काठमाडौँ । साताको कारोबारको चौथो दिन बुधबार सेयर बजार मापक नेप्से परिसूचक बढेको छ । बुधबार नेप्से परिसूचक २३.८६ अंकले बढेर २७००.०४ बिन्दुमा पुगेको हो ।
नेप्सेमा कुल ३१८ कम्पनीको १ करोड ४ लाख ४२ हजार ६८३ कित्ता सेयर खरिद बिक्री हुँदा ५ अर्ब ४४ करोडमाथिको सेयर कारोबार भएको छ । आज सबैभन्दा धेरै कारोबार सिईडिबि होल्डिङ्ग्स लिमिटेडको भएको छ । यस कम्पनीको ३६ करोड ५५ लाख रुपैयाँ बराबरको कारोबार भएको छ ।
बुधबारको बजारमा विशाल बजार कम्पनी लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको हो ।
यता, बोटलर्स नेपाल (बालाजु) लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको हो ।
नेपाली सेयर बजारको थप विवरण पाउन र मार्केट डेप्थ हेर्न अर्थ सरोकार डटकमको सेयर बजार पोर्टल हेर्न सकिन्छ ।
