सशस्त्र प्रहरीले झापाको मेचीनगरबाट ५९ बोरा लत्ताकपडा र मोटर पार्ट्स बरामद गरेको छ ।
मेचीनगर नगरपालिका–६ झिल्के घाँम टोलमा रहेका २ वटा घरमा छापा मारेर उक्त सामान बरामद गरेको सशस्त्र प्रहरीका प्रवक्ता नायव महानिरीक्षक कुमार न्यौपानेले जानकारी दिए । बरामद सामान करिब एक करोड मूल्य बरबरको भएको अनुमान भएपनि यकिन भने हुन नसकेको न्यौपानेले बताए ।
प्रस्तावित सीमा सुरक्षा गुल्म काँकडभिट्टा र राजश्व अनुसन्धान कार्यालय इटहरिको संयुक्त टोलीले मदन पोख्रेलको घरबाट ३९ बोरा तथा उत्तम ठकुरीको घरबाट २० बोरा लत्ताकपडा तथा मोटर पार्ट्स बरामद गरेको हो । विशेष सूचनाका आधारमा डिएसपीको कमाण्डमा मंगलबार दिउँसो प्रहरीले छापा मारेको थियो ।
बरामद लत्ताकपडा र मोटर पार्ट्स आवश्यक कारबाहीको लागि राजश्व अनुसन्धान कार्यालय इटहरी लैजाने प्रक्रियामा रहेको छ ।
प्रकाशित: १२ चैत्र २०८१ १८:३३ मंगलबार
