१८ फागुन, काठमाडौं । काठमाडौंको टोखामा प्रहरीले गोली चलाएको छ । अपराध अनुसन्धान कार्यालयको टोलीले गोली चलाएर एक जनालाई पक्राउ गरेको हो ।

प्रहरी स्रोतका अनुसार प्रहरीले तीन राउन्ड गोली चलाएको छ । एक राउन्ड गोली पक्राउ परेका व्यक्तिलाई लागेको छ । पक्राउ पर्नेमा गुड्डु पटेल रहेकाे अपराध अनुसन्धान कार्यालयका एसएसपी रमेश बस्नेतले अनलाइनखबरलाई जानकारी दिए ।

उनका अनुसार पटेललाई उपचारका लागि अस्पताल पठाइएको छ ।

विस्तृत विवरण आउन बाँकी छ ।

अखिल नेपाल फुटबल संघ (एन्फा) ले अस्ट्रेलियाका म्याट रसलाई नेपाली पुरुष राष्ट्रिय फुटबल टोलीको मुख्य प्रशिक्षकको रूपमा नियुक्त गरेको छ। एन्फाले उनलाई एक वर्षका लागि जिम्मेवारी सुम्पिएको छ।

एन्फाका महासचिव किरण राईले रससँग सम्झौतामा हस्ताक्षर गरे। एशियन कप छनोट खेल सुरु हुन करिब तीन सातामात्र बाँकी रहँदा एन्फाले मुख्य प्रशिक्षक नियुक्त गरेको हो।

यद्यपि, रस नेपालमा केही समययता बसोबास गरिरहेका थिए। एन्फाले चार महिनाअघि मुख्य प्रशिक्षक पदका लागि आवेदन खुला गरेको थियो, जसपछि उनी छनोट भएका हुन्।

१८ फागुन, काठमाडौं । अध्यादेश अघि बढाउन सत्तापक्षकै बीचमा सहमतिको प्रयास गरिने भएको छ ।

आइतबार पार्टी कार्यालय च्यासलमा बसेको सरकारको नेतृत्वकर्ता दल नेकपा एमालेको पार्टीको सचिवालय बैठकमा अध्यादेश अगाडि बढाउने उपायबारे छलफल भएको थियो । छलफलपछि एमाले महासचिव शंकर पोखरेलले अध्यादेश अघि बढाउन सत्तापक्षकै बिचमा सहमतिको प्रयास गरिने बताए ।

अध्यादेश अगाडि बढाउने उपायका सम्बन्धमा पत्रकारले महासचिव पोखरेललाई प्रश्न गरेका थिए । उनले जवाफ दिए, ‘सहज वातावरणमा कसरी अगाडि बढ्नुपर्दछ भन्ने कुराका बारेमा छलफल गर्दछौं । कम्तिमा सत्तापक्षका बीचमा सहमति कायम गरेर अगाडि बढ्ने कोसिस गर्दछौं ।’

सत्तापक्षमा रहेको जनता समाजवादी पार्टी (जसपा) नेपालले सरकारले ल्याएका विभिन्न ६ वटा अध्यादेशमध्ये भूमिसम्बन्धी अध्यादेश फिर्ता लिनुपर्ने सर्त राखेको छ । भूमि सम्बन्धी अध्यादेश फिर्ता नलिए अन्य बाँकी पाँच वटा अध्यादेश समेत अगाडि बढाउन सहयोग नगर्ने जसपा नेपालको सर्त छ ।

सरकारमै सहभागी लोकतान्त्रिक समाजवादी पार्टी (लोसपा)ले समेत भूमि सम्बन्धी अध्यादेश अगाडि बढाउन नसकिने निर्णय गरेको छ । सत्तापक्षमै रहेको जसपा नेपाल र लोसपाको निर्णयका कारण सरकारले राष्ट्रिय सभामा अध्यादेश अगाडि बढाउन सामान्य बहुमत समेत जुटाउन सकिरहेको छैन ।

यो विषयमा सरकारको नेतृत्वकर्ता दल एमालेको सचिवलाय बैठकमा छलफल भएको छ । छलफलपछि नेताहरूले फेरि पनि अध्यादेश अघि बढाउन सत्तापक्षकैबीचमा सहमतिको प्रयास गर्नुपर्ने निष्कर्ष निकालेका हुन् ।

The MAW Vriddhi EV Carnival has been announced. The EV fair runs from Falgun 18th to 21st (Sunday to Wednesday) at Amarpali Banquet, Naxal, where you can test-drive and explore the joy of riding Deepal, Nammi, and Seres EVs.

