१४ सय कोठाभाडा नदिएको झोकमा घरबेटीले गरे डेरामा बस्नेको हत्या 

Death 1


काठमाडौँ । पाल्पामा कोठाभाडा नदिएको भन्दै घरबेटीले डेरामा बस्नेको हत्या गरेका छन् । जिल्लाको तानसेन नगरपालिका-११ घर भएका माधव विष्टले आफ्नो घरमा डेरा गरी बस्ने ५२ वर्षीय रुद्रबहादुर बुढाथोकीको हत्या गरेका हुन् ।

हाल बुढाथोकीको हत्या गरेको आरोपमा जिल्ला प्रहरी कार्यालय पाल्पाले विष्टलाई पक्राउ गरेको छ । 

प्रहरीका अनुसार कोठाभाडाबापत १४ सय रुपैयाँ नदिएको विषयमा विवाद हुँदा विष्टले बुढाथोकीको हत्या गरेका हुन् । प्रहरीका अनुसार बुढाथोकी मासिक ५ सय रुपैयाँ भाडामा विष्टको घरमा बस्दै आएका थिए । 

भाडाबापतको १४ सय नदिएको भन्दै विष्टले उनलाई हँसियाले हानेर हत्या गरेको अनुसन्धानबाट खुलेको छ । सो दिन घरबेटी विष्टले मादक पदार्थ सेवासमेत गरेको प्रहरीले जनाएको छ । 



Source link

Leave a Reply

Your email address will not be published. Required fields are marked *