प्रधानमन्त्री केपी शर्मा ओलीले आफू भर्खर ७४ वर्षमा प्रवेश गरेको भन्दै आफू ‘बुढो नभएको’ बताएका छन्।

मंगलबार कोशी प्रदेशसभामा विशेष सम्बोधन गर्दै प्रधानमन्त्री ओलीले आफ्नो स्वास्थ्य अवस्थाबारे प्रस्ट पार्दै भने, ‘म धेरै पटक अपरेशन गरिसकेको छु, दुई पटक मिर्गौला प्रत्यारोपण गरिसकेको छु। अपरेशन गरेर बाँचिरहेको मान्छे हुँ। भर्खरै आयोजित कार्यक्रममा प्रमुख अतिथि १०१ वर्षका हुनुहुन्थ्यो। म त भर्खर ७४ लागेँ, ठिकै छु, बुढो भए भन्न मिल्दैन।’

प्रधानमन्त्री ओलीले सरकारले जनताको आवाज सुन्ने भएकाले चर्को स्वर निकाल्न आवश्यक नरहेको बताए।

उनले जनताको चाहना पूरा गर्न सरकार प्रतिबद्ध रहेको उल्लेख गर्दै भने, ‘यो सरकारलाई चर्को स्वरले केही भन्नुपर्दैन, सानो स्वरमै सरकारले सुन्छ। यो सरकार, सरकार बन्न मात्रै बनेको होइन, जनताको लागि बनेको हो।’

उनले सरकारले देशको मुहार बदल्ने अठोटका साथ काम गरिरहेको बताउँदै अनावश्यक विवादमा आफू संलग्न हुन नचाहेको उल्लेख गरे।

उनले आफ्नो संघर्षपूर्ण पृष्ठभूमिबाट देश परिवर्तनको अठोटसहित अघि बढेको बताउँदै भने, ‘म देशको मुहार फेर्ने, राम्रो कामको अगुवाइ गर्ने लक्ष्यसहित सरकारमा आएको हुँ। मलाई कुनै लफडा गर्न मन छैन, वादविवाद गर्न चाहन्नँ। म जनताको कुरा सुन्ने, जनताको लागि काम गर्ने पक्षमा छु।’

प्रधानमन्त्री ओलीले राष्ट्रिय एकताको महत्वबारे पनि जोड दिँदै भने, ‘मानिसले कहिलेकाहीं कुरा बुझ्दैनन्, त्यो छुट्टै कुरा हो। तर, म सधैं राष्ट्रिय एकताको कुरा गर्छु, किनकि यही नै देशको समृद्धिको आधार हो।’

२७ फागुन, काठमाडौं । नेपाल सुपर लिग (एनएसएल) नेपालको एक मात्र फ्रेन्चाइज फुटबल प्रतियोगिता हो । सन् २०२१ मा सुरु भएको एनएसएलको तेस्रो संस्करण आउने चैत १६ गतेदेखि (मार्च २९) देखि सुरु हुँदैछ ।

तेस्रो सिजनका लागि मिनी अक्सन र ड्राफ्ट सम्पन्न भएपछि अहिले टोलीहरु विदेशी खेलाडी अनुबन्ध गर्ने क्रममा छन् । सबै टोलीले आफ्नो प्रशिक्षक पनि घोषणा गरिसकेका छन् । केही टिमले तयारी पनि थालिसकेका छन् भने केही टिम विदेशी खेलाडीहरु अनुबन्ध गरिरहेका छन् ।

केही टिमले अक्सनअघि नै प्रशिक्षक घोषणा गरिसकेपनि केही टिमले भने अक्सनपछि मुख्य प्रशिक्षकको नाम सार्वजनिक गरेका छन् । अक्सनपछि प्रशिक्षक सार्वजनिक गर्ने दुई टिम थिए काठमाडौं रेजर्स र धनगढी एफसी । दुवैले विदेशी प्रशिक्षक नै रोजे । त्यसमा पनि युइएफए प्रो लाइसेन्स भएका ।

नेपालको राष्ट्रिय टिमका लागि समेत प्रो लाइसेन्स प्राप्त प्रशिक्षक रोज्न हम्मे हम्मे परेको बेला एनएसएलका फ्रेन्चाइज टिमहरुले भने युइएफए प्रो लाइसेन्स भएका विदेशी प्रशिक्षक अनुबन्ध गरिरहेका छन् ।

सुरुमा साविक विजेता ललितपुर सिटी एफसीले विदेशी प्रशिक्षक अनुबन्ध गरेको घोषणा गरेको थियो । त्यसपछि बुटवल लुम्बिनी, काठमाडौं रेजर्स र धनगढी एफसीले पनि विदेशी नै अनुबन्ध गरे ।

ललितपुरले इन्डियन सुपर लिग (आईएसएल) मा समेत प्रशिक्षण सम्हालिसकेका अनुभवी इंग्लिस प्रशिक्षक साइमन ग्रेसलाई अनुबन्ध गरेको छ । यस्तै बुटवल लुम्बिनीले भुटानी क्लब पारो एफसीका मुख्य प्रशिक्षक रहिसकेका पुष्पलाल शर्मालाई अनुबन्ध गरेको छ ।

