काठमाडौँ । नेपाल टेलिकमको नाफा घटेको छ । कम्पनीले प्रकाशित गरेको चालु आर्थिक वर्षको दोस्रो त्रैमाससम्मको अपरिस्कृत वित्तीय विवरण अनुसार कम्पनीको नाफा ३२.९७ प्रतिशतले घटेको हो ।

यस अवधिमा कम्पनीले २ अर्ब ६३ करोड ५१ लाख रुपैयाँ खुद नाफा कमाएको छ । जबकी कम्पनीले गत आर्थिक वर्षको सोही अवधिमा ३ अर्ब ९३ करोड रुपैयाँ खुद नाफा कमाएका थिए । 

समीक्षा अवधिमा कम्पनीको वित्तीय आम्दानी ३६.३० प्रतिशत र कुल आम्दानी ८.४० प्रतिशतले घटेको छ । चालु आर्थिक वर्षको दोस्रो त्रैमाससम्ममा कम्पनीको वित्तीय खर्च ०.१९ प्रतिशत मात्रै घटेको छ । 

यस अवधिमा कम्पनीको नाफासँगै प्रतिसेयर आम्दानी (इपिएस) पनि घटेको छ । समीक्षा अवधिमा कम्पनीको इपिएस १४ रुपैयाँ ४० पैसा घटेर २९ रुपैयाँ २८ पैसामा झरेको छ । कम्पनीको प्रतिसेयर नेटवर्थ ५०६ रुपैयाँ ३४ पैसा रहेको छ भने मूल्य आम्दानी अनुपात ३०.३३ गुणा रहेको छ । हाल १८ अर्ब रुपैयाँ चुक्ता पूँजी रहेको नेपाल टेलिकमको जगेडा कोषमा ७३ अर्ब १४ करोड रुपैयाँ सञ्चित छ । 

Source link

काठमाडौँ । नेपाल विद्युत प्राधिकरणले बक्यौता नतिर्ने उद्योगहरुमा फेरि लाइन काट्ने तयारी गरेको छ । पटकपटक बक्यौता तिर्न पत्र पठाउँदा र दबाबमूलक कार्यक्रम गर्दा पनि अटेर गर्दै बक्यौता तिर्न नआएका उद्योगहरुमा फेरि लाइन काट्ने तयारी गरिएको हो । 

उद्योगहरुमा लाइन काट्ने सहमतिका लागि प्राधिकरणका कार्यकारी निर्देशक कुलमान घिसिङले विद्युत नियमन आयोगमा पत्र समेत पठाइसकेका छन् । 

प्राधिकरणले यसअघि उद्योगहरुबाट बक्यौता उठाउनका लागि विभिन्न उपाय अपनाइसकेको छ । यसअघि प्राधिकरणले बक्यौता नतिर्ने उद्योगीहरुको बैंक खाता रोक्का गर्न नेपाल राष्ट्र बैंकमा पत्राचार गरेको थियो । 

त्यसप्रश्चात पनि प्राधिकरणले बक्यौता नतिर्ने उद्योगहरुको प्राथमिक सेयर (आईपीओ) निष्कासन रोक्न नेपाल धितोपत्र बोर्डमा पत्र पठाएको थियो । यतिसम्म कि प्राधिकरणले उद्योगको बक्यौता नतिरे उद्योगीहरुको घरको लाइन काट्ने तथा विद्युत खरिद बिक्री सम्झौता (पीपीए) भुक्तानी रोकेर बक्यौता उठाउने चेतावनी दिएको थियो । तर, यति गर्दा पनि उद्योगीहरुले बक्यौता नतिरेपछि प्राधिकरणले फेरि उद्योगको लाइन काट्ने तयारी गरेको हो । 

यता प्राधिकरणले उद्योगहरुमा लाइन काट्ने तयारी गरेसँगै उद्योगीहरुको दौडधुप फेरि बढेको छ । फेरि उद्योगमा लाइन काट्ने तयारीमा रहेका कुलमानलाई रोक्न उनीहरु शक्तिकेन्द्र धाउन थालेका छन् । 

Source link

काठमाडौँ । सिमेन्टमा भएको मूल्यवृद्धिविरुद्ध सर्वोच्च अदालतमा रिट दायर भएको छ । माओवादी केन्द्रका मधेश प्रदेश सांसद रहबर अन्सारीले सर्वोच्चमा रिट दायर गरेका हुन् । 

उक्त रिटमा नेपाल सरकारका गृह मन्त्रालय, उद्योग, वाणिज्य तथा आपूर्ति मन्त्रालय, वाणिज्य आपूर्ति तथा उपभोक्ता विभाग र नेपाल सिमेन्ट उत्पादक संघलाई विपक्षी बनाइएको छ । 

रिटमा गत कार्तिक १ गतेसम्म ओपीसी सिमेन्ट प्रतिबोरा (करसहित) ४ सय ७२ रुपैयाँ पर्ने गरेको भए पनि मंसिर १७ गतेसम्म आइपुग्दा प्रतिबोरा (करसहित) ६ सय ३० रुपैयाँ पुगेको रिटमा दाबी गरिएको छ । साथै सिमेन्टमा भएको मूल्यवृद्धि नियन्त्रण गर्न पनि रिटमा माग गरिएको छ । 

