५ फागुन, काठमाडौं । नेकपा एकीकृत समाजवादीका सांसद मेटमणि चौधरीले प्रधानमन्त्री तथा मन्त्रिपरिषद् कार्यालयका सूचना अधिकारीले फोन रेस्पोन्स नगरेको गुनासो गरेका छन् ।
प्रतिनिधिसभाको साेमबाराको बैठकको शून्य समयमा बोल्दै उनले यस्तो गुनासो गरेका हुन् ।
‘आज मात्रै मैले प्रधानमन्त्रीको कार्यालयका सूचना दिने प्रमुख र उपप्रमुखलाई मोबाइल फोन र कार्यालयको टेलिफोनमा धेरैपटक टेलिफोन गरें । दुवैको मोबाइल र लाइन फोनमा रेसपोन्स छैन,’ उनले भने ।
तर, के कारणले फोन गरेको वा के सूचना माग गर्न खोजेको हो त्यसबारे उनले केही खुलाएनन् ।