काठमाडौं रेजर्स र धनगढी एफसीले पनि यस पटक युरोपियन प्रशिक्षक नै रोजेका छन् । काठमाडौंले बेल्जियमका अनुभवी प्याट्रिक डे विल्डे र धनगढीले स्पेनका जुवान मानुएल मार्टिनेज सेजलाई प्रशिक्षकको भूमिकामा अनुबन्ध गरेको छ ।

विदेशी प्रशिक्षक बढ्दै

एनएसएलको पहिलो संस्करणमा ७ टिम सहभागी हुँदा एक टिमले मात्र विदेशी प्रशिक्षक अनुबन्ध गरेको थियो । विराटनगर सिटी एफसीले भारतको यान ल लाई अनुबन्ध गरेको थियो ।

दोस्रो संस्करणमा विराटनगर सिटीले खेलेन । तर तीन नयाँ टिम थपिएको थियो र ९ टिमले प्रतिस्पर्धा गर्दा तीन टिमले विदेशी प्रशिक्षक भित्र्याएको थियो ।

त्यस बेला नयाँ टोली झापा एफसीले स्पानिस कोच ओरिएल मोहेडानोलाई अनुबन्ध गरेको थियो । यस्तै ललितपुर सिटीले अष्ट्रेलियाका इयान आन्द्रे गिलियन र एफसी चितवनले भारतका मेहराजुद्दिन वाडुलाई अनुबन्ध गरेको थियो ।

इयान आन्दरे गिलियनले ललितपुरलाई दोस्रो संस्करणमा च्याम्पियन नै बनाए । विदेशी प्रशिक्षक ल्याएका झापा र चितवन भने प्लेअफमै पुग्न सकेनन् ।

अहिले तेस्रो संस्करणमा आइपुग्दा टिम संख्या घटेर फेरि ७ मै आएको छ भने विदेशी प्रशिक्षकको संख्या भने बढ्दैछ ।

७ टिम मध्ये तेस्रो संस्करणका लागि चार टिमले विदेशी प्रशिक्षक रोज्दा तीन टिममा मात्र स्वदेशी प्रशिक्षक नियुक्त गरेका छन् ।

नेपालको प्रशिक्षक ३ मात्र

एनएसएलको तेस्रो संस्करणमा सात फ्रेन्चाइज टिमले प्रतिस्पर्धा गर्दैछन् । जसमध्ये आधा भन्दा बढीले विदेशी प्रशिक्षक भित्र्याउँदा नेपालका भने तीन प्रशिक्षक मात्र मुख्य प्रशिक्षकको भूमिकामा छन् । तिन हुन् नविन न्यौपाने, प्रवेश कटुवाल र सुमन श्रेष्ठ । तीनै प्रशिक्षक एएफसी ए लाइसेन्स प्राप्त हुन् ।

न्यौपाने एफसी चितवन, कटुवाल झापा एफसी र श्रेष्ठ पोखरा थण्डर्सको मुख्य प्रशिक्षकमा छन् । न्यौपानेले यसअघि पोखरा थण्डर्सको प्रशिक्षकको रुपमा काम गरिसकेका छन् भने कटुवाल र श्रेष्ठले पहिलो पटक एनएसएल टिम हेर्न लागेका हुन् ।

कटुवाल र श्रेष्ठका लागि एनएसएल नयाँ अनुभव हुनेछ । घरेलु फुटबलमा भने यी तीनै जनाले लगातार प्रशिक्षकको भूमिकामा काम गरिरहेका छन् । न्यौपाने र कटुवालले नेपाली पुरुष राष्ट्रिय टिमको अन्तरिम मुख्य प्रशिक्षकको भूमिकामा पनि काम गरिसकेका छन् । प्रवेश कटुवाल राष्ट्रिय टिमको सहायक समेत थिए ।

प्रवेश कटुवाल र सुमन श्रेष्ठले ए डिभिजन लिग समेत जितेका छन् भने नविन न्यौपाने प्रशिक्षकको रुपमा लिग उपविजेता समेत बनेका छन् ।

प्रवेश कटुवालले मुख्य प्रशिक्षकको रुपमा मछिन्द्र एफसीलाई लगातार दुई सिजन ए डिभिजन लिगको च्याम्पियन बनाएका थिए । यस्तै मनाङ मर्स्याङ्दी क्लबले ए डिभजन लिग जित्दा सुमन श्रेष्ठ प्रशिक्षक थिए । त्यसबेला उनलाई विदेशी प्रशिक्षक फुजा तोपेले पनि सघाएका थिए ।

सातै टिमको प्रशिक्षक परिवर्तन

एनएसएलको तेस्रो संस्करणमा आइपुग्दा सबै ७ टिमले प्रशिक्षक परिवर्तन गरेका छन् । यसअघि पहिलो र दोस्रो संस्करणमा केही टिमले प्रशिक्षकलाई निरन्तरता दिएपनि तेस्रो संस्करणमा आइपुग्दा भने सबैले नयाँ प्रशिक्षक रोजेका हुन् ।

पहिलो सिजन काठमाडौंलाई च्याम्पियन बनाएका बालगोपाल महर्जनलाई दोस्रो संस्करणमा निरन्तरता दिएको थियो । तर दोस्रो सिजन ठिकठाक भएपछि तेस्रो सिजन काठमाडौंले विदेशी प्रशिक्षक रोज्यो । काठमाडौंले घरेलु प्रशिक्षक मेघराज केसीलाई टेक्निकल डिरेक्टर नियुक्त गरेको छ ।