सांसद अन्सारीले सिमेन्ट उद्योगीहरुले कच्चा पदार्थको कृतिम अभाव देखाएर सरकारसँगको मिलेमतोमा मूल्यवृद्धि गरिएको दाबी गरेका छन् । सिमेन्टमा भएको मूल्यवृद्धि सार्वजनिक चासोको विषय भएकाले पनि यो विषयको अन्तिम किनारा नलाग्दासम्म सिमेन्टको मूल्य पहिलेकै उचित मूल्यमा उपलब्ध गराउन पनि रिटमा माग गरिएको छ ।

Source link

काठमाडौँ । सर्वोत्तम सिमेन्टको नाफा उल्लेख्य बढेको छ । चालु आर्थिक वर्षको दोस्रो त्रैमासमा कम्पनीको खुद नाफा ६८९.२४ प्रतिशतले बढेको हो ।

कम्पनीले सार्वजनिक गरेको दोस्रो त्रैमाससम्मको अपिरस्कृत वित्तीय विवरण अनुसार कम्पनीले २४ करोड १४ लाख रुपैयाँ खुद नाफा आर्जन गरेको छ । जबकी कम्पनीले गत आर्थिक वर्षको सोही अवधिमा ३ करोड ५ लाख रुपैयाँ मात्रै खुद नाफा कमाएको थियो ।

यस अवधिमा कम्पनीको बिक्री आम्दानी ३५.९४ प्रतिशतले बढेर ३ अर्ब ९८ करोड २२ लाख रुपैयाँ पुगेको छ । त्यस्तै, कम्पनीको कुल नाफा ४८.७४ प्रतिशतल बढेको छ भने वित्तीय खर्च ३१.९६ प्रतिशत र कुल खर्च ०.७७ प्रतिशतले घटेको छ ।

समीक्षा अवधिमा कम्पनीको नाफासँगै प्रतिसेयर अम्दानी (इपिएस) पनि बढेको छ । यस अवधिमा कम्पनीको इपिएस ८ अरुपैयाँ २८ पैसा बढेर ९ रुपैयाँ ७० पैसा पुगेको छ । कम्पनीको प्रतिसेयर नेटवर्थ १८६ रुपैयाँ ६६ पैसा छ भने मूल्य आम्दानी अनुपात ७५.२५ गुणा रहेको छ ।

नाफासँगै कम्पनीको प्रतिशेयर आम्दानी पनि उल्लेख्य बढेको छ। समीक्षा अवधिमा कम्पनीको यस्तो आम्दानी ८ रुपैयाँ २८ पैसा बढेर ९ रुपैयाँ ७० पैसा पुगेको छ। पुस मसान्तसम्ममा कम्पनीको प्रतिशेयर नेटवर्थ १८६ रुपैयाँ ६६ पैसा रहेको छ भने मूल्य आम्दानी अनुपात ७५.२५ गुणा रहेको छ।

Source link

काठमाडौँ । सोनापुर मिनरल्स एण्ड आयल लिमिटेडले चालु आर्थिक वर्षको दोस्रो त्रैमाससम्मको अपरिस्कृत वित्तीय विवरण सार्वजनिक गरेको छ । कम्पनीले सार्वजनिक गरेको वित्तीय विवरण अनुसार कम्पनीको आम्दानी बढेको देखिन्छ ।

समीक्षा अवधिमा सिमेन्ट बिक्रीबाट हुने आम्दानी ७० करोड ५६ लाखबाट बढेर ९१ करोड ५८ लाख रुपैयाँ पुगेको छ ।

आम्दानी बढे पनि कम्पनी भने घाटामै छ । यसअवधिमा सोनापुर मिनरल्स् एण्ड आयल लिमिटेडले १२ करोड २० लाख रुपैयाँ खुद घाटा व्यहोरेको छ । गत आर्थिक वर्षको सोही अवधिमा कम्पनीको खुद घाटा १४ करोड ७८ लाख घाटामा थियो ।

त्यस्तै, यस अवधिमा कम्पनीको वित्तीय खर्च १४ करोड ५८ लाखबाट घटेर १२ करोड ५२ लाख रुपैयाँ कायम भएको छ । यस अवधिमा कम्पनीको प्रतिसेयर आम्दानी (इपिएस) ७ रुपैयाँ ९४ पैसा ऋणात्मक छ । कम्पनीको प्रतिसेयर नेटवर्थ १८४ रुपैयाँ ३६ पैसा रहेको छ । कुल चुक्ता पुँजी ३ अर्ब ७ करोड ५० लाख रुपैयाँ रहेको कम्पनीको जगेडा कोषमा ९४ करोड ७ लाख रुपैयाँ जम्मा छ ।

Source link

Source link

काठमाडौँ । कुमारी बैंक लिमिटेड र अप्टिक आइज, चाबहिलबीच छुट सम्झौता भएको छ । बैंकका ग्राहकहरुलाई अप्टिक आइजबाट प्रदान गरिने विभिन्न सेवाहरुमा विशेष छुट प्रदान गर्ने सम्झौता भएको हो ।

