८ फागुन, काठमाडौं । नक्कली सुन देखाएर ठगी गरेको आरोपमा प्रहरीले दुई जनालाई पक्राउ गरेको छ ।

पक्राउ पर्नेहरूमा सिन्धुपाल्चोकको बाह्रबिसे नगरपालिका–६ घर भएका ६२ वर्षीय धनजित तामाङ र सोही नगरपालिका–४ घर भएका ४८ वर्षीय दलबहादुर तामाङ छन् ।

उनीहरूलाई काठमाडौं उपत्यका अपराध अनुसन्धान कार्यालयको टोलीले बिहीबार पक्राउ गरेको हो ।

उनीहरूले सक्कली सुन भन्दै एक किलो नक्कली सुन देखाएर ठगी गरेको अपराध अनुसन्धान कार्यालयका एसपी तथा प्रवक्ता मनोहर भट्टले बताए ।

मूलपानीबाट पक्राउ परेका उनीहरूबाट नक्कली सुन समेत प्रहरीले बरामद गरेको छ । पक्राउ परेकाहरूलाई कारबाहीका लागि प्रहरी वृत्त बौद्ध पठाइएको छ ।