यस्तै ललितपुरलाई दोस्रो सिजन च्याम्पियन बनाएका इयान गिलयनको स्थानमा तेस्रो संस्करणमा इंग्लिस प्रशिक्षक साइमन ग्रेसनलाई भित्र्याएको छ ।

युगल किशोर राईले धनगढी एफसीलाई लगातार दुई उपविजेता बनाएका थिए । उपाधि जित्न प्रतिक्षा गरिरहेको धनगढीले पनि यस पटक विदेशी प्रशिक्षक रोजेको छ । स्पानिस प्रशिक्षक जुवान मानुएलको प्रशिक्षणमा धनगढीले राम्रो नतिजा ल्याउने विश्वास राखेको छ ।

यस्तै बुटवल लुम्बिनीले पनि यस पटक विदेशी प्रशिक्षक नै राखेको छ । एएफसी प्रो लाइसेन्स प्राप्त भुटानका पुष्प लाल शर्मालाई बुटवलले नयाँ प्रशिक्षक बनाएको हो । यसअघि बुटवल लुम्बिनीको प्रशिक्षकमा विजय महर्जन थिए ।

गत सिजन एनएसएल डेब्युमै स्पानिस प्रशिक्षक ल्याएको झापा एफसीले भने यस पटक घरेलु प्रशिक्षक नै रोजेको छ । त्यसमा पनि झापाले स्थानिय प्रवेश कटुवाललाई रोजेको हो । मछिन्द्र एफसीलाई लगातार दुई पटक ए डिभिजन लिगको उपाधि जिताएका कटुवालले राष्ट्रिय टिमको कार्यवाहक र सहायक प्रशिक्षक बनेर समेत काम गरिसकेका छन् ।

यसैगरी चितवनले पनि विदेशी प्रशिक्षक छाडेर नेपाली नै रोजेको छ । दोस्रो सिजन भारतमा मेहराजुद्दिनलाई प्रशिक्षक बनाएको चितवनले यस सिजन नविन न्यौपानेलाई मुख्य प्रशिक्षक बनाएको छ । चितवनले न्यौपानेको प्रशिक्षणमा नयाँ टिम बनाएर एनएसएलमा राम्रो नतिजा ल्याउने विश्वास राखेको छ । न्यौपाने यसअघि पोखरा थण्डर्सको मुख्य प्रशिक्षक थिए ।

यस्तै पोखराले भने यसपटक नयाँ प्रशिक्षक भित्र्याएको छ सुमन श्रेष्ठ । सुमन श्रेष्ठको प्रशिक्षकको रुपमा मनाङ मर्स्याङ्दी क्लबाट ए डिभिजन लिग जितेका छन् । यस सिजन भने उनले मोफसलको गोल्डकपहरुमा ए डिभिजन लिग विजेता चर्च ब्वाइज युनाइटेडको प्रशिक्षण सम्हालिरहेका छन् ।

पोखरा महानगरपालिका दोस्रो अन्तरक्लब पुरुष टी–२० क्रिकेट उपाधि लेखनाथ युथ क्रिकेट क्लबले जितेको छ। पोखरा महानगरपालिका शिक्षा महाशाखाको आयोजना तथा पोखरा महानगरपालिका क्रिकेट संघको संयोजन तथा व्यवस्थापनमा आयोजित प्रतियोगिताको फाइनलमा माछापुच्छ्रे क्रिकेट क्लबलाई ३० रनले पराजित गर्दै लेखनाथले उपाधि जितेको हो।

इडेन हेभन क्रिकेट मैदानमा सोमबार लेखनाथ युथ क्लबले टस जितेर पहिले ब्याटिङ गर्दै निर्धारित २० ओभरमा ७ विकेट गुमाएर १५० रनको योगफल तयार ग¥यो। लेखनाथका लागि पुष्पेन्द्र झाले ३२ बलमा ३२ रन, दीपक बरालले २३ बलमा २८ रन र मार्सल बरालले १८ बलमा २२ रनको योगदान दिएका थिए। लेखनाथलाई ठूलो स्कोर बनाउन नदिन रीतेश बरालले २२ रन खर्चेर ३ विकेट तथा धीरज अधिकारीले २५ रन खर्चेर २ विकेट लिएका थिए।

१५१ रनको मध्यम लक्ष्य भेट्टाउन जबाफी ब्याटिङमा उत्रिएको माछापुच्छ्रे क्रिकेट क्लब निर्धारित २० ओभरमा ७ विकेट गुमाएर १२० रनमै सीमित भएपछि उपविजेतामा चित्त बुझाउन बाध्य भयो। माछापुच्छ्रेका आशिष न्यौपानेले २७ बलमा २३ रन र पूर्णबहादुर जिटीले १५ बलमा २२ रन बनाए पनि अन्य ब्याटर चल्न सकेनन्। फाइनलमा माछापुच्छ्रेलाई कम रनमा समेट्न लेखनाथका मार्सल बरालले १४ रन खर्चेर २ विकेट लिएका थिए। फाइनल खेलको प्लेयर अफ दी म्याच मार्सल बराल बने।