सम्झौता बमोजिम अप्टिक आइजबाट प्रदान गरिँदै आएका सेवाहरुमा ग्राहकहरूलाई फ्रेम र सनग्लासहरुमा १५ प्रतिशत, आँखा जाँचको ओपीडी टिकटमा १० प्रतिशत, ब्रान्डेड फ्रेममा १० प्रतिशत, ब्रान्डेड लेन्स, कन्ट्याक्ट लेन्स, पे्रस्क्रिप्शन लेन्स, प्रोग्रेसिभ लेन्स, कन्ट्याक्ट लेन्स सोलुसनमा ५ प्रतिशत छुट र चश्माको सामान्य मर्मत तथा परामर्श नि:शुल्क गरिने सम्बन्धमा सम्झौता भएको छ ।

विगत २३ वर्ष देखि निरन्तर बैंकिङ सेवा दिँदै आएको कुमारी बैंकले अनवरतरुपमा वित्तिय साक्षरता प्रवद्र्धन गर्दै आफ्ना देशभर रहेका ३०२ शाखा सञ्जाल, ३१६ एटिएम, ५० एक्सटेन्सन काउन्टर तथा ५४ शाखा रहित बैंकिङ्ग ईकाईहरु मार्फत आफ्ना ग्राहकवर्गलाई अत्याधुनिक तथा प्रभावकारी सेवाहरु प्रदान गर्दै आइरहेको छ र आगामी दिनहरुमा पनि अझ सरल, सुलभ तथा उत्कृष्ट सेवाका निमित्त सहकार्यहरु गर्दै जाने समेत प्रतिबद्धता जनाएको छ ।

Source link

काठमाडौँ । संयुक्त राष्ट्रसंघको आह्वानमा सुडानमा तैनाथ शान्ति सैनिकहरुको अदलीबदली भएको छ । यसैबीच सोमबार नेपालबाट २१३ जनाको सैनिक टोली मिसन इलाका (सुडान)का लागि प्रस्थान गर्दैछ ।

सोमबार राती मिसन इलाकातर्फ प्रस्थान गर्न लागेको सैनिक टोलीलाई सोमबार दिउँसो बिदाई गरिएको छ । मिसनमा जान लागेका सैनिकहरुका आफन्तले उनीहरुलाई बिदाई गरेका हुन् । बाँकी तस्विरमा हेर्नुहोस्ः 

Source link

काठमाडौं । साताको कारोबारको दोश्रो दिन सोमबार सुनको मूल्य बढेको छ । कारोबारको अघिल्लो दिनको तुलनामा आज सुनको मूल्य प्रतितोला १४ सय रुपैयाँले बढेको हो ।

कारोबारको अघिल्लो दिन प्रतितोला एक लाख ६८ हजार दुई सय रुपैयाँमा कारोबार भईरहेको छापावाला सुन, आज १४ सय रुपैयाँले बढेर एक लाख ६९ हजार ६ सय रुपैयाँमा कारोबार भईरहेको छ ।

यता चाँदीको मूल्य १५ रुपैयाँले बढेर प्रतितोला १९७५ रुपैयाँमा कारोबार भईरहेको छ । नेपाल सुनचाँदी व्यवसायी महासंघका अनुसार प्रति १० ग्राम छापावाला सुनको मूल्य एक लाख ४५ हजार ४ सय ५ रुपैयाँ र प्रति १० ग्राम चाँदीको मूल्य १६९३.५० रुपैयाँ कायम भएको छ ।

सुनचाँदीको मूल्य सम्बन्धि दैनिक विवरण अर्थ सरोकार डटकममा ‘अटो अपडेट’ हुन्छ । अर्थ सरोकार ‘सुनचाँदी पेज’ मा सो विवरण हेर्न सकिन्छ ।

Source link

Source link

काठमाडौं । समृद्धि फाइनान्स कम्पनी लिमिटेड र नेपाल माइक्रो इन्स्योरेन्स कम्पनीबीच बीमा सेवालाई सहज बनाउन समझदारी पत्रमा हस्ताक्षर भएको छ ।

उक्त सम्झौताअनुसार समृद्धि फाइनान्सका ऋणी ग्राहकहरूलाई सरल र सहज बीमा सेवा उपलब्ध गराइनेछ । बीमा दाबी सम्बन्धी सम्पूर्ण आवश्यक कागजात प्राप्त भएको ४८ घण्टाभित्र दाबी भुक्तानी प्रक्रिया पूरा गरिने व्यवस्था गरिएको छ ।

सम्झौतामा समृद्धि फाइनान्सको तर्फबाट उपमहाप्रबन्धक विनोद राज पौडेल र नेपाल माइक्रो इन्स्योरेन्सको तर्फबाट प्रमुख कार्यकारी अधिकृत मृगेन्द्रनाथ रिमालले हस्ताक्षर गरेका छन् ।

