पूर्वप्रधानमन्त्री तथा नेपाल समाजवादी पार्टी (नयाँ शक्ति) का अध्यक्ष डा. बाबुराम भट्टराईले पूर्वराजा ज्ञानेन्द्र शाहसँग राज्यले बयान लिनुपर्ने माग गरेका छन्। उनले राजावादी प्रदर्शनका घटनालाई लिएर ‘के गरेको’ भनेर सोधपुछ गर्नुपर्ने बताएका हुन्।
बुधबार नागरिक न्युजको डिजिटल संवाद कार्यक्रम ‘फ्रन्टलाइन’ मा बोल्दै डा. भट्टराईले भने, “पूर्वराजाले आउँछु भन्न पाउँछन्, तर संविधानविपरीत अपारदर्शी हर्कत गर्नुहुँदैन। उनका समर्थकले मच्चाएको वितण्डा अपराध हो। राज्यले विधिपूर्वक बोलाएर ‘यो के गरेको’ भनेर सोध्नुपर्छ, बयान लिनुपर्छ।”
उनले ज्ञानेन्द्र साधारण नागरिकको हैसियतमा बस्न ठीक हुने तर राजाको दाबी गर्नु ठगी भएको टिप्पणी गरे।
उनले राजावादी शक्तिलाई पुरातनवादी प्रवृत्तिको संज्ञा दिँदै यस्ता गतिविधिले देशलाई पछाडि फर्काउन खोजेको बताए।
“चुनावमा राजावादीको हिस्सा तीन-चार प्रतिशतभन्दा बढी छैन। जनताको असन्तुष्टिको दुरुपयोग गरेर उनीहरू सफल हुने सम्भावना छैन। सरकारले यस्ता प्रवृत्तिलाई निरुत्साहित गर्न कानुनी कारबाही गर्नुपर्छ,” उनले भने।
डा. भट्टराईले अग्रगामी शक्तिले संघीय लोकतान्त्रिक गणतन्त्रलाई समृद्धितिर डोर्याउनुपर्नेमा जोड दिँदै असन्तुष्टिको समाधान पछाडि फर्केर नहुने बताए। “भोक लाग्यो भन्दै विष खानु ठीक होइन। राज्यले कानुनको दायरामा ल्याएर अगाडि बढ्नुपर्छ,” उनले थपे।
‘दाइ, दाइ मेरो भाइबर चल्यो । म खतरा ठाउँमा छु है !’
यसो भनिरहँदा सुरेश रजकको आवाज केही हडबडाएको सुनिन्छ । उनी क्यामेरा बोकेर एउटा ल फर्मको कार्यलयभित्र छिरेका छन् । त्यहाँ प्रदर्शनकारीहरूले उत्पात मच्याइसकेका छन् । टेबल–कुर्सी भाँच्ने, कागजात फ्याँक्ने क्रम जारी छ ।
केही अघिसम्म सो भवनमा तिनीहरूले तोडफोड गरिरहेका थिए । भवनका झ्याल कुनै सद्दे रहेनन् । झर्यामझुरुम भयो । त्यसरी नै फुटाइएको झ्यालबाट प्रदर्शनकारीसँग सुरेश पनि उक्त कोठामा छिरेका देखिन्छन् ।
संभवत सुरेश त्यो जोखिमयुक्त ठाउँबाटै प्रत्यक्ष प्रसारण गर्ने प्रयासमा छन् । एभिन्युज टेलिभिजनका क्यामेरापर्सन उनी राजावादी प्रदर्शनको दृश्यहरू पछ्याउँदै त्यहाँसम्म पुगेका हुन् ।
००० ०००
बाहिर चर्को हो–हल्ला, हुलदङ्गाको ध्वनि । यतिबेला त्यो कार्यलयभित्र सुरेश मात्र बाँकी छन् । सुरेशले काँधमा क्यामेरा भिरेका छन् र हातले दुईवटा मोबाइल चलाइरहेका छन् । उनी भिडियो लाइभ गर्ने प्रयासमा थिए ? मोबाइलको नेटवर्क खोज्दै थिए ? कसैसँग सम्पर्क गर्दै थिए ? स्पष्ट हुँदैन ।
कसैले सुरेशको भिडियो ‘जुम’ गरेर खिच्छ । त्यसपछि चेनगेट देखाउँछ र फेरि जुम गरेर ताल्चा लगाइएको देखाउँछ । अर्थात् उनी बन्द कोठामा छन् । त्यसभन्दा तलको कोठाभित्र आगो लाग्न सुरु गरिसकेको छ ।
००० ०००
तीनकुनेको सो भवनमाथि ढुङ्गा प्रहार भइरहँदा र त्यसको सिसाहरू फुटिरहँदा सुरेश त्यही भित्रबाट भिडियो खिचिरहेका देखिन्छन् । संभवतः उनी एक्सक्लुसिभ फुटेज खिच्ने यत्नमा छन् ।
केही पछि भवन दनदनी आगोमा जल्न थाल्छ । आगो निभाउन आएका दमकललाई प्रदर्शनकारीले लखेट्छन् ।
त्यसपछि ?
भग्न भवनको तेस्रो तलामा उक्लिएर आफू कार्यरत टेलिभिजनमा विशेष दृश्यहरू प्रत्यक्ष प्रसारण गर्न खोजिरहेका सुरेश एकाएक सम्पर्कविहीन हुन्छन् ।
००० ०००
चैत १५, शुक्रबार ।
राजावादी प्रदर्शनले उग्र रूप लिइसकेको छ । अनलाइन पत्रिका ‘लोकपथ’का लागि भिडियो खिच्दै तीनकुनेमा आइपुग्छन्, दिनेश रजक । नाताले उनी सुरेशका साख्खै दाइ हुन् ।
यतिबेला तोडफोड गरिएको भवनमा आगो सल्किसकेको हुन्छ र त्यसको लप्का हावा जसरी सर्वत्र फैलिन्छ । उनी आगोले जल्दै गरेको भवनको दृश्यहरू खिच्न थाल्छन् ।
यतिनै बेला एभिन्युज टेलिभिजनका केही रिपोर्टर कराउँछन्, ‘एउटा क्यामेरापर्सन माथि नै छ, माथि नै छ ।’
हठात् उनका भान्जा राजेश रजक अत्तालिदै र रुँदै आइपुग्छन् । उनी भनिरहेका छन्, ‘माथि… माथि ।’
दिनेश सोध्छन्, ‘को ?’
‘हाम्रो मामा, हाम्रो मामा’ भन्दै ऊ रुन थाल्छ । भान्जा पनि एभिन्युजकै क्यामेरापर्सन हुन् । मामा भान्जा दुवै राजावादी प्रदर्शनको भिडियो खिच्न खटिएका हुन्छन् ।
भान्जाले जल्दै घरको भवनलाई संकेत गरेर ‘माथि हाम्रो मामा छ’ भनेको सुनेपछि दिनेशको नौनाडी गल्छ । मुटुको चाल नै रोकिए जस्तो हुन्छ । सास अड्किन्छ । भाउन्न हुन्छ ।
सुरेशका माइला दाजु दिनेश रजक
उनीहरूले प्रहरीलाई गुहार गर्छन्, सहयोगका लागि । तर प्रहरी भन्छ, ‘हामीले माथि सबै खोजिसक्यौं, कोही छैनन् ।’
तीन पटकसम्म माथि उक्लिएर खोज्दा मान्छे नभेटिएको जवाफ दिन्छन् । प्रहरीको कुरा सुनेपछि दिनेशको मनमा केही आसा जाग्छ । उनले आफूलाई केही हल्का महसुस गर्छन् ।
यद्यपि यसबेलासम्म उनका भाइ सुरेश भने सम्पर्कमा आएका छैनन् । सबैतिर सोधीखोजी गर्दा भेटिएका छैनन् । नजिकैको कान्तिपुर अस्पताल, सिभिल अस्पतालदेखि आसपासका सबै अस्पतालमा हेर्न र बुझ्न जाँदा फेला परेका छैनन् ।
केही समयपछि सशस्त्र प्रहरी आएर भवनको आगो निभाउँछन् । अनि दिनेश, उनका भान्जा र एभिन्युजकै अरु रिपोर्टर भवनभित्र पसेर माथिसम्म खोजतलास गर्छन् । भुँइतलामा खरानीको रास हुन्छ । दिनेशलाई कताकता शंका लाग्छ, त्यही रासभित्र पो आफ्नो भाइ छ कि । त्यहाँ आगोको राप र धुँवाले उकुसमुकुस हुन्छ ।
भवनभित्र धेरै समय बस्न सहज नभएपछि उनीहरू फेरि बाहिर सडकमा निस्कन्छन् ।
००० ०००
साँझ पर्नै लाग्छ । भवनको भुँइतलाको आगो फेरी सल्किएर दनदनी बल्न थाल्छ । जसोतसो दमकल आइपुग्छ र आगो निभाउँछ ।
दिनेश भित्र पसेर भाइको खोजी गर्न थाल्छन् । भुँइतला हुँदै दोस्रो तलासम्म पुग्दा भान्जा तेस्रो तलामा उक्लिसकेका हुन्छन् ।
दिनेश दौडँदै माथिल्लो तलमा पुग्छन् । त्यहाँको दृश्य देखेर उनको मुटुको चाल नै रोकिए जस्तो हुन्छ । झ्यालको ठीकमुनि एउटा जलेको मान्छे देखिन्छ । ऊ भित्तामा अडिएको अवस्थामा छ । हात–खुट्टा कुप्रिएको छ ।
केही संकेतबाट प्रष्ट हुन्छ, त्यो उनकै भाइ सुरेश रजक हुन् ।
तर, उनी त्यहाँसम्म गएर किन निस्किएनन् ? जबकि जुन झ्यालबाट प्रदर्शनकारीसँगै उनी प्रवेश गरेका थिए त्यहाँबाट निस्कनका लागि उसलाई केले रोक्यो ?
