
केन्द्रीय सदस्य शान्ता पाख्रिन
२२ माघ, सिन्धुली । नेकपा एकीकृत समाजवादीका केन्द्रीय सदस्य शान्ता पाख्रिनसहित नेताहरु नेकपा एमाले फर्किएका छन् ।
२०७८ मा पार्टी विभाजन एकीकृत समाजवादीतर्फ लागेका पाख्रिन सहित नेताहरू एमालेमै फर्किएका हुन् । सिन्धुली एमाले प्रचार विभाग प्रमुख कर्ण घिसिङका अनुसार पाख्रिनसहित गीता कटुवाल, भरत कटुवाल, सम्झनाकुमारी श्रेष्ठ, माया देवी थापा लगायत एमाले फर्किएका छन् ।
उनीहरूलाई बागमती एमालेका अध्यक्ष कैलाश ढुंगेल, केन्द्रीय नेताहरू मनोजजंग थापा, गणेशकुमार पहाडी लगायतले स्वागत गरे ।
तीन महिने जरा अभियान अन्तर्गत एमालेले अहिले ‘पुराना जगाउँ, नयाँ बढाउ’ नाराका साथ पार्टी प्रवेश कार्यक्रम चलाइरहेको छ ।