बेस्ट प्लेयर अफ द टुर्नामेन्ट उपाधि विजेता लेखनाथ युथ क्लबका दीपक बराल बने। त्यस्तै, माछापुच्छ्रे क्रिकेट क्लवका प्रमोद बास्तोला बेस्ट बलर तथा कास्की क्रिकेट क्लवका आदित्य थापा बेस्ट ब्याट्सम्यान  घोषित भए।

उपाधि विजेता तथा विभिन्न विधामा उत्कृष्ट भएकाहरूलाई पोखरा महानगरपालिका क्रिकेट संघका अध्यक्ष वीरेन्द्र पुन, सदस्य अभिनय श्रेष्ठलगायतले पुरस्कार वितरण गरेका थिए।

२७ फागुन, काठमाडौं । सरकारले स्वास्थ्य बीमा बोर्डको कार्यकारी निर्देशक पदमा डा. रघुराज काफ्लेलाई नियुक्त गरेको छ । सिफारिस समितिको सुझावका आधारमा छनोटमा परेका तीन जनामध्ये तनहुँका काफ्ले कार्यकारी निर्देशक नियुक्त भएका हुन् ।

स्वास्थ्य मन्त्रालयले डा. काफ्लेसहित डा. कृष्णप्रसाद अधिकारी र कमल पन्थीको नाम मन्त्रिपरिषदमा सिफारिस गरेको थियो ।

स्वास्थ्य मन्त्री प्रदीप पौडेलले गठन गरेको बीमा सुझाव कार्यदलमा डा. काफ्ले सदस्य थिए ।

यसअघि डा.काफ्ले गण्डकी प्रदेशको नीति तथा योजना आयोगको उपाध्यक्ष तथा वैदेशिक रोजगार बोर्डको कार्यकारी समेत भएका थिए ।

बोर्डमा रहँदा डा. काफ्लेले श्रमिक र आश्रित परिवारको हितमा विभिन्न कल्याणकारी कार्यक्रम सुरु गरेका थिए । राहत रकममा चार सय प्रतिशत वृद्धि तथा बीमामा शतप्रतिशत वृद्धि गर्ने निर्णय उनको नेतृत्वमा भएको थियो । गम्भीर रोगका लागि श्रमिक बिमा कार्यक्रम पनि उनैले सुरु गरेका थिए ।

डा काफ्ले संयुक्त राष्ट्रसंघीय विकास कार्यक्रममा एक दशक बढी वरिष्ठ अधिकारीका रुपमा कार्यरत उनी विकास रणनीति निर्माणमा संलग्न थिए छ । अर्थशास्त्रमा विद्यावारिधि डा. काफ्लेले लामो समय प्राध्यापनसमेत गरेका थिए ।

टेस्ला र स्टारलिङ्कका सीईओ एलोन मस्कले युक्रेनको इन्टरनेट बन्द गर्ने धम्की दिएका छन्। आइतबार मस्कले युक्रेनमा आफ्नो स्टारलिङ्क इन्टरनेट प्रणाली बन्द गर्ने धम्की दिँदै भने, ‘युक्रेनको रक्षा रेखा ध्वस्त हुनेछ।’

मस्कको स्टारलिङ्क इन्टरनेट प्रणाली युक्रेनलाई सैन्य सञ्चार कायम राख्न सहयोगी भएको छ। मस्कले एक्समा पोस्ट गर्दै लेखे, ‘स्टारलिङ्क प्रणाली युक्रेनी सेनाको मेरुदण्ड हो। युक्रेनले अन्ततः हार्ने युद्ध र नरसंहारको बारेमा म चिन्तित छु।’

यद्यपि, पछि उनले अर्को एक्स पोस्टमा स्पष्ट पार्दै भने, ‘म युक्रेनको नीतिको जतिसुकै विरुद्धमा भए पनि, म त्यहाँ स्टारलिङ्कको टर्मिनल कहिल्यै बन्द गर्ने छैन। म स्टारलिङ्क इन्टरनेटलाई मोलमोलाईको रूपमा प्रयोग गर्दिनँ।’

यसअघि अमेरिकाले युक्रेनलाई दिँदै आएको सैन्य सहयोग रोकेको छ। न्यूयोर्क टाइम्सका अनुसार यसले एक अर्ब डलर बराबरको हतियार र गोला बारुद सहायतालाई असर गर्न सक्छ। यी चाँडै युक्रेनमा पुर्‍याइने थियो।

ट्रम्पको आदेशले युक्रेनले अमेरिकी रक्षा कम्पनीहरूबाट सिधै नयाँ सैन्य हार्डवेयर खरिद गर्न प्रयोग गर्न सक्ने सहायतालाई पनि रोक लगाएको छ। अमेरिकी सहायता निलम्बन गर्ने विषयमा राष्ट्रपति जेलेन्स्कीबाट कुनै प्रतिक्रिया आएको छैन।

ह्वाइट हाउसका एक अधिकारीले सीएनएनलाई भने, ‘यो निर्णय जेलेन्स्कीको खराब व्यवहारका कारण भएको स्पष्ट छ। यदि जेलेन्स्कीले युद्ध अन्त्य गर्न वार्ता गर्ने प्रयास गरे भने सायद यो प्रतिबन्ध हटाउन सकिन्छ।’