आगो एकै पटक सल्किएको थिएन । भूँइतलामा आगो लागिरहँदा सुरेश किन चुपचाप बसिरह्यो ? आगोको राप र धुँवाले पोल्न थालेपछि मान्छे छटपटाउनु वा चिच्याउनुपर्ने हो ।
संभव भएसम्म आफूलाई बचाउन खोज्नुपर्ने हो । माथिको तलाबाट हाम फाल्नुपर्ने हो । यताउता दौडनुपर्ने हो । के उनले त्यसो गरे ?
दिनेशलाई लाग्दैन आगोले पोल्नुअघि भाइ दौडिए, चिच्याए वा आफ्नो ज्यान बचाउनतर्फ लागे । त्यसो हुँदो हो त केही न केही संकेत देखिने थियो । धुँवाको मुस्लोले अचानक बेहोस हुने स्थिति पनि त्यहाँ देखिंदैन । त्यसो भए उक्त कोठाभित्र, त्यो पनि भित्तामा अडेसिएको अवस्थामा उनी कसरी जल्न पुगे ?
यतिबेला शोकमा बसिरहेका दिनेशलाई यही प्रश्नहरूले घोचिरहेको छ । उनलाई लाग्छ, यो स्वभाविक छैन । रहस्यमयी छ ।
००० ०००
शुक्रबार बिहान करिब ८ बजे ।
सधै झै सुरेश त्यसदिन पनि बिहानै उठेर फूर्तिसाथ आफू कार्यरत एभिन्युजतर्फ लागे । बिहान चाँडै उठ्ने, घरायसी कामकाज सिध्याउने र अफिस निस्कने निश्चित तालिका थियो उनको ।
घरबाट निस्कँदै गर्दा उनले दाइ दिनेशलाई भने, ‘म छिटै आउँछु । तँ पनि काम सकाएर छिटै आउनु, रमाइलो गर्नुपर्छ ।’
त्यसदिन घरमा भोज हुँदै थियो ।
त्यसै त रौसे मान्छे, त्यसमाथि भोज । भोज खानु वा खुवाउनु, केही विशेष परिकार तयार गर्नु, आगन्तुकलाई तृप्त बनाउनु, हाँसीमजाक गर्नु उनको मूल स्वभाव थियो । उनी रसिक थिए, झोंकी थिए र जोखिमसँग खेल्न रुचाउने पनि । त्यसअघि उनले ‘हेम सुनिल जोखिमपूर्ण पत्रकारिता पुरस्कार’ पाएका थिए ।
यसवर्ष घरमा आयोजना हुने सबैजसो भोजको जिम्मा उनकै भागमा थियो । किनभने तीन दाजुभाइले वर्षैपिच्छे पालैपालो भोजभत्तेर गर्ने भावनात्मक सहमति थियो ।
सुरेश तीन दाजुभाइमध्ये कान्छो । जेठो दाइ चागलको पुर्ख्यौली घर बस्छन् भने सुरेश र दिनेशले चन्द्रागिरिमा नयाँ घर बनाएर सरेका थिए ।
यसपाली घोडोजात्रासँगै भोजभतेरको याम सुरु हुँदै थियो र त्यसको पहिलो दिन सुरेशले सबै बन्दोबस्त गरिसकेका थिए । त्यसदिन सबै भाइ मिलेर चन्द्रागिरिस्थित घरमा भोज खाने, अर्को दिन चेलीहरूलाई निम्तो गर्ने तय भएको थियो ।
सुरेशले घरमा भनेका थिए, ‘राजावादी प्रदर्शनको काम सकाएर जात्राको भिडियो खिच्छु, त्यसपछि सोझै घर फर्कन्छु ।’
तर, उनी फर्किएनन् ।
००० ०००
हामी चागलको पुर्ख्यौली घरमा पुग्यौं, जहाँ सुरेश जन्मिहुर्के । घरमा सन्नाटा थियो । भुँइतलामा केही आगन्तुकसँगै सुरेशकी श्रीमती थिइन्, विक्षिप्त अवस्थामा ।
हामी माथिल्लो तलमा उक्लियौं, जहाँ सुरेशका दाइहरू भेटिए । सुरेश त्यसदिन घरबाट के भनेर निस्किएका थिए ? कसरी सम्पर्कविहीन भए ? कसरी जले ?
हामीसँग यस्तै आधारभूत प्रश्नसँगै अरु केही जिज्ञसा थियो । ऊ कस्तो स्वभावको थियो ? कार्यशैली कस्तो थियो ?
बाहिर के सुनिएको थियो भने, सुरेशले कति महिनादेखि आफ्नो कामको पारिश्रमिक पाएका थिएनन् । पारिश्रमिक नपाएपनि उनी नियमित अफिस जान्थे । निर्धारित समयमा काम सकाउँथे ।
हामीले कतिपय भिडियो फुटेजमा देख्यौं, उनी ढुङ्गामुडा भइरहेको भवनमा छिरेर भिडियो खिच्दैछन् । प्रदर्शनकारीले तोडफोड गरेकै ठाउँबाट प्रत्यक्ष प्रसारण गर्ने तयारी गर्दैछन् । त्यतिका उग्र हुलदङ्गालाई पछ्याउँदै झ्यालबाट छिरेर कोठासम्म पुगेका छन् ।
‘ऊ अलि एक्स्ट्रा नै थियो’ माइला दाइ दिनेशले सुनाए, ‘जे कुरा पनि अलि फरक ढंगले गर्न खोज्ने, अरुभन्दा फरक बन्न खोज्ने ।’
त्यसपछि उनले हामीलाई सुरेशको सम्पूर्ण बेलिबिस्तार लगाए ।
००० ०००
‘जसोतसो प्लस टुसम्म पढ्यो । तर, पूरा गरेनन् । खर्चपर्चका लागि उसले मलेसिया जान्छु भन्यो । हामीले उसलाई मलेसिया पठायौं । त्यहाँ गाडीको पार्ट्स बनाउने ठाउँमा काम गर्यो ।
आमाको मानसिक स्वास्थ्य ठीक थिएन । बुवा बितिसकेका थिए । हामी दुवैलाई जेठा दाजु र भाउजुले हुर्काए । पढाए । जेठा दाइले बिहे गर्दा भाइ सुरेरश राम्ररी भात खान पनि नसक्ने बालक थियो । दाजु र भाउजुले नै स्यहारसुसार गरे ।
त्यसबेला हाम्रो परिवारको अवस्था नाजुक थियो । सुरुमा त दाइले हामीलाई निजी स्कुलमै भर्ना गरिदिए । त्यसपछि सरकारीमा । हामीले राम्ररी पढ्न सकेनौं ।
विनासकारी भूकम्पअघि आमा बितिन् । केही दिनमा सुरेश मलेसियाबाट फर्किए । त्यसपछि उनीसँग कुनै कामधन्दा थिएन ।
मैले उसलाई माउन्टेन टेलिभिजनमा बोलाएँ, जहाँ म काम गर्थें । त्यहाँ सुरुको केही महिना उसले इन्टर्नसीप गर्यो, मसँगै काम सिक्यो ।
पछि हामी १५ जनाले एकसाथ माउन्टेन टेलिभिजन छाड्यौं, त्यसमा सुरेश पनि थियो ।
पछि उसले एभिन्युज टेलिभिजनमा काम सुरु गर्यो । र, एक वर्ष भित्रमै आफ्नो विभागको सम्पूर्ण जिम्मेवारी सम्हाल्न थाल्यो । कामप्रति उनको एकदमै लगाव थियो । चाहे त्यो अफिसमा होस् वा घरमा ।
उसले बिहे गरेको धेरै भएको छैन । बिहेपछि दुवै जना आ–आफ्नो काममा जान्थे । घरको काम पनि मिलीजुली गर्थे । उसलाई खाना पकाउन, लुगा धुन, घर सफा गर्न कहिल्यै अल्छी नलाग्ने ।
बिहान ५ बजेतिर उठिसक्ने । त्यसपछि घरायसी काम सक्ने । भात पकाउने । अनि खाना हटकेसमा राखेर एउटै समयमा अफिस निस्कने ।
प्रायः ८, ९ बजेतिर ऊ घरबाट हिंडिसकेको हुन्थ्यो । घरबाट लगेको खाना अफिसमै खान्थ्यो । र, राति ७–८ बजे मात्र घर फर्कन्थ्यो ।
उसलाई अलि जोखिमपूर्ण काम गर्न मन लाग्ने । अरुले नगरेको, अरुले नसकेको काम । अरुभन्दा पृथक देखिन खोज्ने । यस्तो खतरा काम गर्न मन छ भन्ने गर्थे । ऊ खतरासँगै खेल्ने खालको थियो । साथै बलियो र फुर्तिलो पनि ।
दुई–तीन जनासँग त सजिलै भिड्न सक्ने । झोंकी पनि । तर, त्यसदिन कसरी उसले कुनै प्रतिकार नै गरेन ? किन आगो लाग्दा बाहिर निस्किएन ? मलाई अचम्म लागिरहेको छ । ऊ त हाम फालेर पनि निस्कन सक्ने मान्छे हो । वा भिड्न पनि सक्ने मान्छे हो ।
ऊ चन्चले, रमाइलो पनि थियो । घरमा सुरेश भएपछि सबैजना खुसी देखिन्थे । भोजभत्तेरमा अझ रमाइलो गर्ने । पाहुनालाई नयाँ कुरा बनाएर चखाउन मन पराउने । सबै जना खुसी भएको देख्दा ऊ रमाउँथ्यो । तर, आज उसले घरलाई शुन्य बनाएर गयो ।
Nepal has won 4 awards at the BYD Asia Pacific 2025 Dealer Conference. Cimex Inc. Pvt. Ltd., which is the authorized seller of the Chinese EV brand in Nepal, earned 4 different accolades at the flagship event.
