काठमाडौँ । सवारी चालक अनुमती पत्र (लाइसेन्स)मा भ्रष्टचार गरेको भन्दै चार जनाविरुद्ध आरोपपत्र दर्ता भएको छ । यातायात व्यवस्था कार्यालय रुपन्देहीका तत्कालीन कम्प्युटर अपरेटर कमल पराजुलीसहित चार जनाविरुद्ध आरोप पत्र दायर भएको हो ।
उनीहरुविरुद्ध गलत लिखित एवम् कागजात सच्याई सवारी लाइसेन्समा भ्रष्टाचार गरेको सम्बन्धी आरोपपत्र दायर भएको अख्तियार दुरुपयोग अनुसन्धान आयोगले जनाएको छ ।
आरोपपत्र दायर हुनेहरुमा कम्प्युटर अपरेटर पराजुली, सहायक कम्प्युटर अपरेटर नारायण प्रसाद पाण्डेय र यातायात व्यवस्था कार्यालय दाङ, तुलसीपुरका कम्प्युटर अपरेटर अनिल बुढामगर रहेका छन् ।
अख्तियार दुरुपयोग अनुसन्धान आयोगका अनुसार उनीहरुविरुद्ध शुक्रबार आरोपपत्र दायर गरिएको हो ।