यस्तै अमेरिकाले मार्च ५ देखि युक्रेनसँग गोप्य जानकारी साझा गर्न प्रतिबन्ध लगाएको थियो। अमेरिकी राष्ट्रिय सुरक्षा सल्लाहकार (एनएसए) माइक वाल्ट्जले युक्रेनसँग गुप्तचर जानकारी साझा गर्ने सन्दर्भमा हामी एक कदम पछि हटेको बताएका छन्। एजेन्सी

२७ फागुन, काठमाडौं। जेभियर र हेराल्ड इन्टनरनेसनल कलेजले हिसान सेन्ट्रल इन्टर कलेज बास्केटबल च्याम्पियनसिप २०२५ को पहिलो दिनमै दोहोरो जित निकालेका छन्।

त्रिपुरेश्वस्थित राष्ट्रिय खेलकुद परिषद् (राखेप) कभर्डहलमा सोमबार सम्पन्न समूह ‘ए’ को खेलमा जेभियरले दोहोरो जित हासिल गरेको हो। जेभियरले पहिलो खेलमा ऋत एकेडेमीलाई ५८–३५ को स्कोरमा पराजित गर्‍यो। जेभियरको जितमा प्रीतम थिङले १० अंक जोडे।

जेभियरले दोस्रो खेलमा काठमाडौं वर्ल्ड स्कुललाई ५४–१३ स्कोरले पराजित गर्‍यो। यो खेलमा भने असीम थापाले सर्वाधिक १५ अंक दिलाए।

समूह ‘सी’ मा हेराल्डले पहिलो खेलमा काठमाडौं भ्याली कलेजलाई ५३–२८ तथा दोस्रो खेलमा जया मल्टिपल कलेजलाई ४२–१५ को स्कोरमा हरायो। अर्को खेलमा टाइम्स इन्टरनेसनल कलेजले ऋत एकेडेमीलाई ४३–११ र डिएभीले हिमालयन कलेज ३८–१० को स्कोरले पराजित गर्‍यो।

ग्रिनफिल्ड कलेजले काठमाडौं भ्याली कलेजलाई ४५–३१ ले हराउँदा वर्नहार्ट कलेजले हिमालयन कलेजमाथि ५१–१७ को स्कोरमा जित निकाल्यो।

आगामी बुधबारसम्म चल्ने प्रतियोगितामा उपत्यकाका १६ वटा कलेजको सहभागिता छ। सहभागी कलेजलाई चार समूहमा विभाजन गरिएको छ।

समूह ‘ए’ मा टाइम्स, ऋत, जेभियर र काठमाडौं वर्ल्ड स्कुलछन्। समूह ‘बी’ मा ग्रिनफिल्ड, डिएभी, सिसिआसी र नाइटिङ्गेल कलेज छन्।

समूह ‘सी’ मा जया, गोल्डेन कलेज, नाइटिङ्गेल स्कुल, हेराल्ड र काठमाडौं भ्याली कलेज रहेका छन् भने समूह ‘डी’ मा हिमालयन कलेज, लालिगुँरास कलेज, एन्जल हार्ट र वर्नहार्ट छन्।

हरेक समूहको विजेता र उपविजेता क्‍वाटरफाइनलमा प्रवेश गर्नेछन्।

महिला न्यायाधीशहरूको सम्मेलनले कार्यस्थलमा हुने यौनजन्य दुर्व्यवहारको तत्काल सुनुवाइका लागि गुनासो सुन्ने संयन्त्र निर्माण गर्न पहलकदमी गर्नेसहितको प्रतिबद्धता जारी गरेको छ। यो प्रतिबद्धताले न्यायसेवामा कार्यरत महिलामा पनि यौनजन्य दुर्व्यवहार हुने गरेको अनुमान गर्न सकिन्छ।

ललितपुरमा सोमबार सम्पन्न सम्मेलनले ‘यौनजन्य दुव्र्यवहारसम्बन्धी नीति बनाउन र कार्यान्वयनका लागि अदालतको नियमावली संशोधन गरी तीनै तहका अदालतहरूमा महिला समिति गठनका लागि पहल गर्ने’ प्रतिबद्धता जाहेर गरेको छ।

अदालतमा कार्यरत महिला न्यायाधीश, कर्मचारी, सेवाग्राही महिलाको अवस्था र आवश्यकता अनुकूलको कार्यस्थल व्यवस्था गर्ने, कार्यस्थलमा लैंगिक संवेदनशीलता कायम गर्दै यौनजन्य हिंसा वा दुर्व्यवहार हुन नदिनेतर्फ विशेष सजगता अपनाउने पनि प्रतिबद्धतामा उल्लेख छ।

उच्च मनोबलका साथ कार्यसम्पादन गर्ने वातावरण बनाउन सम्बन्धित निकायसँग सहयोगको पहल गर्ने प्रतिबद्धता पनि व्यक्त गरिएको छ। साथै विभिन्न मुद्दामा सर्वोच्च अदालतले गरेका व्याख्या, प्रतिपादन गरेका सिद्धान्त, विधिशास्त्रीय दृष्टिकोण तथा मार्गनिर्देशन अनुकरणीय रहेको भन्दै त्यस्ता नजिरमा सुसूचित हुन सामूहिक संयन्त्र निर्माण गर्ने भएको छ। न्यायको गुणस्तरीयता, पहुँचमा वृद्धि, दक्षता अभिवृद्धि गरी समानतामा आधारित न्यायपूर्ण समाज स्थापनाका लागि महिला न्यायाधीशले बाह्रबुँदे प्रतिबद्धता व्यक्त गरेका हुन्।