Cimex Inc. earned the awards in “All Brand Top Sales”, “Asia Pacific Outstanding Strategic Partner”, “2024 Excellent Partner”, and “Top 20 Store” awards. The program was conducted under the theme of ‘Connected. Inspired. United’.
The awards reflect Cimex’s success with BYD car sales in Nepal. BYD doesn’t have a long history in Nepal. The EV brand entered Nepal in 2018 but hit the consumer market in 2022. But in just 3 years, the brand has strengthened its influence, becoming one of the top EV brands in Nepal, if not the top. Especially, its fully electric car, BYD Atto 3, has taken the Nepali market by storm. For its sporty design, features, and performance.
Besides Cimex as a company, senior Sales Officers working at it, such as Luj Maharjan, Nirajan Khanal, and Sanam Shekh, also received the Top Sales Award.
At the same event, BYD dealers were also acknowledged in different categories for their contribution. Team Eleven EV World Pvt. Ltd., the official dealer for Dang, was awarded the 2024 Outstanding Marketing Dealer Award. Similarly, Chitwan dealer Euro Auto Green Pvt. Ltd. was presented with the 2024 Excellent Partner Award, and Birgunj dealer Neeraj Automobiles Pvt. Ltd. was recognized with the 2024 Best Sales Growth Dealer Award.
The award at the BYD Dealer Conference is a testament to both BYD and CIMEX for their prolific partnership in Nepal and proof of their achievement.
काठमाडौँ महानगरपालिका–६ तेन्जिङचोकस्थित एक घरमा आगलागी हुँदा जलेर एक जनाको मृत्यु भएको छ।
मृत्यु हुनेमा सुनसरी बाराहक्षेत्र नगरपालिका–२ स्थायी घर भई काठमाडौँ महानगरपालिका–६ को राजेशचन्द्र गिरीको घरमा डेरा गरी बस्ने वर्ष १८ की मुमेन तामाङ (महिला) रहेकी प्रहरीले जनाएको छ।
आज साँझ ५ः२७ बजेको समयमा उनको कोठामा आगलागी भइरहेको अवस्थामा तामाङलाई जलिरहेको देखेपछि तत्काल उद्धार गरिएकोमा साँझ ६ः२० बजेको समयमा ओम अस्पतालमा मृत्यु भएको जिल्ला प्रहरी परिसर काठमाडौँका प्रवक्ता प्रहरी उपरीक्षक अपीलराज बोहराले जानकारी दिए।
आगलागीको कारण नखुलेको उनले बताए। आगलागी साँझ १७ः३५ बजे पूर्णरूपमा नियन्त्रणमा लिइएको र अनुसन्धान जारी रहेको प्रहरीले जनाएको छ। प्रहरी प्रभाग कपनबाट प्रहरी निरीक्षक नेत्रबहादुर कुँवरको कमाण्डमा खटी गएको प्रहरी टोली, स्थानीयवासी र घाइतेको बुबा दधीराम तामाङसमेतको टोलीले आगो नियन्त्रणमा ल्याएको थियो। रासस
१८ चैत, काठमाडौं । नेपाल सुपर लिग (एनएसएल) २०२५ मा विदेशी प्रशिक्षकहरुको संख्या धेरै छ । ७ टिममध्ये ४ टिम अर्थात आधा भन्दा बढी टिममा विदेशी प्रशिक्षक छन् । तीन टिममा मात्र नेपाली प्रशिक्षक छन् ।
त्यसमध्ये नेपाली प्रशिक्षकले सम्हालेका दुई टिम एफसी चितवन र पोखरा थण्डर्सबीच आज खेल हुँदैछ । खेल साँझ ६ बजेदेखि दशरथ रंगशालामा सुरु हुनेछ ।
चितवनको प्रशिक्षकमा नविन न्यौपाने छन् भने नविनकै पूर्व टिम पोखराको प्रशिक्षण सुमन श्रेष्ठले सम्हालेका छन् । सुमन श्रेष्ठ पहिलो पटक एनएसएल टिमको प्रशिक्षक बनेका हुन् ।
यस्तै टिममा फरवार्ड कप्तान छन् । राष्ट्रिय टिमका लागि संयुक्त रुपमा सर्वाधिक १३ गोल गरेका अनज्न विष्टले चितवनको कप्तानी गर्दैछन् । अन्जन मार्की प्लेअर समेत हुन् । अन्जन तीन फरक सिजनमा तीन फरक क्लबलको मार्की र कप्तान हुने एक मात्र खेलाडी हुन् । उनी पहिलो सिजन ललितपुर सिटी तथा दोस्रो सिजन झापा एफसीका मार्की र कप्तान थिए ।
उता पोखराको कप्तानी नवयुग श्रेष्ठले गर्नेछन् । पहिलो सिजन पोखराको मार्की रहेका नवयुगले दोस्रो सिजन चितवनको जर्सीमा खेलेका थिए । पोखराले यस सिजन युवा फरवार्ड समिर तामाङलाई मार्की बनाएको थियो ।
यसअघिका दुई सिजन खासै राम्रो प्रदर्शन गर्न नसकेको चितवनले यस सिजन मार्की देखि कोचिङ स्टाफसम्म परिवर्तन गर्दै नयाँ टिम बनाएको छ । राष्ट्रिय टिमका अन्जनसहित सुमित श्रेष्ठ र अभिषेक लिम्बु चितवनको टिममा छन् । यस्तै राष्ट्रिय टिमबाट खेलिसकेका गोलकिपर विशाल श्रेष्ठ र छिरिङ गुरुङ छन् भने युवा मिडफिल्डरहरु जय गुरुङ, रोशन राना मगर र शिशिर लेखी पनि छन् ।
चितवनले विदेशी खेलाडीमा अघिल्लो सिजनमा टोरिक जेबरिनलाई निरन्तरता दिँदा मोफसलको फुटबल खेलेको फरवार्ड युसुफ मिलाकलाई पनि अनुबन्ध गरेको छ । यस्तै जमैकाको राष्ट्रिय टिमबा६ खेलेका गोलकिपर अमल नाइट, अमेरिकाको उमेर समूहबाट खेलेका भिक्टोमार मानसारे पनि छन् । यस बाहेक अमेरिकन जोनाथान क्याम्पबेल र उज्वेकिस्तानका नोदिरबेक माभलोनोभ छन् ।
चितवन अहिलेसम्म प्लेअफ पुग्न सकेको छैन र यस सिजन प्लेअफ पुग्दै उपाधि जित्ने लक्ष्य राखेको छ । उता पोखराले भने अघिल्लो सिजन उत्कृष्ट प्रदर्शन गर्दै लिगमा शीर्ष स्थानमा रहेपनि प्लेअफमा दुवै खेलमा पराजित हुँदा उपाधि जित्न सकेन ।
यस सिजन पोखरामा युवा खेलाडीहरु धेरै छन् र उनीहरुमै टिमको भरोसा छ । पोखरामा हाल राष्ट्रिय टिममा रहेका मध्ये आयुष घलान छन् । यस बाहेक कप्तान नवयुग, सुरज ज्यू ठकुरी र समिरले राष्ट्रिय टिमबाट खेलिसकेका छन् । सुरजले अघिल्लो सिजन पनि पोखराबाटै खेलेका थिए ।
ढिला विदेशी खेलाडी अनुबन्ध गरेको पोखराले अन्तिम समयमा गोलकिपर प्रिसो र फरवार्ड जोए वाइडुलाज्ञ भित्र्याएर टिम सन्तुलित बनाएको छ । दुवैले यसअघि दोस्रो सिजन पोखराबाट खेलेका थिए ।
यस्तै नेपालको ए डिभिजन लिग र एनएसएलको अनुभव भएका स्टेफेन समिर बिनोङ पनि पोखराको टिममा छन् । पोखराले एनआरएन कवटाका सुदिल राईलाई अनुबन्ध गरेको छ ।
