काठमाडौँ । पूर्वमन्त्री मोहम्मद अफताब आलम लगायतलाई सफाई दिने न्यायाधीशहरु विरुद्ध न्यायपरिषदमा उजुरी परेको छ । न्यायाधीशद्वय डा. खुसीप्रसाद थारु र अर्जुन महर्जनमाथि छानविन गर्नुपर्ने माग गर्दै युवराज पौडेलले परिषदमा उजुरी दिएका हुन् ।
उनीहरु पदमा रहँदा न्यायसम्पादन नै प्रभावित हुनसक्ने भन्दै उनीहरुलाई निलम्बन गरी अनुसन्धान गर्नुपर्ने उनले माग गरेका छन् ।
बम विस्फोट गरी व्यक्तिको हत्या गरेको आरोपमा जिल्ला अदालत रौतहटले उनलाई दोषी ठहर गर्दै जन्मकैदको फैसला गरेकोमा उच्च अदालत वीरगञ्ज इजलासले जेठ १४ गते आलमलाई सफाइ दिएको हो ।
उक्त घटनाको १२ वर्षपछि रौतहट प्रहरीले आलमलाई १९ असोज २०७६ मा पक्राउ गरेको थियो ।