MAW Vriddhi is the authorized distributor of popular EV brands like Deepal, Nammi, and Seres. And now, it has brought a golden opportunity for you to explore, test, drive, and experience innovative electric vehicles, which includes lineups such as the world-first Transformer SUV- the Deepal E07. The event is special for you whether you are an EV enthusiast or a first-time buyer,

Simultaneously with Kathmandu, the MAW Vriddhi EV Carnival takes place in respective showrooms in Biratnagar in Kanchanjungha Banquet. At the event, latest EV models from globally popular brands like Nammi, Seres, and Deepal will be at display. These EV lineups have been highly well-received in the Nepali market so the fair brings an opportunity for all to explore these brands’ EVs closely.

Check out: Seres 3 EV Price in Nepal with Specs

MAW Vriddhi EV Carnival offers

MAW Vriddhi EV Carnival provides unmatched cash discounts, free 7 kW charger and accessories, etc. Also, the benefits include Free Auto Plus Insurance and Road Tax, Best Exchange Bonus, and Best Exchange Value of old vehicles from top 8 recondition houses. You also get on-the-spot finance service. MAW has also arranged for a gift in every test drive and valuation.

At the same time, Changan Hunter, an offroad-capable and stylish pickup, will be available with a downpayment of just Rs 10 lakh.

Similarly, 4 lucky customers will have a chance to win Free Stay at Country Villa, Nagarkot upon booking an EV during the carnival while 1 winner will win an iPhone 16 Pro Max. MAW has also made arrangement of music and other amenities to make the carnival refreshing and joyful for the participants.

Also see: DongFeng Nammi 01 EV latest price in Nepal | 2025 Update

Deepal, Nammi, and Seres have brought some of the top electric cars to Nepal. So, this MAW Vriddhi Carvnial brings an ample opportunity for the EV enthusiasts and buyers to have a first-hand experience of their top-of-the-line cars with other offers.

अमेरिकी राष्ट्रपति डोनाल्ड ट्रम्प र उपराष्ट्रपति जेडी भान्सको उपस्थितिमा युद्धरत युक्रेनी समकक्षी भोलोदिमिर जेलेन्स्कीमाथि शुक्रबार साँझ गरिएको व्यवहारबाट संसार पक्ष र विपक्षमा बाँडिएको छ। एकथरीका निम्ति उनले कच्चा कूटनीतिमार्फत मुलुकलाई युद्धमा होमेका कारण यो दुर्गति आएको हो भने अर्काथरीले उनको देशप्रेम र नझुक्ने व्यक्तित्वको सर्वथा तारिफ गरेका छन्।

आफ्ना पाहुनाका रूपमा आएका मित्र मुलुकका राष्ट्राध्यक्षमाथि ह्वाइटहाउसको ओभल अफिसमा गरिएको हेपाहा व्यवहारलाई लिएर संसारभरिका न्यायप्रेमी मानिसहरू आश्चर्यमा मात्र परेका छैनन्, ठुला शक्तिराष्ट्रले सानालाई कसरी ङ्याक्न खोज्छन् भन्ने पनि देखिएको छ। प्रेसका अगाडि सार्वजनिक भएको यो घटनाले ठुला मुलुकले साना मुलुकका नेतालाई कसरी आफ्नो हितअनुकूल हिँडाउन खोज्छन् र नसके अपमानित गर्छन् भन्ने पनि पुष्टि भएको छ।

आफ्नो एउटा भूभाग क्रिमियालाई सन् २०१४ मा ठुलो छिमेकी रुसले बलात् आफ्नो भूभागमा मिलाएको घटनाबाट जानकार जेलेन्स्कीले नेटोको सदस्यता लिन चाहेका हुन्। उनीभन्दा अगाडिका नेताहरूले युक्रेनलाई नेटोको सदस्यता प्राप्तिमा लगाउने वाचा गर्ने गरे पनि कहिल्यै कार्यान्वयनमा लगेनन्। जेलेन्स्की राष्ट्रपतिमा निर्वाचित भएपछि यस दिशामा अग्रसर भएका हुन्।

अहिले आएर युक्रेनमाथि किन रुसले आक्रमण गरेको रहेछ भन्ने प्रस्ट भएको छ। ‘युरोपको खाद्यान्न भकारी’का रूपमा चिनिने युक्रेनलाई आफ्नो राज्यमा मिलाउन मात्र होइन, यसको विशाल खनिज भण्डारलाई उपयोग गर्ने चाहना रुसमा रहेको हो। त्यही चाहना अहिले युद्ध अन्त्यका निम्ति पहल गर्न तत्पर भनिएका अमेरिकी राष्ट्रपति ट्रम्पको पनि देखिएको छ। ‘लेनदेन’को सम्बन्धमा विश्वास गर्ने ट्रम्पले युक्रेनको खनिजमा आँखा लगाएका थिए। उनले त्यसैका निम्ति निरन्तर दबाब दिइरहेका हुन्।