जनता समाजवादी पार्टी (जसपा) नेपालले चैत्र मसान्तसम्म स्थानीय तहअन्तर्गत वडा, पालिका र जिल्ला समितिहरूको अधिवेशन अधिवेशन सम्पन्न गर्ने भएको छ। पालिका समितिको जिम्मेवारीमा खटाइएका केन्द्रीय अभियन्ताहरूको समन्वयमा स्थानीय तहको अधिवशेन कार्यलाई तीव्रता दिइएको पार्टीका प्रचार प्रसार तथा प्रकाशन विभाग प्रमुख पूर्ण बस्नेतले जानकारी दिए।
पार्टीको परिपत्रअनुसार स्थानीय तहको अधिवेशनपश्चात प्रदेश समिति र पहिचानमा आधारित राष्ट्रिय समितिको अधिवेशन गर्नुपर्ने छ। प्रदेश समिति र पहिचानमा आधारित राष्ट्रिय समितिको अधिवेशन वैशाख २५ गतेभित्र र वैशाख मसान्तसम्म भ्रातृसङ्गठनको अधिवेशन गर्ने पार्टीको निर्णय भएको प्रमुख पूर्ण बस्नेतले बताए।
जसपा नेपालले ‘जनतासँग जसपा नेपाल, आधारभूत सङ्गठन निर्माण अभियान’ को अवधिमा पार्टी प्रवेश कार्यक्रम, सदस्यता वितरण तथा नवीकरणलगायतका सङ्गठनात्मक गतिविधि बढेको पार्टीले जनाएको छ। पार्टीको अभियानलाई २०८२ वैशाख मसान्तसम्म जारी रहने बताइएको छ।
१८ चैत, काठमाडौं । आज मुस्लिम समुदायले इद उल फित्र पर्व मनाउँदैछन् । सरकारले यस पर्वको अवसरमा आज सार्वजनिक बिदासमेत दिएको छ ।
इद उल फित्र मुस्लिम समुदायको महत्वपूर्ण चाडमध्ये एक हो । यो चाड इस्लामिक पात्रोअनुसार नवौँ महिना रमजानभर गरिएको उपवास (रोजा) को समापनमा मनाइन्छ ।
रोजाको दौरान मुस्लिम धर्मावलम्बीहरूले सूर्योदयदेखि सूर्यास्तसम्म भोजन, पानी तथा अन्य भौतिक सुख–सुविधाबाट टाढा रहन्छन् । जानकारहरुका अनुसार, यो अवधिमा आध्यात्मिक शुद्धता, दानशीलता, सहानुभूति, तथा आत्मसंयमको अभ्यास गरिन्छ ।
नेपालमा मुस्लिम समुदायका लागि इद विशेष हर्षोल्लासका साथ मनाइन्छ । सरकारले यस दिन सार्वजनिक बिदा दिने प्रचलन राखेको छ, जसले धार्मिक सद्भावलाई अझ सुदृढ बनाउने काम गर्ने मन्त्रालयका अधिकारीहरु बताउँछन् ।
कसरी मनाइन्छ ?
नेपालका विभिन्न ठाउँहरूमा रहेका मस्जिदहरूमा बिहानैदेखि विशेष नमाज पढ्न मुस्लिम समुदाय जम्मा हुन्छन् । नमाजपछि आपसमा अँगालो मार्दै शुभकामना आदान–प्रदान गर्ने परम्परा छ । यो अवसरमा दान (जकातुल फितर) दिनु अनिवार्य मानिन्छ, जसले गरीब तथा आवश्यक सहयोग चाहिने व्यक्तिहरूलाई मद्दत गर्न सकिन्छ ।
इदमा विशेष परिकारहरू तयार गरिन्छन्, जसमा मिठाइ, खजुर, सेवइयाँ तथा विभिन्न परिकारहरू समावेश गरिन्छन् । परिवारजन, आफन्त तथा छिमेकीहरूबीच भोज तथा भेटघाटको विशेष महत्व रहन्छ ।
प्रतिनिधिसभा र राष्ट्रियसभाको अवरुद्ध बैठक सुचारु गर्न सरकारले समयमै पहल नगर्दा पाँच अध्यादेश प्रतिस्थापन विधेयक पारित गर्ने समय घट्किएको छ। सोमबार राष्ट्रपतिबाट प्रमाणीकरण गर्नुपर्ने अध्यादेश प्रतिस्थापन विधेयकलाई आइतबार राष्ट्रियसभाले पारित गर्न सकेन।
राष्ट्रियसभाले अध्यादेश प्रतिस्थापन विधेयक पारित गरेर प्रतिनिधिसभामा सन्देश पठाउनुपर्छ। सोमबार एक दिनभित्र सबै काम गरेर राष्ट्रपतिसमक्ष प्रमाणीकरणका लागि पठाउन समय निकै कम हुने संसद् सचिवालयका अधिकारीले बताए। यसकारण सोमबार सदन सुचारु भए पनि समय पुग्नका लागि कठिन रहेको ती अधिकारीको भनाइ छ।
प्रतिनिधिसभा र राष्ट्रियसभाको लगातार चार दिनसम्म संसद् अवरुद्ध हुँदा यसबीचमा सरकारले ठोस भूमिका खेलिरहेको छैन भन्दै आएको प्रतिपक्षी दलले सोमबार प्रधानमन्त्रीले जवाफ दिएमा सदन चल्ने आशा राखेको छ। माओवादी केन्द्रका प्रमुख सचेतक हितराज पाण्डेले प्रधानमन्त्रीले सदनमा सोमबार जवाफ दिनुभयो भने सदन सुचारु हुने बताए। गत सोमबार नेपाल विद्युत् प्राधिकरणका कार्यकारी निर्देशक कुलमान घिसिङलाई सरकारले बर्खास्त गरेको विषयमा प्रधानमन्त्रीको जवाफ माग गर्दै प्रतिपक्षी दलको अवरोधका कारण बुधबार, बिहीबार, शुक्रबार र आइतबार सदन सुचारु हुन सकेको छैन।
सदन सुचारु गर्ने काम सरकारको भएकाले सरकारले नै सदन चलाउनका लागि प्रतिपक्षसँग संवाद गर्नुपर्ने प्रतिपक्षी सांसदको माग छ। मुख्यगरी कुलमान घिसिङको बर्खास्तबारेमा निरन्तर विरोध गरिरहेको प्रतिपक्षी दलले आइतबारको बैठकमा पनि प्रधानमन्त्रीको जवाफ नआएसम्म सदन अघि बढाउन नदिने अडान लिएको थियो।
बैठक सुरु हुनासाथ सत्तापक्ष र प्रतिपक्षका सांसद उठेर होहल्ला गर्न थालेपछि सभामुखले बैठक स्थगित गरेका थिए। बैठकपछि बोल्दै माओवादी केन्द्रका सांसद माधव सापकोटाले सत्तापक्षले प्रत्यक्ष प्रसारणको माइक नै काट्न लगाएर प्रतिपक्षमाथि आक्रमण गर्न खोजेको आरोपसमेत लगाए। प्राविधिक कारणले केहीबेर प्रत्यक्ष प्रसारण लाइन काटिएको संसद् सचिवालयले जनाएको छ। घिसिङको बर्खास्तको विरोध गर्ने प्रतिपक्षी दलमा माओवादी केन्द्र, राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी, एकीकृत समाजवादी लगायत छन्।
आइतबारको बैठकमा सत्तापक्षका सांसदले पनि उठेर सदन अवरुद्ध गरेका थिए। शुक्रबार तीनकुने घटनाका बारेमा बोल्न पाउनुपर्ने भन्दै सत्तापक्षका सांसदहरूले धारणा राखेका थिए। कांग्रेसका सांसद रामहरि खतिवडाले शुक्रबार तीनकुनेमा केही उच्छृंखल घटना भएका छन्, यसबारेमा बैठकमा सबैलाई बोल्न दिनुपर्छ भन्दै उनले संविधानको रक्षा गर्नुपर्ने दायित्व सबैको भएको बताए, तर यस विषयमा कुरा राख्ने कार्यलाई सदन अवरुद्ध गरेर अप्ठ्यारो बनाउने कार्य कसैले गर्नुहुँदैन भन्दै प्रतिपक्षलाई सहयोग गर्न आग्रह गरेका थिए।
एमाले सांसदहरू झन् आक्रामक तरिकाले प्रस्तुत भएका थिए। सांसदहरू ठाकुर गैरे, पदम गिरी, महेश बर्तौला लगायतले राजावादीलाई कारबाही गर्न माग गरेका थिए। उनीहरूलाई तुरुन्तै पक्राउ गर्नुपर्ने भन्दै सदनमा बोल्नका लागि समय माग गरिरहेका थिए।
यता राप्रपाका अध्यक्षसमेत रहेका राजेन्द्र लिङ्देनले आफूलाई पक्राउ गरेर देखाउन भन्दै छाती ठोक्दै चुनौती दिएका थिए। माओवादी केन्द्र भने मौन रूपमा उभिरहेको थियो। कुलमान घिसिङ प्रकरणमा माओवादीको पक्षमा राप्रपा उभिएकाले माओवादी राप्रपाको विरुद्धमा बोलेको थिएन।