सम्झौतापछि समृद्धि फाइनान्सका ग्राहकहरूले बैंकिङ सेवा लिँदा बीमा सुरक्षाको सुविधा सहज रूपमा प्राप्त गर्नेछन् । यस साझेदारीले ऋणी ग्राहकहरूको सुरक्षालाई थप मजबुत बनाउने र वित्तीय जोखिम न्यूनीकरणमा योगदान पुर्याउने विश्वास गरिएको छ ।

समृद्धि फाइनान्सले आफ्ना ग्राहकहरूको सुविधालाई प्राथमिकता दिँदै आगामी दिनमा अझ प्रभावकारी वित्तीय सेवाहरू उपलब्ध गराउने योजना बनाएको छ ।

Source link

Source link

Source link

काठमाडौं । उद्योगपति चौधरीले आफ्नो वैवाहिक वार्षिकोत्सव मिथिला थालीमा मनाएका छन् । वार्षिकोत्सव मनाउन शुक्रबार साँझ काठमाडौंको गैरिधारास्थित मिथिला थालीमा पुगेका चौधरीको परिवारलाई मास्टर सेफ सन्तोष शाहले विभिन्न परिकार बनाएर खुवाएका हुन् ।

मास्टर सेफ सन्तोषले सामाजिक सञ्जालमा एक पोष्ट गर्दै चौधरीको वर्षगाँठका अवसरमा आफूले विभिन्न परिकार बनाएर खुवाएको जनाएका हुन् । उनका अनुसार वर्षगाँठ मनाउनका लागि उद्योगपति चौधरीसँगै पत्नी सारिका, छोरा निर्वाण, बुहारी तथा नातिनातिना उपस्थित भएका थिए ।

वर्षगाँठ मनाउका लागि चौधरी परिवार शुक्रबार साँझ करिब ७:३० बजेतिर मिथिला थाली पुगेका थिए । मास्टर सेफ शाहले उनीहरूलाई विभिन्न १० वटा शाकाहारी परिकार बनाएर खुवाएका हुन् ।

चौधरी परिवारका लागि शाहले तीन प्रकारका वेलकम ड्रिंक्स, क्यानापिज कोर्स, एपिटाइजर, फ्रस्ट मेन्स, मेन कोर्स, प्रि-डिजर्ट र डिजर्ट बनाएका हुन् । शाहका अनुसार अधिकांश परिकार बनाउका लागि नेपाली रैथाने उत्पादनको प्रयोग गरिएको हो ।

‘उद्योगपति चौधरीको वर्षगाँठका अवसरमा विभिन्न परिकार बनाएर खुवाउन पाउनु मेरा लागि पनि सम्मानको क्षण हो,’ उनले भनेका छन् ।

शाहले छोटो समयको सूचना र तयारीबीच विभिन्न परिकार बनाएर खुवाएको बताए । ‘उहाँहरू वार्षिकोत्सव मनाउन आउने भन्नेबारे मलाई दिउसो २ बजेतिर मात्र खबर भयो । सुरूमा त के गर्ने भनेर म आफैं अन्योलमा परेँ । तर करिब ३ घण्टाको तयारीपछि उहाँहरूलाई विभिन्न परिकार खुवाउन पाइयो,’ शाहले भने ।

चौधरी परिवारको साथ र सहयोगले मौलिक संस्कृति र पाककलामार्फत नेपालको पहिचान प्रस्तुत गर्ने आफ्नो उत्साह थप बढेको मास्टर सेफ शाह बताउँछन् ।

त्यसअवसरमा चौधरीसँग नेपाली खाना र यसको विश्वव्यापी प्रबर्धनका विषयमा समेत कुरकानी भएको शाहले बताए । ‘नेपाली मौलिक खानालाई आधुनिक प्रस्तुतीकरणमार्फ विश्वव्यापी बनाउन आवश्यक छ,’ चौधरीलाई उद्धृत गर्दै मास्टरसेफ शाहले बताए ।

Source link

काठमाडौँ ।  काठमाडौं महानगरले न्यूरोड क्षेत्रलाई नयाँ रुप दिएको छ । हरेक घरका भित्ताहरुमा सेता रंग, झ्याल-ढोका र सटर हरिया रंगले रङ्गाउने अभियान सुरु गरेपछि न्यूरोडले नयाँ रुप पाएको हो ।

न्युरोड सडक क्षेत्रका घरहरूमा एकरूपता दिन सेतो रंगको प्रयोग भएको छ । बाँकि तस्विरमा हेर्नुहोस्:

Source link

काठमाडौँ । साताको कारोबारको पहिलो दिन सेयर बजार मापक नेप्से परिसूचक घटेको छ । आज नेप्से परिसूचक ११.४९ अंकले घटेर २६८८.३१ बिन्दुमा पुगेको हो ।

नेप्सेमा कुल ३ सय ५ कम्पनीको एक करोड ५८ लाख ५५ हजार ६ सय १० कित्ता सेयर खरिद बिक्री हुँदा ८ अर्ब ३९ करोडमाथिको सेयर कारोबार भएको छ । आज सबैभन्दा धेरै कारोबार एनआरएन इन्फ्रास्ट्रकचर एण्ड डेभलपमेन्टको भएको छ । यस कम्पनीको ३१ करोड १६ लाख ८३ हजार ३ सय ९५ रुपैयाँ ७० पैसा बराबरको कारोबार भएको छ ।

