‘यो मन त मेरो नेपाली हो’ असार २७ देखि – Online Khabar

Yomantameronepaliho.jpg


काठमाडौं । फिल्म ‘यो मन त मेरो नेपाली हो’को प्रदर्शन मिति तय भएको छ । निर्माताले पोस्टर सार्वजनिक गर्दै फिल्म असार २७ गतेदेखि प्रदर्शनमा आउने जनाएका हुन् ।

फिल्ममा विजय बराल, विल्सनविक्रम राई, बुद्धि तामाङ, रोशन श्रेष्ठ, आयुषा समाल, नारायण खाती, भुपेन्द्र लिङ्देन, सुवास भन्डारी, विजय सुब्बा, विजिता बर्देवा, देवराज राजबंशी लगायतको अभिनय छ ।

नर प्रधान ‘मित्र’को निर्देशन र कथा रहेको फिल्मलाई ज्ञानबहादुर प्रधान ‘रोशन’ले निर्माण गरेका हुन् । पद्मा ईश्वर ईन्टरटेन्मेन्ट प्रालि ब्यानर र नर प्रधानको प्रस्तुतिमा फिल्म निर्माण भएको हो ।

फिल्मले विदेशमा रहेका नेपालीको मुद्दालाई प्रस्तुत गर्दैछ । शिवम् अधिकारीको लेखनमा निर्माण भएको फिल्मले विश्वका विभिन्न देशमा बसोबास गर्दै आएका नेपालीले आफ्नो कला, संस्कार, संस्कृति बिर्सिँदै गएको हुँदा फिल्मको माध्यमबाट नेपाली भाषाप्रतिको आकर्षण, महत्व र इतिहास दर्शाउन खोजिएको छ ।

फिल्ममा दीपक शर्मा, विकास चौधरी र तोरम्पाहाङ राईको संगीत, सौरभ लामाको छायांकन, बनिश शाहको सम्पादन, देव महर्जनको द्वन्द्व, रेनिश फागोको रङ संयोजन, कविराज गहतराज र प्रमोद भण्डारी नृत्य छ । वितरकमा आरआर फिल्म्स छ ।





Source link

Leave a Reply

Your email address will not be published. Required fields are marked *