प्रतिनिधिसभा बैठकमा होहल्ला भएपछि सभामुखले सदन सुचारु गर्न सबैलाई आआफ्नो स्थानमा बसेर बैठक सञ्चालनमा सहयोग गर्न पटकपटक आग्रह गरेका थिए। आग्रह नमानेपछि निर्देशन पनि गरेका थिए। उनले सोमबारको बैठकमा प्रधानमन्त्रीले जवाफ दिने भनेकाले प्रतिपक्षको माग सम्बोधन हुने भन्दै सदन चलाउन आग्रह गरेका थिए। बाहिर आगो बलेको छ, त्यसबारे सबैले बोल्न खोज्नुभएको छ भन्दै उनले बैठक चलाउन आग्रह गरे, तर प्रतिपक्षीले सभामुखको आदेश नमानेपछि १५ मिनेटका लागि बैठक स्थगित भएको थियो। त्यसपछि चार बजे बोलाइएको बैठक बस्दै नबसी सूचना टाँसेर स्थगित भएको थियो।
यता राष्ट्रियसभाले बिहान ११ बजेर १५ मिनेटमा बैठक बोलाएको थियो। बैठक बस्न नसकेपछि सूचनाबाट सवा एक बजेसम्मका लागि सारिएको थियो। त्यो बैठक पनि बस्न नसकेपछि साढे तीन बजेसम्मका लागि बैठक बोलाइएको थियो। त्यसपछि पनि बैठक बस्न नसकेपछि सोमबार बोलाइएको छ। बैठक खुलाउन सभामुख र अध्यक्षले सत्तापक्ष र प्रतिपक्षका प्रमुख सचेतकसँग दिनभर छलफल गरेका थिए, तर सरकारले यसबारे जवाफ दिन नखोजेपछि बैठक स्थगित भएका थिए।
राष्ट्रियसभाको कार्यसूचीमा पाँच अध्यादेश प्रतिस्थापन विधेयक पारित गर्ने कार्यसूची थियो। अध्यादेश प्रतिस्थापन विधेयकहरूमा सहकारी सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने विधेयक, २०८१, सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने विधेयक, आर्थिक कार्यविधि तथा वित्तीय उत्तरदायित्व (पहिलो संशोधन) विधेयक २०८१, निजीकरण (पहिलो संशोधन) विधेयक २०८१, आर्थिक तथा व्यावसायिक वातावरण सुधार र लगानी अभिवृद्धिसम्बन्धी केही नेपाल ऐनलाई संशोधन गर्ने विधेयक रहेका छन्।
प्रधानमन्त्री केपी शर्मा ओलीले थाइल्यान्डमा आयोजना हुन लागेको बिमस्टेक सम्मेलनमा सहभागिताका विषयमा सोमबार सम्बोधन गर्ने क्रममा प्रतिपक्षले राखेको मागका विषयमा पनि धारणा राख्ने सत्तापक्षका सांसदले जनाएका छन्। प्रधानमन्त्री ओली चैत १९ गते त्यसतर्फ प्रस्थान गर्नेछन्। थाइल्यान्डले चैत २० देखि २२ गतेसम्म बिमस्टेक सम्मेलन आयोजना गर्दै छ।
१८ चैत, काठमाडौं । भारतमा जारी इन्डियन प्रिमियर लिग (आईपीएल) क्रिकेटमा आज एक खेल हुँदैछ । मुम्बई इन्डियन्स र कोलकाता नाइट राइडर्स आज आमनेसामने हुँदै छन् ।
खेल मुम्बईको घरेलु मैदान वाङ्खेडे स्टेडियममा बेलुकी पौने ८ बजेदेखि सुरु हुनेछ । मुम्बईको कप्तानमा हार्दिक पाण्ड्या छन् भने कोलकाताको कप्तानमा अजिन्क्या रहाने छन् ।
मुम्बई अहिलेसम्म खेलेका दुवै खेलमा पराजित भएको छ । पहिलो खेलमा चेन्नई सुपर किङ्ससँग पराजित भएको मुम्बई दोस्रो खेलमा गुजरात टाइटन्ससँग पराजित भएको थियो ।
यता कोलकाताले भने २ खेल खेल्दा १ जित निकालेको छ । पहिलो खेलमा रोयल च्यालेन्जर्स बेंगलुरुलसँग पराजित भएको कोलकाताले दोस्रो खेलमा राजस्थान रोयल्सलाई हराएको थियो ।
मुम्बई घरेलु मैदानमा यस सिजन पहिलो खेल खेल्दै छ यद्यपी शनिबार खेलेपछि एक दिनको ग्याप मात्र पाएको थियो । कोलकाता भने लामो ग्यापपछि आउँदै छ ।
दुई टोलीबीच हालसम्म भएका खेलमा मुम्बईले २३ खेल जित्दा कोलकाताले ११ खेल जितेको छ । पछिल्ला ६ मध्ये ५ खेल कोलकाताले जितेको छ । गत सिजन १२ वर्षको खडेरी तोड्दै मुम्बईकै मैदानमा कोलकाताले जितेको थियो ।
विशेषगरी लगातार दुई हार बेहोरेको मुम्बई आज पहिलो जितको खोजीमा हुन्छ भने दोस्रो खेल जितेको लय कोलकाताले कायमै राख्न चाहनेछ ।
कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ। समितिका अनुसार तरकारी र फलफूलको अधिकतम थोक मूल्य निर्धारण गरिएको हो।
गोलभेँडा ठूलो (नेपाली) प्रतिकिलो रु ४०, गोलभेँडा ठूलो (भारतीय) प्रतिकिलो रु ५०, गोलभेँडा सानो (लोकल) प्रतिकिलो रु २०, गोलभेँडा सानो (तराई) प्रतिकिलो रु २५, आलु रातो प्रतिकिलो रु ३५, आलु रातो (भारतीय) प्रतिकिलो रु ३८, प्याज सुकेको (भारतीय) प्रतिकिलो रु ५०, गाजर (लोकल) प्रतिकिलो रु ४०, गाजर (तराई) प्रतिकिलो रु ३५, बन्दा (लोकल) प्रतिकिलो रु १५, बन्दा (तराई) प्रतिकिलो रु १५, बन्दा (नरिवल) प्रतिकिलो रु २०, काउली (स्थानीय) प्रतिकिलो रु ४०, स्थानीय काउली (ज्यापु) प्रतिकिलो रु ५०, मूला रातो प्रतिकिलो रु ५०, मूला सेतो (लोकल) प्रतिकिलो रु १५, सेतो मूला (हाइब्रिड) प्रतिकिलो रु २०, भन्टा लाम्चो प्रतिकिलो रु ३० तथा भन्टा डल्लो प्रतिकिलो रु ५०, तने बोडीको मूल्य प्रतिकिलो रु ५० कायम गरिएको छ।
१६ चैत, काठमाडौं । नेकपा (माओवादी केन्द्र) ले राजवादीहरूले चैत १५ गते काठमाडौंको तीनकुने क्षेत्रमा मच्चाएको हिंसात्मक प्रदर्शनको कडा भर्त्सना गरेको छ। पार्टीका उपाध्यक्ष एवं प्रवक्ता अग्नि सापकोटाद्वारा जारी विज्ञप्तिमा आपराधिक र अराजक क्रियाकलापमा संलग्न तथा उक्साहट दिने योजनाकार र प्रदर्शनका आयोजकलाई कडा कारबाही गर्न सरकारसँग माग गरिएको छ।
विज्ञप्तिमा शुक्रबारको प्रदर्शनमा पूर्वराजा ज्ञानेन्द्र शाहको योजनाबद्ध उक्साहटमा प्रदर्शनकारीहरूले विध्वंसात्मक कार्य गरेको आरोप लगाइएको छ।
प्रदर्शनका क्रममा पत्रकार सुरेश रजक र सविन महर्जनको मृत्यु हुनुका साथै नेकपा (एकीकृत समाजवादी) को कार्यालय, सञ्चार गृह, औषधि कारखाना, डिपार्टमेन्ट स्टोर तथा अन्य सार्वजनिक र निजी सम्पत्तिमा तोडफोड, आगजनी र लुटपाट भएको घटनालाई गम्भीर आपराधिक कार्यका रूपमा लिँदै माओवादी केन्द्रले ती सबै घटनाको निन्दा गरेको छ।
माओवादी केन्द्रले यस्ता हिंसात्मक र आपराधिक गतिविधिहरूमा संलग्न व्यक्तिहरूलाई कानुनी दायरामा ल्याउन, दोषीलाई गम्भीर अनुसन्धान गरी कडा भन्दा कडा कारबाही गर्न र विधिको शासन कायम गर्न सरकारलाई ध्यानाकर्षण गराएको छ।
चैत्र १५ गते राजधानीमा आयोजित बृहत् जनप्रदर्शन र जनसभामा उत्साहजनक सहभागीहरूलाई धन्यवाद ज्ञापन गर्दै विज्ञप्तिमा उक्त जनसभा तत्कालीन रूपमा सरकारप्रति खबरदारी र उदण्ड जत्थालाई जवाफ दिनका साथै दीर्घकालीन रूपमा जनताको गणतन्त्र स्थापनाका लागि ऐतिहासिक कोसेढुङ्गा सावित भएको बताइएको छ।
