‘जोन एण्ड द लोकल्स’ले च्यासल स्टेडियममा प्रस्तुति दिने

johnandthelocals

काठमाडौं । युवापुस्तामा चर्चित ‘जोन एण्ड द लोकल्स’ सहित ४ ब्याण्ड ललितपुरको च्यासलमा गुञ्जिने भएका छन् । च्यासल रंगशालामा चैत २३ गते आयोजना हुने पाटन फेस्ट २०२४ मा ब्याण्डले प्रस्तुति दिने तय भएको छ ।

नेपाल रोयल मल्टिप्रपोज प्रालिले आयोजना गर्ने फेस्टिभलमा प्रस्तुति दिने ४ मध्ये एक ‘जोन एण्ड द लोकल्स’ फाइनल भैसकेको छ । यो ब्यणड ‘हावाजस्तै’, ‘के गरौ, ‘निहिती’जस्ता गीतका लागि परिचित छ । अन्य ब्याण्डबारे केही दिनमा जानकारी दिइने आयोजकले जनाएको छ ।

कार्यक्रममा सहभागी हुनका लागि दर्शकले ६ सय, एक हजार र १२ सयको टिकट खरिद गर्न सक्नेछन् । खल्ती एपबाट दर्शकले टिकट काट्न सक्नेछन् । कार्यक्रममा खानेकुराका लागि २० स्टल समेत राखिनेछ । आयोजकले यो कार्यक्रममा प्रवेश गर्ने दर्शकले सुविधासम्पन्न र अत्याधुनिक साउण्ड सिस्टमबाट संगीतको मज्जा लिन सक्ने बताएको छ ।

यो फेस्टले पाटनको स्थानीय पर्यटनलाई प्रोत्साहन गर्ने विश्वास गरिएको छ । आयोजकले यो कन्सर्टमा ८ देखि १० हजार दर्शक उपस्थित हुने विश्वास लिएको छ ।

Source link

Leave a Reply

Your email address will not be published. Required fields are marked *