अदालत र न्यायिक निकायमा कार्यरत महिला न्यायाधीश, अधिकृत, महिलाबिचको विविधतालाई ध्यानमा राख्दै व्यावसायिक क्षमता, दक्षता र नेतृत्व विकासका लागि आवश्यक नीति, रणनीतिक कार्यक्रम बनाउने पनि प्रतिबद्धतापत्रमा उल्लेख छ। साथै महिला न्यायाधीशको संख्यामा मात्रै नभएर काममा गुणस्तरीय र क्षमतामा पनि दक्खल हुनुपर्ने भन्दै उद्घाटन सत्रमा सुझाव दिइएको छ।

महिला न्यायाधीशको संख्या थोरै भएको प्रसंग र भइरहेकालाई कसरी दक्ष बनाउने भन्नेमा छलफल हुँदा यस्तो सुझाव आएको हो। सम्मेलनमा महिलाको संख्याका साथै क्षमताको सन्दर्भ उठेको हो। न्यायको कुर्सीमा बसेर निर्णय दिँदा कुनै महिला र पुरुषले नभई न्यायाधीशले दिएको हुने सबैको साझा निष्कर्ष छ।

हाल सर्वोच्चमा दुईजना, उच्चमा २२ र जिल्ला अदालतमा २६ जना गरी देशभर ५० महिला न्यायाधीश छन्। न्याय परिषद्को तथ्यांकअनुसार यो समग्र न्यायपालिकाको १२ प्रतिशत प्रतिनिधित्व हो। गत पुस मसान्तसम्मको तथ्यांक हेर्दा देशभर चार सय ६८ न्यायाधीशको दरबन्दी छ भने ३२ न्यायाधीशको पद रिक्त छ।

सम्मेलन उद्घाटन गर्दै प्रधानन्यायाधीश प्रकाशमान सिंह राउतले महिला न्यायाधीशहरू नेपालको न्याय प्रणालीको गौरव हुनुपर्ने बताए। ‘महिला न्यायाधीशको गौरव त्यसै आउँदैन। न्याय सम्पादनमा अविचलित अडान राख्दा, निष्पक्षता कायम गर्दा, विवेकपूर्ण निर्णय गर्दा, स्वच्छता कायम गर्दा मात्रै त्यो गौरव कायम हुन्छ’, प्रधानन्यायाधीश राउतले भने।

उनले घर, परिवार लगायत चौतर्फी जिम्मेवारी हुँदा महिलाले व्यवस्थापन गर्ने विषय धेरै भएको प्रसंग कोट्याए। हाल न्यायिक सुधारको एजेन्डा अघि सारेकाले त्यसमा लाग्न आग्रहसमेत गरे।

पूर्वप्रधानन्यायाधीश सुशीला कार्कीले महिला न्यायाधीश भएर आउँदैमा सबै कुरा नहुने बताएकी छन्। ‘महिलामा क्षमता हुनैपर्छ, साहस हुनैपर्छ र अध्ययन गर्नैपर्छ। अझै न्यायाधीशले दिनरात अध्ययन गर्नैपर्छ’, उनले भनिन्।

न्यायपालिकामा काम गर्नेले कसले के भन्छ भन्नेतर्फ नलाग्न पनि उनले सुझाव दिइन्। ‘न्यायपालिका त्यस्तो क्षेत्र हो, कसले के भन्दै छ भनेर पछाडि फर्केर नहेर्नुस्। १० हजार मुद्दा छन् भने २० हजार मान्छे त संलग्न हुन्छन्’, उनले भनिन्, ‘१० हजारले जिते भने १० हजारले मुद्दा हार्छन्। हार्नेले अदालतलाई कहिल्यै जस दिँदैनन्।’ तर पनि आफूले गर्ने निर्णयमा सही गरेको छु भन्ने दृढता हुनैपर्नेमा उनको सुझाव छ। ‘जस्टिस डेलिभरी महिला र पुरुष होइन न्यायाधीशले दिने हो’, उनले भनिन्।

आफू न्यायाधीश हुँदा सातजना मात्रै न्यायाधीश रहेको उनले विगत सुनाएकी थिइन्। हाल भइरहेको संख्यालाई पनि गुणस्तरीय बनाउनुपर्ने उनले बताइन्। सुरुसुरुमा महिला न्यायाधीशको कल्पना नै नगरिएको न्यायपालिकामा अहिले उपस्थिति बढ्दो रहेको वरिष्ठतम न्यायाधीश सपना प्रधान मल्लले बताइन्। उनले महिला मात्रै होइनन्, सबै न्यायाधीश लैंगिक संवेदनशील रहेको बताइन्।

महिलामा अलि बढी सक्षमताको प्रश्न उठ्ने उनको अनुभव छ। ‘महिलाको उपस्थिति केही बढेको छ तर पर्याप्त छैन। उपस्थिति कसरी बढाउने भन्ने चुनौती छ’, उनले भनिन्, ‘महिलालाई क्षमतावान् कसरी बनाउने भन्ने पनि छ। हामी सक्षम छौं, योग्य छौं भन्ने प्रमाणित पनि हामी आफैंले गर्नुपरेको छ।’

