१२ चैत, काठमाडौं । पूर्वराष्ट्रपति विद्यादेवी भण्डारीले सबै नागरिकलाई समान, जीवनोपयोगी र गुणस्तरीय शिक्षा आवश्यक रहेकोमा जोड दिएकी छिन् ।
काठामाडौंमा मंगलबार दिगो विकासका लागि जीवन विकास पुरस्कार कार्यक्रममा भण्डारीले अन्तर्राष्ट्रिय बजारमा प्रतिस्पर्धा गर्ने जनशक्ति उत्पादन गर्ने शिक्षा आवश्यक रहेकोमा जोडि दिइन् ।
‘नेपालको दिगो लक्ष्य अन्तर्गत शिक्षामा विशेष प्रतिबद्धता जाहेर गरेको छ । सबै नागरिकलाई समान, जीवनोपयोगी र गुणस्तरीय सिप सिकाइको अवसर राखेको छ,’ पूर्वराष्ट्रपति भण्डारीले भनिन्, ‘अन्तर्राष्ट्रिय प्रतिबद्धता कार्यान्वयन गर्न सरकारी, गैरसरकारी र निजीबीच समन्वयात्मक हुन आवश्यक छ ।’
अन्तर्राष्ट्रियस्तरमा प्रतिस्पर्धा गर्न व्यवहारिक, प्राविधिक र नवप्रर्वद्धनात्मक शिक्षामा आवश्यक रहेको भण्डारीले बताइन् ।
कार्यक्रममा मोरङको पोखरीया माध्यामिक विद्यालय र सिन्धुलीको जनज्योति माध्यामिक विद्यालय र पत्रकार प्रकृति आधिकारीलाई सम्मान गरिको थियो ।
पहिलो पुरस्कार पोखरीया विद्यालयलाई ५ लाख, दोस्रो ३ लाखको जनज्योति र तेस्रा २ लाखको पुरस्कार पत्रकार अधिकारीलाई दिइएको हो ।
