहरु सक्रिय भएको अनुमान लगाउन सकिन्छ । बजारले बुल रन समायो भने होल्ड गर्नेहरुले नै बढी लाभ लिन सक्नेछन् । सेयर बजारमा फराकिलो वृद्धिका लागि लार्ज क्याप तथा फन्डामेन्टल कम्पनीहरुले लीड गर्नुपर्ने जानकारहरु बताउँछन् ।
सस्तो ब्याजदरका कारण यतिबेला आम लगानीकर्ताले कर्जा लिएर सेयर बजारमा प्रवेश गर्नेक्रम समेत बढेको तथ्यांकले देखाएको छ । ठूला लगानीकर्ताहरु कर्जा लिएर सेयर बजार प्रवेश गर्नेक्रम अझै बढी रहेको केन्द्रीय बैंकले सार्वजनिक गरेको तथ्यांकले पुष्टि गरेको छ । ठूला तथा संस्थागत लगानीकर्ताको सक्रियता बढ्दा बजारले गति लिन सक्ने अनुमान लगाउन सकिन्छ ।
तर सर्वसाधारण लगानीकर्ताले भने जहिले पनि सबल वित्तीय सूचक भएका, लाभांश क्षमता राम्रो रहेका कम्पनीहरु छानेरै योजनाबद्ध ढंगले लगानी गर्दा जोखिम न्यूनीकरण गर्न सहयोग पुग्ने देखिन्छ ।
यस दिन ३ सय १९ कम्पनीको २ करोड ३७ लाखभन्दा बढी कित्ता सेयर कारोबार भएको छ । ३५ करोड ३० लाख रुपैयाँभन्दा बढीसहित कारोबार रकममा एनआरएन इन्फ्रास्टक्चर एन्ड डेभलपमेन्ट कम्पनी अग्रस्थानमा रहेको छ । यसैगरी, दोस्रो र तेस्रोमा क्रमशः सप्कोशी डेभलपमेन्ट बैंक र बरुण हाइड्रोपावर परेका छन् ।