त्यस्तै, आजको बजारमा सेन्ट्रल फाइनान्सका लगानीकर्ताले सबै भन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको हो । आइतबार सेन्ट्रल फाइनान्ससहित दुई कम्पनीको सेयर मूल्यमा पोजेटिभ सर्किट लागेको हो ।

यता, सप्तकोशी डेभलपमेन्ट बैंकका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ६ प्रतिशतभन्दा धेरैले घटेको हो ।

Source link

काठमाडौँ । के तपाईंले सूर्य ज्योति लाइफ इन्स्योरेन्समा बीमा गर्नुभएको छ ? छ भने आज तपाईंका लागि शुभ खबर छैन । तपाईंलाई केहि भईहाल्यो भने भरथेग गर्छु भनेको कम्पनीले तपाईंलाई बीमा दाबी रकम सजिलै दिनेवाला छैन । तपाईंले कम्पनीले दाबी दिएन भनेर बीमा प्राधिकरण गुहार्नुपर्ने हुनसक्छ । प्राधिकरणले दाबी भुक्तानीको कागज पुग्छ, भुक्तानी देऊ भन्यो भनेपनि कम्पनी बरु अदालत जान्छ, तपाईंलाई भुक्तानी दिनेवाला छैन । अदालतले भनेपछि बल्ल उसले भुक्तानी दिनेछ । यसको मतलव, सूर्यज्योतिमा बीमा गर्नु अगाडि तपाईंले प्रिमियम रकमको मात्र होइन, प्राधिकरण जाने समय, अदालत जाने समय, बाटो खर्च, वकिलको फिससमेत जगेडा राख्नुपर्ने हुनसक्छ ।अनि, के तपाईं सूर्य ज्योति लाइफमा बीमा गर्ने सोचमा हुनुहुन्छ ? यदी हुनुहुन्छ भने आजको यो कार्यक्रम तपाईंकै लागि हुन सक्छ । सूर्यज्योति कस्तो कम्पनी हो र बीमितलाई कुन हदसम्मको दुःख यो कम्पनीले दिन्छ भन्ने तथ्य आज तपाईंले सुन्नैपर्छ । अनि, के तपाईं आफूलाई सूर्यज्योति लाइफको इमान्दार कर्मचारी सोच्नुहुन्छ ? त्यसो हो भने आज तपाईंले छातीमा हात राखेर, मुटुमा इमान सम्झेर यो कार्यक्रम हेर्नुपर्छ । एउटा पीडीतलाई आफ्नो कम्पनीले कुन हदसम्म दुख दिएको रहेछ भन्ने तथ्य तपाईंले बुझ्न आवश्यक छ ।

नेपालीहरु बीमा विशेषतः २ कारणले गर्छन्, एउटा बुझेरै बीमा गर्नुपर्छ भन्ने बुझेर । अर्को नजिकका आफन्त, काका, काकी, मामा माइजू, भतिज भतीजीहरु अभिकर्ता भएपछि उनीहरुको फलोअप र किचकिच सहन नसकेर लौ न त गर्दिउं भनेर । अरुका कुरा सुनेर बीमा गर्नेहरुले त एक दुई किस्ता प्रिमियम तिरेपछि सरेण्डर गरि नै हाल्छन्, बुझेरै गरेको बीमाको रकम पाउन पनि सूर्यज्योति लाइफ इन्स्योरेन्समा भने पिताजीको बिहे देखेजसरी तनावमा परिरहेका छन् बिमीतहरु । र आज हामी सूर्य लाइफ इन्स्योरेन्समा बीमा गरेका बिमितले कुन हदसम्मको पीडा पाउँछन् भन्ने तथ्य देखाउँदैछौँ ।     

भक्तपुरका अंगद खड्काले सूर्यज्योति लाइफ इन्स्योरेन्समा बीमा गरेका थिए । हुन त कुनै घातक रोग लाग्ला भनेर उनले बीमा गरेका थिएनन् । कसैले त्यसो सोचेर बीमा गर्दा पनि गर्दैनन् । तर रोग भनेको आखिर रोग न हो । दिन बिग्रिएपछि कसको के लाग्छ, उनलाई पनि घातक रोग लाग्यो । उनलाई घातक रोग लागेकै समयमा बीमाले भरथेग गर्नुपर्ने थियो, बीमा कम्पनी भएको नाताले जिम्मेवारी र इमान प्रस्तुत गर्नुपर्ने थियो । तर अहँ, ज्योतिलाइफ इन्स्योरेन्समा त्यस्तो भएन ।

आफुले गरेको बीमा रकम दाबी गर्दा कम्पनीले बीमा दाबी त दिएन नै उल्टै दिनुसम्म दुख दियो । सुरुमा कम्पनीका एजेन्टले बीमाका फाइदाबारे राम्रै पढाएका थिए, राम्रै आश्वासन देखाएका थिए । खड्काले पनि एजेन्टले भनेअनुसार नै बीमा गरे । तर, जब उनी थला परे, तीन वर्षसम्म कम्पनीले दाबी भुक्तानी दिएन ।