माओवादी केन्द्रले मुलुकमा शान्ति, स्थायित्व र विधिको शासन सुनिश्चित गर्न सबै पक्षलाई संयमित रहन र समस्याको समाधान संवाद र समझदारीबाट खोज्न आग्रह गरेको छ।
१६ चैत, काठमाडौं । नेपाल उद्योग वाणिज्य महासंघले हालै काठमाडौंमा भएको आन्दोलन/प्रदर्शनका क्रममा भएको हिंसात्मक घटनाप्रति गम्भीर ध्यानाकर्षण भएको बताउँदै यस्ता गतिविधिको निन्दा र भर्त्सना गरेको छ ।
महासंघले आन्दोलनका क्रममा सर्वसाधारण र उद्यमी व्यवसायीको पेसा व्यवसाय गर्न पाउने नैसर्गिक अधिकार हनन हुनुका साथै निजी र सार्वजनिक सम्पत्तिमा आक्रमण, लुटपाट, आगजनी जस्ता घटनाहरूले गम्भीर क्षति पुर्याएकोप्रति चिन्ता व्यक्त गरेको छ ।
चैत्र १५ गते काठमाडौंमा भएको आन्दोलनका क्रममा धनजनको ठूलो क्षतिका साथै मानवीय जीवनमा समेत दुखद क्षति पुगेको उल्लेख गर्दै महासंघले ज्यान गुमाएका व्यक्तिहरूप्रति हार्दिक श्रद्धाञ्जली अर्पण गरेको छ। विज्ञप्तिमा पीडित परिवारहरूप्रति समवेदना व्यक्त गर्दै घाइतेहरूको शीघ्र स्वास्थ्य लाभको कामना पनि गरिएको छ।
महासंघले आन्दोलनका क्रममा सर्वसाधारणको निजी सम्पत्ति, मिडिया हाउस, व्यवसायिक प्रतिष्ठान, कार्यालय र अन्य व्यापारिक गतिविधिहरूमा भएको आक्रमण, आगजनी र लुटपाटका घटनाप्रति खेद व्यक्त गर्दै यस्ता हिंसात्मक गतिविधिको विरोध गरेको छ। साथै, घटनाबाट पीडितहरूले उचित क्षतिपूर्ति पाउनुपर्ने माग पनि महासंघले अगाडि सारेको छ।
महासंघले संविधानले दिएको अधिकारभित्र रही शान्तिपूर्ण रूपमा माग राख्न सकिने भए पनि हिंसात्मक आन्दोलन, लुटपाट, आगजनी, धनजनको क्षति र व्यक्तिगत सम्पत्तिमाथिको आक्रमण निन्दनीय रहेको जनाएको छ। यस्ता घटनाहरूको पुनरावृत्ति रोक्न र सार्वजनिक सुरक्षा सुनिश्चित गर्न महासंघले सम्बन्धित निकायलाई आवश्यक कदम चाल्न आग्रह गरेको छ ।
महासंघले समाजमा शान्ति, सुरक्षा, र स्थायित्व कायम गर्न सबै पक्षलाई संयमित रहन र हिंसाबाट टाढा रहँदै समस्याहरूको समाधान संवाद र समझदारीबाट खोज्न अपिल गरेको छ ।
Nepal Telecom (Ntc) has announced the SEE 2081 offer. It brings a SIM card at just Rs 20, data, voice, SMS, and resources as a bonus on recharge. According to Ntc, the offer is effective from 2081 Chaitra 15 to 2082 Ashar 30. In this offer, SEE students who have participated in the SEE 2081 […]
संघीयता कार्यान्वयनसँगै नेपालमा अहिले तीन तहको सरकार छ। ‘सिंहदरबार’को अधिकार गाउँगाउँ पुगेको छ। तीन तहका सरकारमध्ये स्थानीय तह जनताको सुख–दुखको सबैभन्दा नजिकको सरकार हो। आम नागरिक नजिकको सरकारसँग पनि सन्तुष्ट देखिँदैनन्। तर केही स्थानीय तहमा जनप्रतिनिधिले गरेका कामबाट जनताले आशा पनि गरिरहेका छन्।
मुगुको छायानाथ रारा नगरपालिकाका मेयर विष्णु भामले गरिरहेको काम हेर्दा लाग्छ, स्थानीय सरकारलाई त्यसै ‘चुलो’को सरकार भनिएको होइन। श्रमदान अभियानमार्फत उनले जनताको घरआँगनमा पुगेर काम गरिरहेका छन्।
कर्णालीको दुर्गममध्येकै एक छायानाथ रारा नगरपालिकामा उनले नगर बस चलाएका छन्, सामाजिक परिवर्तनका लागि कानुन बनाएर कार्यान्वयन गरिरहेका छन्। विद्यालय शिक्षा सुधारमा पनि पनि नगारपालिकामा देखिने गरी काम भएका छन्।
मेयर भामले आफू निर्वाचित भएदेखि नै प्रत्येक शनिबार दुई घण्टा श्रमदान अभियान सञ्चालन गरिरहेका छन्। उनलाई साथ दिने स्थानीयको संख्या पनि बढ्दो छ। ‘सुरुसुरुमा फोटो खिचाउन ढुंगा बोक्यो भन्नेहरूले अहिले आफैं आएर ढुंगा बोक्न थाल्नुभएको छ,’ श्रमदान अभियान सञ्चालनताकाको स्मरण सुनाउँदै भामले भने, ‘मेरो नगरपालिकामा हरेक शनिबार जनताबाट श्रमदान हुन्छ। श्रमदानबाटै विभिन्न टोलमा २३ वटा धारा, १५ वटा पाटीपौवा र १५ ठाउँमा गोरेटो बाटो निर्माण गरिएको छ।’
नगरपालिका क्षेत्रमा प्रत्येक शनिबार हुने श्रमदानमा दुईतीन सयजनाको सहभागीता हुन्छ। श्रमदानमा खाना–खाजा सरकारी ढुकुटीबाट खर्च हुँदैन। ‘स्थानीयले नै सहयोग गर्नुहुन्छ, कसैले खाना–खाजाका लागि सहयोग गर्नुहुन्छ, कसैले नगदै सहयोग गर्नुहुन्छ,’ मेयर भामले भने, ‘एक जनप्रतिनिधि इमानदारीसाथ जनताको सेवामा लाग्यो भने सहयोगी हातहरूको कमी हुँदैन भन्ने मेरो अहिलेसम्मको अनुभव हो।’
उनले श्रमदान अभियानअन्तर्गत भएको आय–व्यय विवरण सामाजिक सञ्जालमार्फत तत्कालै सार्वजनिक गर्छन्। केही समयअघि नगरपालिका–११ रोवा लहपानी नाउलामा सार्वजनिक धारो निर्माण भयो। धारा निर्माणमा २६ हजार एक सय रुपैयाँ खर्च भयो। त्यसमा १२ हजार एक सय रूपैयाँ नगरपालिकाको खर्च भयो भने बाँकी श्रमदान र सहयोगीले बेहोरे।
‘यो धारा निर्माणका लागि श्रमदानमा खटिएका स्वयंसेवीहरूका लागि वडा कार्यालयले दुई हजार रूपैयाँमा ५० केजी आलु किनेर दियो, आठ हजार एक सय रूपैयाँमा छ बोरा सिमेन्ट र दुई हजारमा दुई लिटर रङ नगरपालिकाले किन्यो,’ उनले भने, ‘बाँकी सबै सहयोग श्रमदानमार्फत जुटाएका थियौं।’
उक्त धारा निर्माण गर्न बालुवा ढुवानीका लागि स्थानीय गोविन्द भामले पाँच हजार रूपैयाँ सहयोग गरेका थिए। पाइप खरिदका लागि जितेन्द्र कुमाईले सहयोग गरे भने श्रमदानका लागि खटिएका ५० जनालाई ओहोरदोहोर गर्न जीवन रोकायाले ट्याक्टरको खर्च बेहोरे। यस्तै सहभागीका लागि रञ्जना कर्णले दुई हजारको खाजा खर्च बेहोरिन्। ‘धारा निर्माण गर्दा ३० बोरा बालुवा, तीन चट्टा ढुंगा, २० बोरा गिटी लाग्यो,’ मेयर भामले भने, ‘यो सबै श्रमदानबाट जुटेको थियो।’
नेपाली समाजमा श्रमदान परम्परा पुरानै हो। ‘गाउँघरमा सामाजिक काम गर्दा मात्रै होइन, खेतीकिसानी गर्दा, व्यक्तिको घर निर्माण गर्दा पनि पर्म लगाउने परम्परा छ,‘ मेयर भामले भने, ‘अहिलेको श्रमदान अभियान पनि पर्मकै परिमार्जित रूप हो।’ उनले गोरेटो बाटो, नाला, कुलो, धारा, पाटीपौवा बनाउन श्रमदान अभियान सुरु गरिएको बताए।