न्याय सेवा, सरकारी वकिललगायत महिलाको उपस्थिति बढ्दै गएको तथ्यांकले देखाएको उल्लेख गरिन्।

सम्मेलनमा न्यायमा पहुँच, न्यायापालिकामा समावेशिता र महिला न्यायाधीशको प्रतिनिधित्व: चुनौती र सम्भावना, न्यायपालिकामा मिसोजिनी सोच र प्रभावलगायत विषयमा छलफल भएको थियो। विभिन्न जिल्ला, उच्च अदालतका महिला न्यायाधीशले आफूले न्यायिक निरूपणमा भोग्नुपरेका कानुनी समस्याका विषयमा उजागरसमेत गरेका थिए। कतिपय कानुनी कठिनाइ भएकाले न्यायाधीशको स्वविवेकमा पनि न्याय भर पर्ने विषयमा अन्तक्रयायासमेत भएको थियो।

२७ फागुन, विराटनगर । प्रधानमन्त्री केपी शर्मा ओलीले आज कोशी प्रदेशसभा बैठकलाई सम्बोधन गर्ने भएका छन् । प्रदेशसभा सचिवालयका अनुसार दिउँसो २ बजे बस्ने बैठकमा प्रधानमन्त्रीले सम्बोधन गर्ने कार्यसूची छ । प्रधानमन्त्रीको सचिवालयले भने दिउँसो साढे २ बजेबाट सम्बोधन गर्ने तयारी रहेको जनाएको छ ।

पूर्वाञ्चल विश्वविद्यालयको दीक्षान्त समारोह सकिएपछि ओलीले प्रदेशसभा बैठकलाई सम्बोधन गर्नेछन् ।

कोशी प्रदेशसभा सचिवालयका कार्यवाहक सचिव गौतमराज अमात्यका अनुसार प्रधानमन्त्रीको सम्बोधनका लागि दिउँसो २ बजे प्रदेशसभा बैठक बोलाइएको छ ।

आजको प्रदेशसभा बैठकमा सत्तारुढ दल नेकपा एमाले र नेपाली कांग्रेसले आफ्ना सांसदलाई अनिवार्य उपस्थित हुन निर्देशन दिएका छन् ।

प्रतिपक्षी दलहरुले भने सरकारले छलफल नगरेको भन्दै बैठकमा सहभागी हुन प्रधानमन्त्रीले राख्ने मन्तव्यका बारेमा अग्रिम जानकारी हुनुपर्ने सर्त राखेका छन् । प्रतिपक्षी दलले सर्त राखेपछि मुख्यमन्त्री हिक्मतकुमार कार्कीले दलका नेतालाई सम्पर्क गरेर सहयोग गर्न आग्रह गरेका छन् ।

केके छन् प्रधानमन्त्रीका कार्यक्रम ?

मोरङमा आज प्रधानमन्त्री ओली दुई स्थानका कार्यक्रममा सहभागी हुने तयारी छ ।  प्रधानमन्त्री ओली आज साढे १० बजे हेलिकप्टर मार्फत मोरङको सुन्दरहरैँचास्थित पूर्वाञ्चल विश्वविद्यालय परिसरमा आउनेछन् । साढे ११ बजे विश्वविद्यालय परिसरमा निर्माण भएको गिरिजा प्रसाद कलेज अफ एग्रिकल्चर रिसर्च शैक्षिक भवनको उदघाटन गर्नेछन् । त्यसलगतै पूर्वाञ्चल विश्वविद्यालय कलेज अफ हेल्थ एण्ड साइन्स शैक्षिक भवनको उदघाटन गर्नेछन् ।

दिउँसो १२ बजेबाट पूर्वाञ्चल विश्वविद्यालयको ४० औं विशेष सभा बैठक तथा १३ औं दीक्षान्त समारोहमा सहभागी हुनेछन् । दिउँसो साढे २ बजे कोशी प्रदेशसभालाई सम्बोधन गरी उनी साढे ४ बजे हेलिकप्टर मार्फत काठमाडौं फर्कने कार्यतालिका छ ।

त्रिभुवन विश्वविद्यालय (त्रिवि)को आगामी चैत ५ गते हुने स्वतन्त्र विद्यार्थी युनियन (स्ववियु) निर्वाचनअन्तर्गत आज उम्मेदवारी दर्ता हुँदै छ।

प्रत्यक्ष र समानुपातिक दुवै तर्फको उम्मेदवारको मनोनयन पत्र नामावली दाखिला गर्ने समय फागुन २७ गते बिहान ११ देखि दिउँसो २ बजेसम्म तोकिएको छ। दुवै तर्फका उम्मेदवारको नामावली पनि आजै प्रकाशित हुने कार्यतालिकामा उल्लेख छ।

यसैगरी दुवै तर्फको उम्मेदवारको नामावली उपर दाबीविरोध गर्नका लागि फागुन २८ गते तोकिएको छ। सोही दिन नै दुवै तर्फको दाबीविरोध उपर छानबिन गरी उम्मेदवारको नामावली प्रकाशित गर्ने कार्यतालिका छ।

फागुन २९ गते उम्मेदवारको नाम फिर्ता लिने र अन्तिम नामावली सार्वजनिक गरिने छ भने चैत ५ गते बिहान ८ देखि अपराह्न ४ बजेसम्म मतदान हुने छ।