प्रिमियम लिने, अनि परेपछि दाबी भुक्तानी नदिने सूर्य ज्योतिको रबैयाको हद भएपछी पीडीत अंगद खड्का नियामक नेपाल बीमा प्राधिकरण पुगे । प्राधिकरणले केस हेर्यो, विवरण हेर्यो, कागज हेर्यो, मनसाय हेर्यो, सबै हेर्यो । सबै हेरेपछि बीमा प्राधिकरणलेसमेत खड्कालाई सूर्यज्योति लाइफ इन्स्योरेन्सले दाबी भुक्तानी दिनुपर्ने ठहर गर्यो । यति भएपछि त खड्काले बीमाको रकम पाउनुपर्ने थियो । तर बीमाको रकम तिर्नुभन्दा सूर्य लाइफ इन्स्योरेन्स बीमाको दाबी तिर्दैनौं भनेर उल्टै प्राधिकरणलाईसमेत विपक्षी बनाएर अदालत गयो । अदालतले पनि कागज हेर्यो, विवरण हेर्यो, मनसाय हेर्यो सबै हेर्यो । सबै हेर्दा खड्काले बीमा दाबी रकम पाउनुपर्ने ठहर गर्दै आदेश दियो । अन्ततः खड्काले बीमा रकम त पाए, तर सजिलै पाउनुपर्ने रकम पाउन उनले प्राधिकरण हुँदै अदालतमा तारेख धाउनुपर्यो । अव घातक रोग लागेको शरीर बोकेर उनले त अदालत नै भए पनि धाउँछु भनेर अठोट गरे । सोच्नुस त, कम्पनीले दिन मिल्दैन भनेपछि त्यतिकै छोडिदिने कति होलान् ?

सूर्यज्योति लाइफ इन्स्योरेन्सबाट पीडीत बनेका व्यक्ति अंगद खड्का मात्र होइन, थुप्रै छन् । सूर्यज्योति लाइफ इन्स्योरेन्सले यसरी बीमा दाबी भुक्तानी नगरेका र गर्न मिल्दैन भनेका, प्राधिकरणको दिनु भन्ने निर्णय हुँदा पनि दिन्नौं भनेर अटेरी गर्ने अरु केस कति होलान् ? के अव सूर्यज्योति लाइफ इन्स्योरेन्समा बीमा गर्नु अघि प्राधिकरण जाने समय, अदालत जाने बाटो खर्च, वकिलको खर्च, सबै पहिला नै जुटाउनुपर्ने हो ?  प्राधिकरणमा पनि उजुरीका चाङ्ग छन् । तर बिचरा प्राधिकरण, सूर्य ज्योतिले आफुले भनेको माने पो ! उल्टै अदालत जान्छ, बिमितलाई दुख दिन्छ । बरु रवि लामिछानेलाई युवराज सफलले छोड्लान, बिमितलाई पैसा नदिन पाउँ भनेर सूर्यज्योति लाइफ अदालत धाउन छोड्दैन । अनि के गरुन् बिचरा विमितहरु ?   

कुनै बेलाको ज्योति लाइफ इन्स्योरेन्स र सूर्यलाइफ इन्स्योरेन्स मिलेर बनेको कम्पनी हो सूर्य ज्योति लाइफ इन्स्योरेन्स । ज्योति लाइफ इन्स्योरेन्स त्यहि कर्मचारी हो, जसका कारिन्दा नक्कली सर्टिफिकेट काण्डमा फसेका थिए । अनि सूर्य लाइफ इन्स्योरेन्स त्यहि कम्पनी हो, जसले कम्पनीको नाम नै दुरुपयोग गरेर, रासिद छापेर देउसीका नाममा जनताबाट चन्दा उठाउँथे । सूर्यज्योति लाइफ इन्स्योरेन्सका अन्य हर्कतका नालीबेली यो छोटो कार्यक्रममा भनेर सकिंदैन । सूर्यज्योतिले दिएको दुख र उसले गरेका मनपरीका कहानी सुनाउने हो भने हामीलाई बटुल्न १ महिना लात्ग्छ, तपाईंलाई सुन्न १ हप्ता लाग्ला । अहिले त्यतातिर नलागौँ, तर केही प्रतिनिधि उदाहरण पक्कै दिनुपर्नेछ तपाईंलाई र भन्नुपर्ने र नियामक प्राधिकरणलाई, प्राधिकरणले भनेको नमान्ने, बिमितलाई समयमा बीमा दाबी भुक्तानी नदिनेलाई किन बीमाको कारोबार गरिरहन दिने ?   