छायानाथ रारा नगरपालिकाका प्रशासकीय अधिकृत पशुपति शाहीले श्रमदान गर्न चाहने मानिसको संख्या दिनदिनै बढ्दै गएको बताए। ‘आफ्नै गाउँठाउँको विकासका लागि श्रमदान संस्कृति विस्तार हुने क्रममा छ,’ उनले भने।
उपमेयर ऐश्वर्य मल्लले श्रमदानका कारण नगरपालिकामा देखिनेगरी विकास भएको बताइन्। ‘पैसा नभए काम नगर्ने हाम्रो संस्कार नै भइसकेको थियो,’ उनले भनिन्, ‘आफ्नो गाउँठाउँ बनाउन सरकारको मात्रै मुख ताक्नु हुन्न भन्ने अनुभूति हामीले श्रमदान अभियानमार्फत गरेका छौं, यसले केही सुधारको संकेत पनि गरेको छ।’
मेयर भामले आफ्नो साप्ताहिक कार्ययोजना बनाउँछन्। उनी आइतबार, सोमबार, बुधबार र बिहीबार कार्यालयमा हुन्छन् भने शुक्रबार सरसफाइ र शनिबार श्रमदान गर्छन्।
एमाले मुगुका अध्यक्ष पूर्णबहादुर रोकाया मेयर भामले सुरु गरेको श्रमदान अभियानलाई राम्रो संकेत मान्छन्। ‘नागरिकको नजिकको सरकार स्थानीय तह हो,’ उनले भने, ‘नागरिकसँग जोडिएर गरिने हरेक कामलाई राम्रो मान्नुपर्छ।’
नेकपा माओवादी केन्द्र मुगुका संयोजक सुकवीर बुढा भने मेयरले लोकिप्रिय हुन श्रमदान अभियान सुरु गरेको बताउँछन्। ‘जनश्रमदानबाट उनी पपुलर हुन चाहन्छन्,’ बुढाले भने, ‘बिनायोजनाको यो काम कति दिगो हुने हो थाहा छैन।’
प्रमुख जिल्ला अधिकारी कमलप्रसाद पाण्डे दुर्गममा यसरी श्रमदान अभियान सञ्चालन हुनु राम्रो भएको बताउँछन्। ‘स्थानीय सरकारले गरेको राम्रो कामलाई जनताले पनि साथ दिएका छन्,’ उनले भने, ‘यसैगरी सबै जनप्रतिनिधि जनतासँग जोडिएर काम गर्दा यो व्यवस्थाप्रति नागरिकको विश्वास बढेर जान्छ।’
कर्णाली प्रदेशको राजधानीको सहर वीरेन्द्रनगरमा नगर बस सञ्चालन छैन। मेयर भामले छायानाथ रारा नगरपालिकामा नगर बस सञ्चालन गरिरहेका छन्। ‘अहिले दुईवटा बसबाट नागरिकलाई सेवा दिइरहेका छौं, अरू दुईवटा बस थप्ने योजना छ,’ मेयर भामले भने, ‘प्रदेश राजधानी वीरेन्द्रनगरमा नगर बस सञ्चालन हुन सकेको छैन तर हामीले दुर्गममा नगर बस सञ्चालन गरेर सेवा दिइरहेका छौं।’
नगर बसबाट स्थानीयले ठुलो राहत पाएका छन्। सार्वजनिक यातायातले एक हजार भाडा लिने ठाउँमा नगर बसले दुई सयमै पु¥याउने गरेको छ। ‘बसचालक र सहचालकलाई तलब, इन्धन र मर्मत खर्च मात्रै पुग्ने गरी बस सञ्चालनमा ल्याएका हौं,’ मेयर भामले भने, ‘जनतालाई सेवा दिन नगर बस चलाएकाले फाइदा हेर्दैनौं।’
नगरपालिकाले दलित सशक्तीकरण ऐन बनाएर कार्यान्वयनमा ल्याएको छ, अन्तरजातीय विवाह गर्ने जोडीलाई एक लाख रूपैयाँ प्रोत्साहनस्वरूप दिने गरेको छ। दलित समुदायमाथि हुने विभेदका घटनामा वकालत र बहस पैरवी पनि नगरपालिकाले गरिरहेको छ। यहाँका एक हजार २७६ दलित परिवारलाई दलित भत्ता नगरपालिकाले दिने गरेको छ। नगरपालिकाले दलित बालबालिकाको खातामा प्रत्येक वर्ष २५ सय रूपैयाँ जम्मा गरिदिन्छ। ‘यो रकम बढाएर आगामी आर्थिक वर्षदेखि पाँच हजार पु¥याउने लक्ष्य लिएका छौं,’ मेयर भामले भने, ‘दलित सशक्तीकरण ऐन बनाएर कार्यान्वयन गर्ने यो पहिलो नगरपालिका हो।’
नगरपालिकाले दलित समुदायका लागि ‘दलित सामुदायिक भवन’ पनि बनाएको छ। नगरपालिकामा ४४ वटा विद्यालय छन्। सबै विद्यालयको नयाँ भवन बनाउने अभियान चलाइएको छ। ‘हालसम्म २३ वटा विद्यालयको नयाँ भवन बनाएका छौं,’ मेयर भामले भने, ‘अब बाँकी कार्यकालमा सबै विद्यालयको पक्की भवन बनाउँछौं।’
रारा कर्णालीकै प्रमुख पर्यटकीय स्थल हो। छायानाथ मन्दिर र राराको नामबाट नगरपालिकाको नामाकरण गरिएको हो। रारामा आउने बाह्य पर्यटकका लागि पर्यटन प्रहरी राख्ने निर्णय नगरपालिकाले गरेको छ। ‘पर्यटन प्रहरी बस्नका लागि भवन निर्माण नगरपालिकाले गर्दैछ,’ मेयर भामले भने, ‘केही महिनामै सातजना पर्यटन प्रहरी रारामा बस्नुहुन्छ, यसले बाह्य पर्यटकलाई धेरै सहज हुनेछ।’
स्थानीय परिकार र स्थानीय रोजगारी सिर्जना गर्न गमगढीमा एक बास अभियानको सुरुवात गरेको जानकारी दिँदै उनले भने, ‘रारा घुम्न आउने पर्यटकको बसाइ लम्ब्याउने र स्थानीय रोजगारी सिर्जना गर्ने यसको उद्देश्य हो।’ नगरपालिकाले रारा ताल नजिकैको मिलिचौरमा गल्फ कोर्स बनाउने तयारी पनि थालेको छ।
मेयर भामले अहिलेसम्म सरकारी सुविधा लिएका छैनन्। कार्यालयमा जार र मिनरल पानी बन्देज गरिएको छ। कर्मचारीले आफूलाई खान घरबाटै पानी ल्याउनुपर्ने व्यवस्था गरिएको छ। पालिकाले गर्ने र पालिकाका प्रतिनिधि सहभागी हुने कार्यक्रममा ब्याच र रिवनको प्रयोग निषेध गरिएको छ। ‘ब्याचको सट्टा पिपलको पातमा अतिथि लेख्ने व्यवस्था गरिएको छ,’ उनले भने, ‘प्लास्टिकका फूल, खादा, ब्याच र रिवन पूर्ण रूपमा निषेध गरेका छौं।’
१६ चैत, जनकपुरधाम । महायज्ञका लागि दलितको घर भत्काइएको आरोपमा पक्राउ परेका सिराहाको औरही गाउँपालिका अध्यक्ष शिवजी यादव र पूर्ववडाध्यक्ष दिलीप यादव धरौटी रिहा भएका छन् ।
शुक्रबार सिराहा जिल्ला अदालतका न्यायाधीश विदुर काफ्लेको इजलासको आदेशमा जनही एक लाख रुपैयाँ धरौटी बुझाएर उनीहरु रिहा भएका हुन् ।
जातीय विभेद तथा छुवाछुतसम्बन्धी कसुरमा यही चैत ८ गते पक्राउ परेका उनीहरुविरुद्धको मुद्दामा शुक्रबार अदालतमा थुनछेक बहस भएको थियो । अदालतले उनीहरूलाई १९ वैशाखमा पुनः हाजिर हुन आदेश दिएको स्रेस्तेदार नीरज पोखरेलले बताए ।
गत १० फागुनमा औरही- ५ का दीपक मल्लिक (डोम) को घर महायज्ञका लागि डोजर लगाएर भत्काइएको थियो ।
सञ्चारमाध्यममा समाचार सार्वजनिक भएपछि पालिका अध्यक्ष शिवजी यादव र पूर्ववडाध्यक्षलाई प्रहरीले ८ चैतमा पक्राउ गरेको थियो ।
घटनाको मुख्य योजनाकार मानिएका महायज्ञका मूल पुजारी बजरंगी बाबा भने अझै फरार छन्।
Leading digital wallets IME Pay and Khalti have become ticketing partners for the Nepal Super League 2025. The two will now facilitate spectators with an easier online ticket purchasing facility on their platforms.