२७ फागुन, काठमाडौं । औषधि उत्पादन कम्पनी ओम मोगाश्री फर्मास्युटिकल्सले आज मंगलबारदेखि सर्वसाधारणका लागि आईपीओ खुला गरेको छ ।

चैत ३ गतेसम्म यसमा आवेदन दिन सकिनेछ । अनलाइन प्रणाली मेरोसेयरमार्फत न्यूनतम १० कित्ता आवेदन दिन सकिनेछ । अंकित मूल्य १ सयका दरले आईपीओ निष्कासन भएको हो ।

कम्पनीले यसअघि वैदेशिक रोजगारमा रहेकालाई आईपीओ निष्कासन गरिसकेको छ । जारी पूँजी ६० करोडमध्ये ३० प्रतिशत अर्थात १८ करोड रुपैयाँको १८ लाख कित्ता सेयर सर्वसाधारणमा जारी हुन लागेको हो ।

सोमध्ये १४ लाख ७६ हजार कित्ता सेयर सर्वसाधारणका लागि निष्कासन हुन लागेको हो ।

कम्पनीले केयर नेपालबाट बीबी माइनस रेटिङ प्राप्त गरेको छ । विभिन्न एलोपेथिक औषधि उत्पादन तथा बिक्रीवितरण गर्दै आएको छ । पुस मसान्तसम्म कम्पनीको सञ्चित नोक्सानी ३ करोड ७१ लाख रुपैयाँ छ । चालु आर्थिक वर्ष पुस मसान्तसम्म कम्पनीको प्रतिसेयर आम्दानी जम्मा ९८ पैसा छ ।

त्यस्तै प्रतिसेयर नेटवर्थ ९१ रुपैयाँ १५ पैसा छ । यस आर्थिक वर्ष पनि सञ्चित नोक्सानी कायमै रहने कम्पनीको प्रक्षेपण छ ।

LS Auto has launched the LEV 01 EV in Nepal via its local partner Nexon Ventures Pvt. Ltd. It’s a premium electric crossover SUV introduced in Nepal in two variants- SE and CE and offers up to 500 km range and also features a ground clearance of 210 mm. Here, we explore what this car offers in terms of its features, performance, and specifications and also share its price details.

Design

LEV 01 EV rocks a polished finish with darkish colors. The car features a standout design blending modern elements and a futuristic feel, especially with its long strip of LED lights that runs across the front. The creases around the headlamps and cars accentuate its sporty profile. Talking of the long LED light strips, one can’t but get reminded of the popular BYD Atto 3.

The car comes in a sizeable body at 4640 x 1870 x 1655 mm dimensions and maintains a wheelbase of 2760 mm. One of the biggest dealmakers for this car is its 210 mm of ground clearance which makes it highly suitable for Nepali roads.

Check out: Most Popular Electric Cars Price in Nepal in 2024

Performance

The all-electric car is powered by a 99 kW motor which produces 81.5 PS of power in Standard and 122 PS of power in Long Range variants. Likewise, the car comes with 320 Nm of torque across both iterations. Continuing forward, the crossover SUV’s top speed is 140 kmph.

Battery

The car is backed by a 67.1 kWh battery pack which offers an excellent range of over 500 kilometers. It’s a claimed range and on a numerical basis, it’s certainly going to be one of the best cars in terms of range. Both variants of the car CE and SE feature the same battery capacity as the motor.

If you are looking for a budget buy, then check out the most popular and affordable mini cars in Nepal

Safety and other features

The LEV 01 EV boasts flagship features such as a panoramic sunroof electric tailgate, among others, which conveys utility and convenience. The safety is led by a Level 2 ADAS (Advanced Driver Assistance Systems) system, which also includes a 360-degree camera and hill hold assist. You also get a wireless mobile charger and a multifunctioning steering wheel.

Highly recommended: New electric vehicle tax in Nepal in 2081/82

LEV 01 EV specifications

• Dimension: 4640 x 1870 x 1655 mm
• Wheelbase: 2760 mm, 19-inch alloy wheels
• Motor: 99 kW
• Max Power: 
  • 81.5 PS (Standard)
  • 122 PS (Long Range)
• Torque: 320 Nm
• Transmission: Automatic
• Top Speed: 140 kmph
• Battery Capacity: 67.1 kWh 
• Range: 500 km
• Safety System: Level 2 ADAS, 360-degree camera, hill hold assist, etc.
• Seating: 5-Seater
• Ground Clearance: 210 mm
• LEV 01 EV Price in Nepal: Rs 6,195,000 (SE) | Rs 6,995,000 (CE)

LEV 01 EV price in Nepal, availability, warranty

The official LEV 01 EV price in Nepal starts at Rs 6,195,000 for the SE variant and Rs 6,995,000 for the CE variant. Both of these prices are slightly lower than the initially estimated ones. Both the motor and battery on these variants are covered by an 8-year or 150,000-km warranty.

Verdict

LEV 01 is a premium SUV lineup and could be an excellent pick for your auto needs. The car’s modern design, and Level 2 ADAS for safety, range, and ground clearance are the major selling points, and they also befit the pricing. The car competes with the likes of Neta X EV, Mahindra XUV400 EV, etc. In around the same price segment, the car competes with the Omoda 5 EV.

For more information on the LEV 01 EV price in Nepal, its features, and other details, do leave a message in our comment box below.