पूर्व मुख्यसचिव दामोदरप्रसाद गौतमको ८६ वर्षको उमेरमा मंगलबार निधन भएको छ । कलेजोसम्बन्धी समस्याबाट पीडित गौतमको उपचारका क्रममा ललितपुरमा रहेको मेडिसिटी अस्पतालमा निधन भएको हो ।
उनी २०४७ देखि २०४९ सालसम्म मुख्यसचिव भएका थिए । सरकारले उनलाई अमेरिकाको राजदूत नियुक्त गरेको थियो । उनले २०५५ देखि ०५७ सालसम्म राजदूतको जिम्मेवारी पनि सम्हालेका थिए ।
२०१८ सालमा शाखा अधिकृतको रुपमा सरकारी सेवामा प्रवेश गरेका गौतमको स्थायी घर भने बाराको कलैयामा हो । उनी २०३१ सालदेखि ललितपुरमा बस्दै आएका थिए । उनको मंगलबारनै पशुपति आर्यघाटमा दाहसंस्कार गरिएको छ ।
प्रकाशित: १२ चैत्र २०८१ १८:३५ मंगलबार