युक्रेनी राष्ट्रपति जेलेन्स्कीको युद्ध अन्त्य नचाहेका होइनन् तर त्यसका निम्ति फेरि रुसले आफूमाथि आक्रमण नगर्ने सुनिश्चितता पनि खोजेका हुन्। युद्ध अन्त्यको अर्थ युक्रेनका खानीमाथि अमेरिकी आधिपत्य हुने र उनी भने देशभित्र दोषी करार भएर बाँच्नुपर्ने अवस्था रहन्थ्यो। उनले आफू मर्न तयार भएको तर अपमानित हुने सम्झौता गरेर देशलाई घाटामा पार्न नचाहेको स्पष्ट सन्देश दिएका छन्।

ठुला शक्तिराष्ट्रले कसरी साना मुलुकको आत्मसम्मानमा घात गर्न खोज्छन् भन्ने पनि यसबाट देखिएको छ। युद्धरत दुई मुलुकमध्ये रुससँग संवाद गरेर मिल्न अमेरिकाले युक्रेनलाई दबाब दिएका हुन्। युद्ध अन्त्यका निम्ति रुस र युक्रेन दुवैमा समान ढंगको दबाब हुन सक्थ्यो। तर रुसी राष्ट्रपति भ्लामिर पुटिनसँगको विशेष सम्बन्धका कारण दबाब जेलेनस्कीमाथि मात्र बढाइएको छ।

जेलेनस्कीका अगाडि रुसले आक्रमण थालेपछि प्रत्याक्रमणमा जानुको विकल्प थिएन। एकथरी व्यक्तिहरू ठुलो छिमेकीसँग निहुँ खोज्नुहुँदैनथ्यो भन्ने तर्क गर्छन्। ठुलो छिमेकीले सानो मुलुकलाई हेप्ने र उसको सार्वभौमसत्तालाई कम आँक्ने स्थितिका लागि यसरी वातावरण बनाउन खोजिएको छ। त्यतिबेला उनी डटेर अगाडि नबढेका भए युक्रेन विश्व मानचित्रबाट हराइसक्ने थियो। धन्य, उनी लडे र विश्वका न्यायप्रेमी मानिसहरूले ठुला मुलुकको दबदबाबाट साना मुलुकले आफूलाई प्रतिरक्षा गर्न जेलेनस्कीबाट प्रेरणा लिएका छन्।

अहिले आएर अमेरिकी राष्ट्रपति ट्रम्पले उनलाई किन अपमान गरेका छन् भने तिनका सर्तअनुसार जेलेनस्कीले अगाडि बढ्न मानेका छैनन्। रुससँग जबर्जस्ती सम्झौता गर्ने र आफ्नो खनिज स्रोतबाट हात धुने मात्र काम हुन्थ्यो। त्यसपछि युक्रेनभित्रै आफ्नो मुलुकमाथि घात गरेको आरोप लाग्ने निश्चित थियो।

यी यावत् घटनाक्रमबाट हाम्रो जस्तो मुलुकले विकास निर्माणदेखि अन्तर्राष्ट्रिय सम्बन्ध सम्ममा कसरी ध्यान दिनुपर्छ भन्ने पाठ लिनु उचित हुन्छ। विदेशीले भने भन्दैमा सबै कुरा मान्न सकिँदैन। आफ्नो मुलुकको आवश्यकता पहिचान गर्दै आफ्नै बलबुतामा विकास निर्माणमा लाग्न तत्पर हुनुपर्छ। सबै मुलुकका आफ्ना स्वार्थ हुन्छन्। तिनले दिने सहयोगमा पनि कुनै न कुनै किसिमको सर्त अवश्य हुन्छ। यस्ता सर्त स्वीकार गर्नुअघि पनि विचार गर्नुपर्ने हुन्छ।

जेलेनस्कीले अमेरिकी राष्ट्रपतिका अगाडि आफूलाई निडर रूपमा प्रस्तुत गर्दै आफ्नो दृष्टिकोण राखेका छन्। प्रेसको सामुन्नेमा समेत यस्तो व्यवहार गर्न सक्ने संसारका ठुला देशका नेताहरूले भित्री रूपमा दबाब दिँदैनन् भन्ने विश्वास गर्न सकिँदैन। त्यस्तो बेलामा आफूलाई प्रस्ट रूपमा राख्दै देशहितलाई प्राथमिकतामा राख्न सधैं सजग हुनुपर्ने देखिन्छ।