अव एकछिन बीमितले पाएको पीडाको कुरा छोडेर सूर्यज्योति लाइफ इन्स्योरेन्स कसरी आफ्ना मान्छे भर्ती गर्ने केन्द्र बनिरहेको छ भन्ने तथ्य पनि हेरौँ । हाम्रो देश नै यस्तो छ, खेतबारीमा मनसुनको भर, जागिर खान भनसुनको भर । जनताका छोराछोरीलाई फलानो पढेको हुनुपर्छ, यति नम्बर ल्याएको हुनुपर्छ, अझ यति अनुभव भएको हुनुपर्छ भन्ने सूर्य ज्योति लाइफ इन्स्योरेन्सले आफ्ना मान्छेलाई त पढाई नै नपुगे पनि जागिरमा राख्ने रहेछ ।  कम्पनीमा आफ्ना मामा, अंकल, भिनाजु, काका, सानिमा, दाई वा यस्तै अरु नाता पर्ने कोही छैनन् भने त जागिर पाउनु त टाढाको कुरा दिएको आवेदन पनि हेर्दैनन् कम्पनीमा हाकिमहरु । नजिकको, चिनेको वा नाता पर्ने भए न योग्यता चाहिन्छ न त अनुभव । यो फेरी हामीले भनेको होइन, स्वयम् बीमा प्राधिकरणको अनुगमनमा देखिएको हो ।

सूर्यज्योति लाइफ इन्स्योरेन्समा कर्मचारी नियुक्तिमा व्यापक चलखेल भएको सूचना पाएपछि प्राधिकरणले अनुगमन गरेको थियो । अनुगमनका क्रममा प्राधिकरणले कम्पनीले संस्थागत सुशासन सम्बन्धी निर्देशिका २०७५ को धज्जी उडाउँदै ब्रान्च मेनेजर, एरिया सेल्स मेनेजर र अफिसर पदमा शैक्षिक योग्यता र अनुभव नपुगेकालाई नियुक्ति दिएको फेला पारेको छ । प्राधिकरणका अधिकारीका अनुसार ब्रान्च मेनेजर, एरिया सेल्स मेनेजर र अफिसर पदका लागि शैक्षिक योग्यता स्नातक तह उतीर्ण गरेको हुनुपर्छ । तर, कम्पनीले प्लस टू मात्रै पास गरेकाहरुलाई अफिसरमा नियुक्ति दिएको छ । अझ त्यति मात्र होइन, कम्पनीले जागिरमा नियुक्त गरिसकेका केहीलाई अझै पनि नियुक्ति पत्र नदिएको र उनीहरुको शैक्षिक योग्यताको प्रमाण पत्र पनि पेश नगरेको तथ्य पनि प्राधिकरणले फेला पारेको छ । हुन त शैक्षिक योग्यता भए पो प्रमाण पत्र पेश गर्नु भने जस्तो पो हो कि ! खैर, सूर्यज्योति लाइफमा यस्तो चलिरहन्छ, जुन चल्नु हुँदैन, हुँदै हुँदैन ।

सूर्यज्योतिमा यस्तै जथाभावी भएर हुन सक्छ, डेपुटी सीइओ पवन खड्काले कम्पनी छोडेका छन् । प्रिमियम लिने, दाबी भुक्तानी नदिने पाप आफूलाई पनि लाग्न सक्छ कि भनेर हो कि धेरै राम्रा अभिकर्ताले, कर्मचारीले अझ कतिपय प्रदेशमा त प्रमुखले नै कम्पनी छोडेको । राम्रा कर्मचारीले मात्र होइन, सूर्यज्योति लाइफमा बीमा गरेका बिमितहरुले भकाभक पोलिसी सरेन्डर गरिरहेका छन् । चालु आर्थिक वर्षको पछिल्लो पाँच महिना (साउनदेखि मंसिर मसान्तसम्म) सूर्यज्योति लाइफ इन्स्योरेन्समा २ हजार ४ सय ८८ जनाले ३२ करोड ६४ लाख रुपैयाँ रुपैयाँ बराबरको पोलिसी सरेन्डर गरेका छन् । यीमध्ये धेरैले सूर्यज्योतिबाट आफु ठगिएको र ठगिने महसुस गरेर नै पोलिसी सरेन्डर गरेका छन् । कतिपयले त अदालत जाने, प्राधिकरण धाउने समय र पैसा नहुन सक्छ भनेर सूर्यज्योतिको विकल्प खोजेका छन् । र पनि के गर्नु, बीमितको पैसा तिर्दिन भन्ने हाकिम छन्, कर्मचारी धेरै हाकिमका आसेपासे र योग्यता नै नपुगेका छन्, अभिकर्ता कम्पनीको पारा देखेर हैरान छन्, राम्रा कर्मचारीले कम्पनी छोडेका छोड्यै छन्, अनि मिडियामा कम्पनीका हर्कत छताछुल्ल भएपछि कम्पनी आफु सुध्रनुको सट्टा बीमितलाई गुण्डाजस्तो लाग्ने, दुख बिसाउन गयो, जुँगा मटारेर उल्टै थर्काएर फर्काउने, व्यक्ति लगाएर आफ्ना पकेटका मिडियामा नियम मिचेर खण्डन गर्ने जागिर खाईरहेका छन् । अनि बिचरो प्राधिकरणको के कुरा गर्नु ? कहिलेकाहीं त प्राधिकरणलाई नै लाग्दो हो, हामीले सूर्यज्योतिलाई नियमन गर्ने हो कि सूर्यज्योतिले प्राधिकरणलाई । प्राधिकरणले सूर्यज्योतिलाई निर्देशन दिने हो कि प्राधिकरणलाई सूर्यज्योतिले । खै के खै के । त्यतिकै प्राधिकरणको जागिर कमजोर नियामकमा बसेर घाम ताप्ने मेलो कहाँ भएको हो र ?       