Football fans can now buy tickets on Khalti and IME Pay for the NSL fixtures.
Both Khalti and IME Pay are experienced in serving as ticketing partners. For many events, such as concerts, both have served with online ticket management. This time, they have made arrangements for NSL 2025, which is a major Football league. Both are some of the top digital wallets in Nepal, too.
Prior to this, IME Pay managed ticketing for previous NSL editions, while Khalti also did the same for Nepal Premier League (NPL) and International Women’s Championship. Together, they aim to make NSL 2025 bigger and better.
The NSL 2025, which is the third edition of the competition, begins on March 29 and concludes on April 26, 2025. It’s the first and only franchise-based Football league in Nepal. The matches take place at Dasharath Stadium.
What was said as IME Pay and Khalti became the ticketing partner for NSL 2025?
On the occasion, Binay Khadka, CEO of Khalti, also stated: “After the tremendous success of Nepal Premium League and International Women’s Championship, we are beyond excited to partner with IME Pay and NSL for this incredible journey. As passionate supporters of sports and football fans ourselves, we’re thrilled to offer a hassle-free, seamless way for fans to secure their seats online and immerse in the spirit of the game. We can’t wait to hear the roaring chants, the echoing cheers through Dasharath Stadium and across Nepal.”
Shreyans Karki, the Managing Director of Nepal Super League (NSL), shared his excitement: “We are delighted to join hands with Khalti and IME Pay, two of Nepal’s most trusted digital payment platforms. This partnership will simplify ticketing and ensure that fans can secure their seats effortlessly. Our goal is to make the NSL experience smoother, more interactive, and widely accessible.”
Prabin Regmi, CEO of IME Pay, said: “IME Pay is proud to support the growth of Nepali football as the partner of the Nepal Super League. Collaborating with NSL and Khalti, we aim to elevate the sports ecosystem and enhance the fan experience through seamless digital solutions.”
7 Football Clubs will be competing for the Trophy: Lalitpur City FC, Kathmandu Rayzrs FC, Butwal Lumbini FC, Jhapa FC, FC Chitwan, Pokhara Thunder FC, and Dhangadi FC.
सत्तारूढ दल नेकपा (एमाले) का महासचिव शंकर पोखरेलले चैत १५ गतेको राजावादी आन्दोनले नयाँ पुस्तालाई थोरै भए पनि राजतन्त्रको निरङ्कुशताबारे बुझ्ने मौका दिएको प्रतिक्रिया दिएका छन्।
‘राजावादीहरूको कार्यक्रम हिंसात्मक, प्रतिशोधात्मक र अराजक रह्यो। व्यवस्थाको विकल्प दिन्छौँ भन्नेहरू आन्दोलनका माध्यमबाट अपिल गर्न र सन्देश दिन सक्नु पर्दछ। त्यसमा राजावादीहरू पूर्णतःअसफल भए। बरु उल्टै उनीहरूका क्रियाकलापले राजतन्त्रको निरङ्कुशता र दमन बेहोर्न नपरेको नयाँ पुस्तालाई त्यसबारे थोरै भए पनि बुझ्ने मौका मिल्यो,’ महासचिव पोखरेलले फेसबूकमा लेखेका छन्।
महासचिव पोखरेलले आन्दोलनका क्रममा भएका आपराधिक कार्यमा संलग्नहरूलाई कारबाहीको दायरामा ल्याउन सरकारसँग मागसमेत गरेका छन्।
सुरक्षा निकायको संयमताले राजावादीहरूको असलियत उदाङ्गिएको उल्लेख गर्दै उनले भनेका छन्, ‘आन्दोलनका नाममा नियोजित रूपमा परिचालित आपराधिक जत्थाको तोडफोड, आगजनी र लुटपाटबाट पीडित भएकाहरूलाई राज्यका तर्फबाट यथोचित सम्बोधन आवश्यक छ। जनतालाई आतङ्कित बनाउने आपराधिक घटनामा संलग्न व्यक्ति तथा तिनलाई उक्साउने र निर्देशन दिने सबैलाई अविलम्ब कारबाहीको दायरामा ल्याउनु आवश्यक छ।’
१६ चैत, काठमाडौं । लुम्बिनी प्रदेशमा जारी प्रधानमन्त्री कप पुरुष राष्ट्रिय क्रिकेट प्रतियोगिताको फाइनल खेल आज हुँदै छ । उपाधिका लाग दुई विभागीय टोली त्रिभुवन आर्मी क्लब र नेपाल पुलिस क्लब भिड्ने छन् ।
सिद्धार्थ क्रिकेट रंगशालामा विहान ९ बजेदेखि फाइनल खेल सुरु हुनेछ । आर्मीको कप्तानी विनोद भण्डारीले गर्दै छन् भने पुलिसको कप्तानमा दिपेन्द्रसिंह ऐरी छन् ।
दुवै टोलीले समूह चरणका ९ मध्ये ८ खेल जितेका थिए । आर्मी मधेश प्रदेशसँग पराजित भएको थियो भने पुलिस आर्मीसँग अन्तिम खेलमा पराजित भएको थियो ।
गतवर्षको फाइनलमा पनि यी दुई टोली नै भिडेका थिए जहाँ आर्मीलाई हराउँदै पुलिसले उपाधि जितेको थियो । त्यस्तै जय ट्रफी एलिट कपको फाइनलमा पनि पुलिसले बाजी मारेको थियो ।
सन् २०१७ को पीएम कप फाइनलमा टाइ भएपछि यि दुवै टोलीले संयुक्त उपाधि जितेका थिए भने त्यसयता पुलिसले २ पटक उपाधि जित्दा आर्मीले १ पटक जितेको छ ।
आर्मी २०१७ देखि हरेक संस्करणमा फाइनलमा पुग्दा चारपटक फाइनलमा पराजित भएको थियो भने एकपटक संयुक्त उपाधि र २०२१ मा एपीएफलाई हराउँदै उपाधि जितेको थियो ।
पुलिस भने ३ पटक फाइनल पुग्दा तीनपटक नै उपाधि जितेको थियो । पुलिस उपाधि संख्या ४ पुर्याउन चाहनेछ भने आर्मी बराबरी गर्न चाहनेछ ।
आर्मी र पुलिससँगै शीर्ष ४ मा परेका एपीएफ क्लब र बागमती प्रदेश जय ट्रफी एलिट कपका लागि छनोट भइसकेका छन् ।