 देशको पक्षमा स्वाभिमानपूर्वक उभिने नेताका रूपमा संसारले यतिबेला जेलेनस्कीलाई लिएको छ। देशको पक्षमा नउभिनेलाई जसको स्वार्थमा उभिएको हो, त्यसले पनि सम्मान गर्दैन। अमेरिकी राष्ट्रपतिले अपमान गरे पनि त्यहाँका नागरिकले उनको मुक्तकण्ठले जेलेनस्कीको प्रशंसा गरिरहेका छन्। युक्रेनी जनताले त उनको यो साहसिक कदमबाट अरू उर्जाशील बनेर अगाडि बढ्न मद्दत पुग्नेछ। साहसिक नेतृत्व र जनता भएको देश जतिसुकै शक्तिशाली मुलुकका अगाडि पनि कमजोर हुन सक्दैन।

अमेरिकाले बेलाबेलामा यस्ता साहसिक व्यक्ति र देशको सामना गर्नुपरेको छ। अमेरिकाजस्तो शक्तिराष्ट्रले १९७३ मा भियतनाममा आफ्ना सेना फिर्ता गर्नुपरेको थियो। त्यहाँका जनताको बहादुरीपूर्वकको युद्धले त्यो सम्भव भएको थियो। साहसिक नेतृत्व छ भने साना मुलुकले पनि ठुलो हैसियत बनाउन सक्छन्। तर देशको सार्वभौमसत्ताको विरुद्धमा उभिर अर्को देशलाई लाभ पुर्‍याउने नेताको हैसियत भने लेन्डुप दोर्जेको जस्तो हुन्छ।

सिक्किमलाई भारतमा विलय गराइसकेपछि लेन्डुपको देशभित्र त के कुरा भारतमै पनि सम्मान भएन। भारतमै उनको गुमनाम मृत्यु भयो। त्यसैले आफ्नो देशको हितमा उभिन तत्पर नेता जेलेनस्की हुन्छ भने सार्वभौमसत्ताको विरुद्ध सक्रिय हुने लेन्डुप।

यो पनि पढ्नुहोस्

ओभल अफिसमा जेलेन्स्कीको ‘अपमान’: झस्किए साना मुलुक

१८ फागुन, विराटनगर । जीवन विकास लघुवित्त वित्तीय संस्थाले छैटौं वार्षिकोत्सव १६१ स्थानमा विभिन्न सामाजिक कार्य गरी मनाएको जनाएको छ ।

३१ जिल्लामा वित्तीय सेवा प्रवाह गरिरहेको यो लघुवित्तका १६० शाखा छन् । सबै शाखा कार्यालयले आ–आफ्ना कार्यक्षेत्र भित्र सामाजिक कार्य गरी वार्षिकोत्सव मनाएको जीवन विकास लघुवित्तका प्रमुख कार्यकारी अधिकृत संजयकुमार मण्डलले जानकारी दिए ।

जीवन विकासको शुरुवात सामाजिक क्षेत्रबाट भएकाले संस्थाले वार्षिकोत्सव सामाजिक कार्य गरेको उनको भनाइ छ ।

उनका अनुसार २५ वटा शाखाले २५ विपन्न परिवारको घर निर्माण तथा मर्मत र ६० वटा शाखाले बजार सरसफाइ कार्यक्रम गरेका छन् । ७२ वटा शाखाले वृक्षारोपण कार्यक्रम आयोजना गरेका छन् । एक स्थानमा रक्तदान, एक स्थानमा शौचालय निर्माण र दुई स्थानमा पार्क तथा मस्जिद सफाइ कार्यक्रम गरिएको छ ।

प्रमुख कार्यकारी अधिकृत मण्डल अमाही शाखाले आयोजना गरेको वृक्षारोपण कार्यक्रममा सहभागी भएका थिए । अमाहीबाटै जीवन विकास समाज सुरु भएको थियो ।

जीवन विकास समाजबाट नै प्रवद्र्धन भई २०७५ साल फागुन १६ गते जीवन विकास लघुवित्त वित्तीय संस्था स्थापना भएको थियो ।

कोशी प्रदेश, मधेश र बागमती प्रदेशका ३१ जिल्लामा १६० वटा शाखा मार्फत ३ लाख ५० हजार परिवारलाई घरदैलोमा पुगेर वित्तीय सेवा प्रवाह गरिरहेको उनले बताए । २७ अर्बभन्दा बढी ऋण कारोबार गरेको जीवन विकासले ११ अर्व भन्दा बढी बचत परिचालन गरेको मण्डलले जानकारी दिए ।