अवैध रुपमा अमेरिका छिर्न खोज्ने दुई नेपाली नागरिकमाथि गोली प्रहार, दुई जनालाई नै प्रहरीले समात्यो

Pakrau 1024x576.jpg


काठमाडौँ । अवैध रुपमा अमेरिका छिर्न खोज्ने दुईजना नेपाली नागरिकमाथि गोली प्रहार गरिएको छ । मंगलबार राति डुंगा चढेर क्यालिफोर्नियाको सानडिएयो क्षेत्रबाट अवैध रुपमा अमेरिका प्रवेश गर्न खोज्ने दुई नेपाली नागरिकमाथि गोली प्रहार गरिएको हो । 

गोली प्रहारपछि उनीहरु दुवैजनालाई अमेरिकी भन्सार तथा सीमा सुरक्षा (सीबीपी)को एयर एण्ड मरीन अपरेशन (एएमओ)ले पक्राउ गरेको छ ।

दुई नेपाली नागरिकसँगै अन्य नौ जनालाई पनि नियन्त्रणमा लिइएको सीबीपीले जनाएको छ । पक्राउ परेका नेपालीसहित अन्यहरुको नाम भने सीबीपीले खुलाएको छैन ।

यद्यपि पक्राउ पर्नेमा दुई नेपाली नागरिक, दुई जना मेक्सिकन नागरिक, चारजना ब्राजिलियन र एक जना चिनियाँ नागरिक रहेको सीबीपीले जनाएको छ । पक्राउ परेका उनीहरुविरुद्द अमेरिकी कानून ७ युएससी १३२४ उल्लंघन गरेको आरोपमा कानूनी कारवाही प्रक्रिया अघि बढाउने तयारी गरिएको छ ।



Source link

Leave a Reply

Your email address will not be published. Required fields are marked *