हामीले सूर्यज्योति लाइफ इन्स्योरेन्स खत्तम छ, यहाँ बीमा गर्नु नै हुँदैन, यो कम्पनी एक नम्बरको फटाहा छ, प्रिमियम धुत्छ, पीडा थुपार्छ मात्र, भन्न खोजेको होइन, सबै कर्मचारी आसेपासेकै गोडा मोलेर जागिर खाएका छन् भनेको त झनै होइन, सूर्यज्योतिमा केही राम्रा, अब्बल र इमानदार कर्मचारी पनि छन्, धेरै इमानदार अभिकर्ता पनि छन्, केहिको बीमा रकम बेलैमा दिएको पनि छ यो कम्पनीले । तर बीमा गर्ने एकले दुख पाउँदा त्यसको असर बीमा क्षेत्र प्रति नै हुन्छ । बीमा सचेतनाले यस्तै घटनाका कारण हावा खान्छ । अनि सूर्यज्योतिले गरेको जस्तो रबैयाले बीमितको भुक्तानीको टुंगो प्राधिकरणले समेत गर्दैन, अदालत धाउन तयार हुनुपर्छ बिमित भन्ने भाष्यलाई झन् बल दिन्छ । (भिडियो)

Source link

काठमाडौँ । काठमाडौँको सामाखुसीमा रहेको गुडलक इन्टरनेशनल म्यानपावरले लाखौँ ठगी गरेको पाइएको छ । रोजगारीका लागि क्रोयशिया लगायतका देश पठाइदिने भन्दै म्यानपावरले ठगी गरेको पाइएको हो ।

उक्त म्यानपावरबाट भिसा अप्लाई गरेकाहरु अहिले रुनु न हाँस्नु भएका छन् । अहिले उक्त म्यानपावरबाट ठगिएकाहरु दैनिक म्यानपावर कार्यलयमा पुग्छन् ।

तर, उनीहरुले न म्यानपावरका सञ्चालकलाई भेट्न पाउँछन्, न सञ्चालकले उनीहरुको फोन नै उठाउँछन् । बरु म्यानपावरका कर्मचारीलाई ‘उहाँ १० मिनेटमा अफिस आउनुहुन्छ रे’ भन्न लगाउने र दिनभर कुराउने गरेको म्यानपावरबाट पीडित प्रशान्त पौडेलले गुनासो गरेका छन् । ‘४१ महिना भयो म्यानपावरलाई पैसा दिएको ।’, अर्थ सरोकारसँग कुराकानी गर्दै उनले भने, ‘न भिसा आएको छ, न पैसा फिर्ता दिएको छ । दिन्छु मात्रै भन्छ तर पैसा नै दिँदैन ।’

पौडेलका अनुसार उनले उक्त म्यानपावरका सञ्चालक कुमार भनेर चिनिने तेजबहादुर लामिछानेलाई करिब ४ वर्षअघि २ लाख रुपैयाँ बुझाएका थिए । तर, पैसा बुझाएर भिसा आउँछ भनेको ४१ महिना बितिसक्दा पनि भिसा नआएको पौडेलले गुनासो गरेका छन् ।

पैसा दिएको महिनौँ बितिसक्दा पनि भिसा नआएपछि उनले म्यानपावरसँग पैसा फिर्ता मागेका थिए । बल्लतल्ल म्यानपावर सञ्चालक लामिछानेले उनलाई २ लाखमध्ये २० हजार फिर्ता गरे र बाँकी पैसा पछि फिर्ता गर्ने बाचा गरे । तर, पीडित पौडेलले अझैसम्म पनि म्यानपावरबाट पैसा फिर्ता पाएका छैनन् । अत्ति भएपछि पौडेल बुधबार म्यानपावरमै गएर आफू प्रहरीमा उजुरी दिन जान लागेको भन्दै जानकारी गराए । प्रहरीमै जाने भनेपछि आत्तिएर आएका म्यापावर सञ्चालक लामिछानेले उनलाई १ लाख ५० हजारको चेक दिए ।

तर, लामिछानेले दिएको चेक अर्कै व्यक्तिको भएको र हस्ताक्षर पनि फरक परेको तथ्या पौडेलले बैंक पुगेपछि थाहा पाए । त्यसयता म्यानपावर सञ्चालक सम्पर्कमै नभएको पौडेलले बताएका छन् । हामीले पनि उक्त म्यानपावर संचालक लामिछानेसंग सम्पर्क गर्ने प्रयास गर्यौं तर उनी सम्पर्कमा आएनन् ।

Source link