काठमाडौं । केशव पाण्डे निर्देशित फिल्म ‘११ः५५- डु नट ट्रस्ट एनिवन’को पहिलो गीत ‘रोक्ने छैन’ सार्वजनिक भएको छ । अल्मोडा राना उप्रेतीको शब्द, संगीत र स्वर गीतमा छ ।
गायनमा अल्मोडासँग सुमन परियारले पनि साथ दिएका छन् । कविराज गहतराजको नृत्य निर्देशन रहेको गीतमा कलाकार सृष्टि श्रेष्ठ, महेश त्रिपाठी, करिश्मा श्रेष्ठ, सागर खनाल फिचर्ड छन् ।
अडियो तथा भिडियोले दर्शकले रुचाउन सक्ने देखिन्छ । सार्वजनिक टिजरले दर्शकमाझ राम्रो छाप छोडेकाले गीतले पनि दर्शकबाट राम्रो प्रतिक्रिया पाउने विश्वास निर्माण टिमको छ ।
फिल्ममा एमएस अग्रज, बुद्धि तामाङ, विशाल पहारीको पनि अभिनय छ । क्राइम थ्रिलर जनरामा निर्माण भएको फिल्मको लेखनमा निर्देशक पाण्डेसँगै एमएस अग्रज र शेखर ज्ञवाली सहकार्य गरेका छन् ।
विचित्र फिल्मस् र गुड जब आट्र्सको व्यानरमा निर्माण भएको फिल्ममा श्याम शर्मा र सरोजा शर्माको लगानी छ । कार्यकारी निर्माता एमएस अग्रज हुन् । कुवेर सिने डिष्ट्रीब्युसन प्रालिले वितरण गर्नेछ ।
